వన్డే వరల్డ్ కప్-2023లో టీమిండియా ఆడిన తొలి మ్యాచ్లోనే ఫ్యాన్స్కు కావాల్సినంత మజా దొరికింది. చెన్నైలోని చెపాక్ స్టేడియంలో జరిగిన ఈ మ్యాచ్లో మొదట ఆస్ట్రేలియాను త్వరగా కట్టడి చేసింది భారత్. ఆ తర్వాత ముగ్గురు టాపార్డర్ బ్యాటర్లు డకౌట్గా పెవిలియన్కు చేరడంతో అంతా షాక్. కానీ తామున్నామంటూ విరాట్ కోహ్లీ-కేఎల్ రాహుల్ సొగసైన ఇన్నింగ్స్లతో గెలిపించారు. దీంతో భారత అభిమానులు సంతోషంతో సంబురాల్లో మునిగిపోయారు. వరుసగా ఇషాన్ కిషన్, రోహిత్ శర్మ, శ్రేయస్ అయ్యర్ ఔటవ్వడంతో చాలా టెన్షన్ కలిగింది. ఆ తర్వాత కోహ్లీ కూడా కాస్తయితే క్యాచ్ ఔటయ్యేవాడు.
జోష్ హేజల్వుడ్ బౌలింగ్లో కోహ్లీ కొట్టిన బాల్ గాల్లోకి లేచింది. అయితే దాన్ని క్యాచ్ పట్టేందుకు అలెక్స్ కేరీతో పాటు మిచెల్ మార్ష్ ఒకేసారి పరిగెత్తుకుంటూ వచ్చారు. మార్ష్ బాల్ను పట్టేందుకు ప్రయత్నించి ఫెయిలయ్యాడు. ఆ టైమ్లో అభిమానులతో పాటు టీమిండియా ప్లేయర్లలోనూ ఆందోళన రేగింది. కమిన్స్ క్యాచ్ పట్టి ఉంటే మాత్రం భారత్ కథ అక్కడే ముగిసేదేమో! ఇదే విషయంపై సీనియర్ స్పిన్నర్ రవిచంద్రన్ అశ్విన్ కూడా టెన్షన్కు గురయ్యాడట. అంతేకాదు కోహ్లీ కోసం అశ్విన్ చేసిన ఒక పని తెలిస్తే అందరూ షాకవ్వాల్సిందే.
‘ఆ టైమ్లో నేను డ్రెస్సింగ్ రూమ్లో ఉన్నా. ఒక్కో వికెట్ పడటం.. ఆ తర్వాత కోహ్లీ కొట్టిన బాల్ గాల్లోకి లేవడంతో డ్రెస్సింగ్ రూమ్ నుంచి బయటకు పరిగెత్తా. ఫ్యాన్స్ కూడా ఒక్కసారిగా ఉలిక్కి పడ్డారు. అయితే క్యాచ్ చేజారడంతో అంతా ఊపిరిపీల్చుకున్నారు. అనంతరం నేనూ డ్రెస్సింగ్ రూమ్లోకి వెళ్లిపోయా. కానీ గేమ్ పూర్తయ్యే వరకు అక్కడ ఒకే ప్లేసులో ఉండిపోయా. ఇప్పటికి కూడా నా కాళ్లు కాస్త నొప్పిగానే ఉన్నాయి. ఇది వరల్డ్ కప్ టోర్నీ. అందులోనూ ఆస్ట్రేలియా లాంటి టీమ్ను 199 రన్స్కే ఆలౌట్ చేశాం. అయినా ఆ జట్టును తక్కువ అంచనా వేయడానికి వీల్లేదు. వాళ్ల పోరాటం ఆ స్థాయిలో ఉంటుంది’ అని అశ్విన్ స్పష్టం చేశాడు.
ఇదీ చదవండి: ఆసీస్‌తో బ్యాటింగ్‌కు దిగే ముందు జరిగిన ఆసక్తికర విషయాన్ని వెల్లడించిన రాహుల్!
Ravi Ashwin said, “when I saw Virat Kohli’s catch in the air, I ran outside the dressing room and was thinking ‘wake me up when it’s over’. I went back to the dressing room and the crowd erupted. I stayed in the same place for the entire game. My legs are actually in pain now”. pic.twitter.com/Pny4munwMq
— Mufaddal Vohra (@mufaddal_vohra) October 8, 2023
