టీమిండియా కొత్త కుర్రాడు జితేష్ శర్మ కొట్టిన ఓ సిక్స్కు ఆసీస్ కెప్టెన్కు ఏం చేయాలో పాలుపోలేదు. దెబ్బకు అరిచేశాడు.
టీమిండియా కొత్త కుర్రాడు జితేష్ శర్మ కొట్టిన ఓ సిక్స్కు ఆసీస్ కెప్టెన్కు ఏం చేయాలో పాలుపోలేదు. దెబ్బకు అరిచేశాడు.
ఆస్ట్రేలియాతో జరుగుతున్న నాలుగో టీ20లో టీమిండియా అద్భుతంగా ఆడుతోంది. రాయ్పూర్లోని షాహీద్ వీర్ నారాయణ్ సింగ్ ఇంటర్నేషనల్ క్రికెట్ స్టేడియంలో జరుగుతున్న ఈ మ్యాచ్లో టాస్ నెగ్గిన ఆసీస్ మొదట ఫీల్డింగ్ ఎంచుకుంది. దీంతో బ్యాటింగ్కు దిగిన భారత జట్టుకు ఓపెనర్లు యశస్వి జైస్వాల్ (37), రుతురాజ్ గైక్వాడ్ (32) మంచి పార్ట్నర్షిప్ అందించారు. వీళ్లిద్దరి జోరు చూస్తుంటే ఈ పిచ్ మీద 200 స్కోరు చేయడం ఈజీగా అనిపించింది. కానీ తక్కువ వ్యవధిలోనే టపాటపా వికెట్లు కోల్పోయింది భారత్. మొదట జైస్వాల్ను ఆరోన్ హార్డీ ఔట్ చేశాడు. సిరీస్లో ఫస్ట్ టైమ్ బరిలోకి దిగిన స్టార్ బ్యాటర్ శ్రేయస్ అయ్యర్ (8)ను స్పిన్నర్ తన్వీర్ సంగా వెనక్కి పంపాడు. ఆ తర్వాత కొద్దిసేపటికే సూర్యకుమార్ యాదవ్ (1) కూడా పెవిలియన్కు చేరుకున్నాడు. దీంతో మన జట్టు తీవ్ర కష్టాల్లో పడింది.
13 పరుగుల గ్యాప్లో టీమిండియా మూడు వికెట్లను కోల్పోయింది. దీంతో కష్టాల్లో పడ్డ టీమ్ను రుతురాజ్ ఆదుకున్నాడు. వికెట్లు పడకుండా చూసుకుంటూనే స్కోరు బోర్డును కదిలించాడు. జితేష్ శర్మ (35)తో కలసి అతడు మంచి పార్ట్నర్షిప్ అందించాడు. అనంతరం రుతు ఔటైనా.. రింకూ సింగ్ (46) మరోమారు అటాకింగ్ గేమ్ ఆడాడు. జితేష్-రింకూలు భారీ షాట్స్ కొడుతూనే వీలు చిక్కినప్పుడల్లా సింగిల్స్, డబుల్స్తో స్ట్రైక్ రొటేట్ చేశారు. ఈ జోడీ ఐదో వికెట్కు 56 రన్స్ జోడించింది. అయితే ఆఖర్లో రింకూ, జితేష్ తక్కువ వ్యవధిలో ఔటయ్యారు. వీళ్ల తర్వాత వచ్చిన అక్షర్ పటేల్ (0), దీపక్ చాహర్ (0), రవి బిష్ణోయ్ (4) కూడా పెవిలియన్కు క్యూ కట్టారు. దీంతో భారీ స్కోరు చేయాలనుకున్న భారత్ ఆశ నెరవేరలేదు. 9 వికెట్ల నష్టానికి 174 రన్స్ మాత్రమే చేయగలిగింది.
ఒక మాదిరి టార్గెట్ను ఛేజ్ చేసేందుకు బరిలోకి దిగిన ఆసీస్కు మెరుపు ఆరంభం లభించింది. ఓపెనర్ టిమ్ డేవిడ్ (31) వరుస బౌండరీలతో భారత బౌలర్లను భయపెట్టాడు. అయితే మరో ఓపెనర్ జోష్ ఫిలిప్ (8)ను రవి బిష్ణోయ్ ఔట్ చేయడంతో కంగారూ టీమ్ జోరుకు బ్రేకులు పడ్డాయి. ఆ తర్వాత కొద్దిసేపటికే హెడ్ను అక్షర్ పటేల్ పెవిలియన్కు పంపాడు. అనంతరం క్రీజులోకి వచ్చిన ఆరోన్ హార్డీని కూడా అక్షరే ఔట్ చేశాడు. ప్రస్తుతం ఆసీస్ 7.4 ఓవర్లలో 3 వికెట్ల నష్టానికి 59 పరుగులతో ఉంది. ఆ టీమ్ నెగ్గాలంటే 74 బంతుల్లో 116 రన్స్ చేయాల్సి ఉంటుంది. ఇదిలా ఉంటే.. ఈ మ్యాచ్లో భారత ఇన్నింగ్స్ టైమ్లో కొత్త ఆటగాడు జితేష్ శర్మ కొట్టిన ఓ సిక్స్ హైలైట్ అనే చెప్పాలి. ఎలాంటి భయం, బెరుకు లేకుండా ఆడిన జితేష్ కొట్టిన ఓ షాట్కు ఆసీస్ కెప్టెన్ మాథ్యూ వేడ్కు దిమ్మ తిరిగింది. జితేష్ దెబ్బకు గట్టిగా అరిచిన వేడ్.. కన్నీళ్లు కూడా పెట్టుకున్నాడు. జితేష్ సిక్స్కు సంబంధించిన వీడియో నెట్టింట వైరల్ అవుతోంది. మరి.. టాపార్డర్ బ్యాటర్లు త్వరగా ఔటైన టైమ్లో వచ్చిన జితేష్ ఆడిన ఇన్నింగ్స్ మీకెలా అనిపించిందో కామెంట్ల రూపంలో తెలియజేయండి.
ఇదీ చదవండి: 5 ఏళ్లు ఇర్ఫాన్తో.. కొన్ని రాత్రులు గంభీర్! నటి కామెంట్స్ వైరల్!
Well played, Jitesh Sharma..!!!!
He smashed 35 runs from 19 balls including 1 four and 3 sixes against Australia in 4th T20I match – A brilliant knock by Jitesh! pic.twitter.com/t6UNU4k6Fg
— CricketMAN2 (@ImTanujSingh) December 1, 2023
