క్రికెట్లో మరో కొత్త రూల్ను తీసుకొచ్చేందుకు ఇంటర్నేషనల్ క్రికెట్ కౌన్సిల్ (ఐసీసీ) సిద్ధమైంది. ఈ నిబంధనను అతిక్రమిస్తే మ్యాచ్ రిజల్ట్ తారుమారయ్యే ప్రమాదం ఉంది.
క్రికెట్లో మరో కొత్త రూల్ను తీసుకొచ్చేందుకు ఇంటర్నేషనల్ క్రికెట్ కౌన్సిల్ (ఐసీసీ) సిద్ధమైంది. ఈ నిబంధనను అతిక్రమిస్తే మ్యాచ్ రిజల్ట్ తారుమారయ్యే ప్రమాదం ఉంది.
ఎంతో ఉత్కంఠగా సాగుతూ, దాదాపు ఏడు వారాల పాటు క్రికెట్ లవర్స్ను ఎంతగానో అలరించిన వన్డే వరల్డ్ కప్-2023 ముగిసింది. ఒక దానికి మించి మరో మ్యాచ్, సీట్ ఎడ్జ్ థ్రిల్లర్స్తో ఆడియెన్స్ను కట్టిపడేసింది మెగా టోర్నీ. ప్రతిష్టాత్మక ప్రపంచ కప్ కోసం జరిగిన ఫైనల్లో ఫేవరెట్ టీమ్స్ అయిన ఆస్ట్రేలియా, ఇండియా పోటీపడ్డాయి. టోర్నమెంట్ మొత్తం బెస్ట్ క్రికెట్ ఆడిన ఈ రెండు జట్లు ఫైనల్కు చేరుకోవడంతో తుది పోరు అదిరిపోతుందని, టైటిల్ కోసం ఆసీస్-భారత్ కొదమసింహాల్లా పోరాడతాయని అందరూ భావించారు. అయితే ఎవరూ ఎక్స్పెక్ట్ చేయని విధంగా కంగారూ జట్టు మ్యాచ్ను దాదాపుగా వన్సైడ్గా గెలిచింది.
ఫైనల్లో రోహిత్ సేన అనుకున్న ప్లాన్స్ను ఎగ్జిక్యూట్ చేయడంలో ఫెయిలైంది. మరోవైపు కమిన్స్ సేన మాత్రం ఫీల్డింగ్, బౌలింగ్, బ్యాటింగ్లో తాము అనుకున్న తీరుగా డామినేట్ చేస్తూ భారత్కు ఎలాంటి ఛాన్స్ ఇవ్వలేదు. దీంతో ఆరోసారి వరల్డ్ కప్ ట్రోఫీని ఆ టీమ్ గెలుచుకుంది. వరల్డ్ కప్ను ముచ్చటగా మూడోసారి ఎత్తుకోవాలనుకున్న టీమిండియా కల నెరవేరలేదు. ఫైనల్లో ఓటమితో భారత క్రికెటర్లు, ఫ్యాన్స్, ఆడియెన్స్ తీవ్ర నిరాశలో కూరుకుపోయారు. మరో 7 నెలల్లో టీ20 ప్రపంచ కప్ ఉన్నందున ఇకపై టీమిండియా ఆడే పొట్టి ఫార్మాట్ మ్యాచులపై అందరి ఫోకస్ నెలకొంటుంది. ఆ టోర్నీలోనైనా భారత్ కప్పు గెలుస్తుందేమో చూడాలి.
ఇక, ఇంటర్నేషనల్ క్రికెట్ కౌన్సిల్ (ఐసీసీ) అవసరాన్ని బట్టి క్రికెట్లో కొత్త రూల్స్ను తీసుకురావడం, పాత నిబంధనలను సవరించడం చేస్తుండటం కామనే. లిమిటెడ్ ఓవర్స్ క్రికెట్లో తాజా మరో కొత్త రూల్ ప్రవేశపెట్టేందుకు ఐసీసీ రెడీ అయిపోయింది. బ్యాట్స్మెన్ టైమ్డ్ ఔట్ తరహాలోనే.. బౌలర్ ఆలస్యం చేస్తే పెనాల్టీ విధించాలని ఐసీసీ డిసైడ్ అయింది. బౌలింగ్ టైమ్లో టీమ్స్ సుదీర్ఘ సమయం తీసుకుంటుండటంతో మ్యాచ్లు లేట్గా ముగుస్తున్నాయి. బౌలింగ్ టీమ్స్ సుదీర్ఘ సమయం తీసుకోవడం వల్ల మ్యాచ్లు ఆలస్యంగా ముగుస్తుండటంపై అనేక విమర్శలు వస్తున్నాయి. ఈ సమస్య పరిష్కారానికి ఇప్పటికే స్లో ఓవర్ రేట్ పేరిట కెప్టెన్లతో పాటు ప్లేయర్లకు ఐసీసీ ఫైన్ వేస్తున్న సంగతి తెలిసిందే.
నిర్ణీత టైమ్లో బౌలింగ్ చేయకపోతే 30 యార్డ్ సర్కిల్ బయట ఒక ఫీల్డర్ను తక్కువ పెట్టే నిబంధనను కూడా తీసుకొచ్చింది. అయినా స్లో ఓవర్ రేట్ విషయంలో మార్పులు రాకపోవడంతో ఐసీసీ మరో కొత్త రూల్ తీసుకొచ్చేందుకు సిద్ధమైంది. బౌలింగ్ టీమ్ మూడు సార్లు 60 సెకన్ల తర్వాత ఓవర్ స్టార్ట్ చేయడంలో గనుక విఫలమైతే 5 రన్స్ పెనాల్టీగా విధించనున్నారు. డిసెంబర్ నుంచి వచ్చే ఏడాది ఏప్రిల్ వరకు ఈ విధానాన్ని ప్రయోగాత్మకంగా చేపట్టనున్నారు. ఇకపై స్టాప్ క్లాక్ సాయంతో ఓవర్ల మధ్య ఆలస్యాన్ని గుర్తించనున్నారు. ఈ రూల్ అమలై బౌలింగ్ టీమ్పై 5 రన్స్ పెనాల్టీ విధిస్తే రిజల్ట్ తారుమారయ్యే ఛాన్స్ ఉంది. ఈ రూల్ బౌలర్లకు వ్యతిరేకంగా ఉందని.. దీని వల్ల క్రికెట్లో అసలు మజా తగ్గుతుందని కొందరు ఫ్యాన్స్ అంటున్నారు. మరి.. ఐసీసీ కొత్త రూల్పై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: ఆస్ట్రేలియాతో ఫస్ట్ టీ20.. టీమిండియా ప్లేయింగ్ ఎలెవన్ ఇదే..!
