భారత్-బంగ్లాదేశ్ మధ్య న్యూయార్క్ వేదికగా నిన్న ప్రాక్టీస్ మ్యాచ్ జరిగింది. ఈ మ్యాచ్తో టీ20 వరల్డ్ కప్ ప్రిపరేషన్స్ను ఘనంగా స్టార్ట్ చేసింది రోహిత్ సేన.
భారత్-బంగ్లాదేశ్ మధ్య న్యూయార్క్ వేదికగా నిన్న ప్రాక్టీస్ మ్యాచ్ జరిగింది. ఈ మ్యాచ్తో టీ20 వరల్డ్ కప్ ప్రిపరేషన్స్ను ఘనంగా స్టార్ట్ చేసింది రోహిత్ సేన.
టీ20 వరల్డ్ కప్-2024 ప్రిపరేషన్స్ను టీమిండియా ఘనంగా ఆరంభించింది. న్యూయార్క్ వేదికగా బంగ్లాదేశ్తో శనివారం జరిగిన వార్మప్ మ్యాచ్లో రోహిత్ సేన 60 పరుగుల భారీ తేడాతో గెలుపొందింది. ఈ మ్యాచ్లో తొలుత బ్యాటింగ్కు దిగిన భారత్ ఓవర్లన్నీ ఆడి 5 వికెట్లకు 182 పరుగులు చేసింది. రిషబ్ పంత్ (32 బంతుల్లో 53) సూపర్బ్ నాక్తో అలరించాడు. ఆఖర్లో పించ్ హిట్టర్ హార్దిక్ పాండ్యా (23 బంతుల్లో 40 నాటౌట్) విధ్వంసక ఇన్నింగ్స్తో సత్తా చాటాడు. ట్రిక్కీ పిచ్పై చేజింగ్లో తడబడిన బంగ్లా.. 20 ఓవర్లకు 9 వికెట్లు కోల్పోయి 122 పరుగులకే కుప్పకూలింది. అర్ష్దీప్ సింగ్, శివమ్ దూబె చెరో 2 వికెట్లతో ప్రత్యర్థి జట్టు వెన్ను విరిచారు. అయితే ఈ మ్యాచ్లో ఓ అనూహ్య సంఘటన చోటుచేసుకుంది. బంగ్లా ఇన్నింగ్స్ సమయంలో ఓ అభిమాని నేరుగా గ్రౌండ్లోకి దూసుకొచ్చాడు.
సాధారణంగా క్రికెట్ స్టేడియాల్లోకి అభిమానులు దూసుకురావడం కామనే. ఫేవరెట్ స్టార్స్ను దగ్గర నుంచి చూడాలని, వారిని కలవాలని, వారి మీద తమకు ఉన్న అభిమానాన్ని చూపించే క్రమంలో ఫ్యాన్స్ ఇలా చేస్తుంటారు. అయితే భారత్, శ్రీలంక లాంటి ఆసియా దేశాల్లో గ్రౌండ్లోకి ఫ్యాన్స్ దూసుకొచ్చినా పోలీసులు పెద్దగా ఏమీ అనరు. వాళ్లను అదుపులోకి తీసుకొని వెళ్లిపోతారు. కానీ అమెరికా పోలీసుల తీరే వేరు. నిన్న భారత్-బంగ్లా మ్యాచ్ టైమ్లో మైదానంలోకి వచ్చిన ఫ్యాన్ను చితకబాదారు అక్కడి పోలీసులు. టీమిండియా కెప్టెన్ రోహిత్ శర్మ చెబుతున్నా వినకుండా అతడ్ని కిందపడేసి కొట్టారు. ఆ తర్వాత అతడి చేతికి బేడీలు వేసి తీసుకెళ్లారు. దీనికి సంబంధించిన వీడియో ఇప్పుడు సోషల్ మీడియాలో వైరల్ అవుతోంది.
ఆ ఫ్యాన్తో కాస్త జాగ్రత్తగా డీల్ చేయండి, అతడ్ని కొట్టొద్దంటూ రోహిత్ కోరాడు. కానీ అమెరికా పోలీసులు అతడి మాట వినిపించుకోలేదు. కింద పడేసి కొడుతూ బేడీలు వేశారు. దీన్ని చూసిన నెటిజన్స్ యూఎస్లో ఇలాంటివి సర్వసాధారణమని అంటున్నారు. బేస్బాల్, ఫుట్బాల్ మ్యాచుల్లో ఇలాంటివి జరుగుతుంటాయని, అక్కడి పోలీసులు అలాంటి ఘటనలు సీరియస్గా తీసుకుంటారని కామెంట్స్ చేస్తున్నారు. స్మూత్గా డీల్ చేయడం ఉండదని, కొట్టడమే అన్నట్లు యూఎస్ పోలీసుల తీరు ఉంటుందని చెబుతున్నారు. టీ20 వరల్డ్ కప్ మెయిన్ మ్యాచ్ల టైమ్లో అభిమానులు జాగ్రత్తగా ఉండాలని.. పొరపాటున కూడా గ్రౌండ్లో అడుగుపెట్టొద్దని సూచిస్తున్నారు. ఆటకు ఆటంకం కలిగిస్తే పోలీసులు వదిలిపెట్టరని హెచ్చరిస్తున్నారు. మరి.. అభిమానిని పోలీసులు చితకబాదడంపై మీ ఒపీనియన్ను కామెంట్ చేయండి.
