Nidhan
India vs Sri Lanka: టీమిండియా స్టార్ ఆల్రౌండర్ హార్దిక్ పాండ్యా మరో ఛాలెంజ్కు రెడీ అవుతున్నాడు. టీ20 వరల్డ్ కప్లో దుమ్మురేపిన పాండ్యా.. ఇప్పుడు లంక బెండు తీసేందుకు సిద్ధమవుతున్నాడు.
India vs Sri Lanka: టీమిండియా స్టార్ ఆల్రౌండర్ హార్దిక్ పాండ్యా మరో ఛాలెంజ్కు రెడీ అవుతున్నాడు. టీ20 వరల్డ్ కప్లో దుమ్మురేపిన పాండ్యా.. ఇప్పుడు లంక బెండు తీసేందుకు సిద్ధమవుతున్నాడు.
Nidhan
టీమిండియా స్టార్ ఆల్రౌండర్ హార్దిక్ పాండ్యా మరో ఛాలెంజ్కు రెడీ అవుతున్నాడు. టీ20 వరల్డ్ కప్లో దుమ్మురేపిన పాండ్యా.. ఇప్పుడు లంక బెండు తీసేందుకు సిద్ధమవుతున్నాడు. పొట్టి వరల్డ్ కప్ ఫామ్నే కంటిన్యూ చేయాలని చూస్తున్నాడు. అయితే టీ20 టీమ్ సారథ్య పగ్గాలు దక్కలేదనే బాధ అతడి ఆట మీద ప్రభావం చూపిస్తుందేమోనని అభిమానులు ఆందోళన చెందుతున్నారు. ఇటు కెప్టెన్సీ పోవడం, అటు భార్య నటాషా స్టాంకోవిచ్తో డివోర్స్ అతడ్ని మానసికంగా దెబ్బతీశాయి. ఫిట్నెస్ కారణంగా చూపి పాండ్యాకు కాదని సూర్యకు కెప్టెన్సీ ఇచ్చిన సంగతి తెలిసిందే. ఇదే రీజన్తో శ్రీలంకతో వన్డేలకు కూడా అతడ్ని ఎంపిక చేయలేదు. దులీప్ ట్రోఫీలో ఆడి ఫిట్నెస్ ప్రూవ్ చేసుకుంటేనే వన్డేల్లోకి ఎంట్రీ అని కోచ్ గంభీర్ స్పష్టం చేయడంతో హార్దిక్ తానేంటో చూపించాలని అనుకుంటున్నాడు.
లంక సిరీస్లో సత్తా చాటాలని ఉవ్విళ్లూరుతున్న హార్దిక్ ప్రాక్టీస్ సెషన్లో చెమటోడ్చుతున్నాడు. కంటిన్యూస్గా బౌలింగ్, బ్యాటింగ్ సాధన చేస్తున్నాడు. అదే సమయంలో టీమ్లోని ఇతర కుర్రాళ్లతో జోవియల్గా ఉంటూ ఎంజాయ్ చేస్తున్నాడు. ఈ క్రమంలో అతడు బౌలింగ్ ప్రాక్టీస్ చేస్తున్న కొన్ని విజువల్స్ నెట్టింట వైరల్ అవుతున్నాయి. అయితే పేస్ బౌలింగ్తో రచ్చ చేసే పాండ్యా.. ఇందులో మాత్రం లెగ్ స్పిన్ బౌలింగ్ చేస్తూ కనిపించాడు. కొత్త అవతారం ఎత్తిన స్టార్ ఆల్రౌండర్.. ప్రాపర్ లెగ్ స్పిన్ గ్రిప్తో బౌలింగ్ చేశాడు. ఈ వీడియోలు చూసిన నెటిజన్స్.. శ్రీలంకకు మూడిందని అంటున్నారు. కెప్టెన్సీ పోయిన కసిలో ఉన్న పాండ్యా.. పర్యాటక జట్టు మీద పిడుగులా పడటం ఖాయమని చెబుతున్నారు.
లెగ్ స్పిన్ ఆయుధాన్ని మ్యాచ్లో హార్దిక్ వాడినా ఆశ్చర్యపోవాల్సిన పని లేదని నెటిజన్స్ కామెంట్స్ చేస్తున్నారు. ఇక, ఫిట్నెస్ ఇష్యూస్ కారణంగా కెప్టెన్సీ పోవడం, వన్డే టీమ్లో బెర్త్ కూడా చేజారినందున ఇక మీదట కొత్త పాండ్యాను చూసే అవకాశం ఉందని ఎక్స్పర్ట్స్ అంటున్నారు. అతడు ఫుల్ కోటా బౌలింగ్ చేయడం, మ్యాచ్ ఆసాంతం ఫీల్డింగ్ చేయడం ఖాయమని చెబుతున్నారు. వికెట్ల మధ్య కూడా వేగంగా పరుగులు తీస్తూ తానేంటో నిరూపించుకునేందుకు అతడు ప్రయత్నిస్తాడని అంటున్నారు. ఇదే జరిగితే ప్లేయర్గా హార్దిక్ మరో మెట్టు ఎక్కడమే గాక టీమిండియా కూడా మరింత స్ట్రాంగ్గా మారుతుందని అంచనా వేస్తున్నారు. మరి.. లంక సిరీస్లో కొత్త హార్దిక్ను చూసేందుకు మీరెంతగా ఎదురు చూస్తున్నారో కామెంట్ చేయండి.
Hardik Pandya the leg spinner in the practice session. 😄👌 pic.twitter.com/mld6IBpKYt
— Mufaddal Vohra (@mufaddal_vohra) July 26, 2024
