ఇప్పుడు అంతా క్రికెట్ ఫీవర్ నడుస్తోంది. వరుసగా ఇంట్రెస్టింగ్ టోర్నమెంట్లు ఉండటంతో అభిమానులు టీవీలకు అతుక్కుపోతున్నారు. ఆసియా కప్-2023 నుంచి వన్డే వరల్డ్ కప్-2023 వరకు ఎన్నో ఆసక్తికరమైన మ్యాచ్లు ఉన్నాయి. మధ్యలో భారత జట్టు ఆస్ట్రేలియాతో వన్డే సిరీస్ కూడా ఆడనుంది. అయితే ఈ రోజుల్లో చాలా మంది మ్యాచ్లను ఫోన్లలోనే తిలకిస్తున్నారు. స్మార్ట్ఫోన్ల వినియోగం బాగా పెరడగం, ఓటీటీ యాప్స్లో క్రికెట్ లైవ్ టెలికాస్ట్ వస్తుండటంతో అందరూ మొబైల్స్లోనే మ్యాచ్లు చూస్తున్నారు. అయితే ఓటీటీకి సబ్స్క్రిప్షన్ లేనిదే మ్యాచ్లు చూసేందుకు వీలుండదు.
ఓటీటీ సబ్స్క్రిప్షన్ కోసం అందరూ డబ్బులు చెల్లించలేని పరిస్థితి. దీంతో జియో సినిమా అప్పట్లో క్రికెట్ ఫ్యాన్స్కు బంపరాఫర్ ప్రకటించింది. ఐపీఎల్-2023ని జియో సినిమా యాప్లో ఫ్రీగా లైవ్ స్ట్రీమింగ్ చేసింది. దీంతో వ్యూస్ రికార్డు స్థాయిలో వచ్చాయి. అలాంటి జియో సినిమా యాప్ క్రికెట్ ఫ్యాన్స్కు మరో గుడ్ న్యూస్ చెప్పింది. ఇండియన్ ప్రీమియర్ లీగ్ను అందరికీ ఉచితంగా చూపించిన జియో సినిమా.. ఇప్పుడు ఆసియా కప్ అనంతరం జరిగే భారత్-ఆస్ట్రేలియా సిరీస్ను కూడా ఫ్రీగా చూపించనుందట. రీసెంట్గా బీసీసీఐ బ్రాడ్కాస్ట్ హక్కులను వయాకామ్ 18 సంస్థ దక్కించుకున్న సంగతి తెలిసిందే.
వయాకామ్ 18 కంపెనీకి చెందినదే జియో సినిమా యాప్. ఈ నేపథ్యంలో కొత్త సైకిల్లో భాగంగా ఆసీస్తో జరిగే సిరీస్ ఈ కంపెనీకి తొలి కవరేజ్ కానుంది. దీంతో అందరికీ మ్యాచులను ఉచితంగా చూపించాలని జియో సినిమా భావిస్తోందని తెలిసింది. ఈ సిరీస్ను ఏకంగా 11 భాషల్లో వీక్షించేందుకు అవకాశం కల్పిస్తుందట. ఇంగ్లీష్, హిందీ, తెలుగు, తమిళం, కన్నడ, మలయాళంతో పాటు మరాఠీ, గుజరాతీ, భోజ్పురి, పంజాబీ భాషల్లో ఈ మ్యాచ్ కామెంట్రీ ఉంటుందట. దేశంలో స్పోర్ట్స్ను చూసే ఎక్స్పీరియెన్స్ను పూర్తిగా మార్చేయడమే తమ టార్గెట్ అని వయాకామ్ 18 కంపెనీ సీఈవో అనిల్ జయరామ్ తెలిపారు.
ఇదీ చదవండి: పృథ్వీ షాను వెంటాడుతున్న శని!
