ఆ రోజు కోహ్లీని చెడామడా తిట్టేశా.. హర్భజన్ ఇంట్రెస్టింగ్ కామెంట్స్!

విరాట్ కోహ్లీ.. టీమిండియా మూలస్తంభంగా కొనసాగుతున్న ప్లేయర్. వరల్డ్ టాప్ బ్యాటర్​గా ప్రశంసలు అందుకుంటున్న ఆటగాడు. మోడర్న్ క్రికెట్​ గ్రేట్​గా లెజెండ్స్ మెచ్చుకుంటున్న బ్యాటర్. కానీ ఈ రేంజ్​కు చేరుకునేందుకు కోహ్లీ ఎంతో శ్రమించాడు. మిడిల్ క్లాస్ బ్యాగ్రౌండ్ నుంచి ఎలాంటి సపోర్ట్ లేకుండా వచ్చి తన ప్రతిభను నమ్ముకొని ఈ స్థాయికి చేరుకున్నాడు. బ్యాటింగ్, ఫిట్​నెస్​ను ఎప్పటికప్పుడు మెరుగుపర్చుకుంటూ ఎవరికీ అందని రేంజ్​కు రీచ్ అయ్యాడు. అయితే మిగతా క్రికెటర్లలాగే కోహ్లీ కూడా ఓ దశలో తనను తాను తక్కువ అంచనా వేసుకున్నాడట. తన వల్ల ఏదీ కాదని ఆత్మన్యూనతకు లోనయ్యాడట. ఈ విషయాన్ని వెటరన్ స్పిన్నర్ హర్భజన్ సింగ్ రివీల్ చేశాడు. ఆ టైమ్​లో కోహ్లీని మోటివేట్ చేసేందుకు కావాలనే తిట్టానని అన్నాడు. ఇంకా భజ్జీ ఏమన్నాడంటే..

‘కోహ్లీ కెరీర్ బిగినింగ్​లో టెస్టుల్లో ఇబ్బంది పడ్డాడు. వెస్టిండీస్ టూర్​లో ఫిడెల్ ఎవర్డ్స్​ను అతడు ఎదుర్కోలేకపోయాడు. ఎడ్వర్డ్స్ బౌలింగ్​లో ఎల్బీడబ్ల్యూ లేదా షార్ట్ బాల్​కు క్యాచ్​లు ఇస్తూ ఔట్ అవ్వసాగాడు విరాట్. దీంతో అతడు నిరాశలో కూరుకుపోయాడు. టెస్టులకు పనికిరానేమోనని అతడు భావించాడు. దీంతో అతడ్ని చెడామడా తిట్టా. టెస్టు క్రికెట్​లో నువ్వు 10 వేల పరుగులు చేయకపోతే సిగ్గుపడాలని చెప్పా. నీకా సత్తా ఉందంటూ అతడిలో స్ఫూర్తి నింపా. ఒకవేళ నువ్వు ఆ స్థాయికి చేరుకోకపోతే అది కచ్చితంగా నీ తప్పేనని అన్నా’ అని హర్భజన్ చెప్పుకొచ్చాడు. తన మాటలు విరాట్​పై ప్రభావం చూపించాయని.. ఆ తర్వాత కాలంలో అతడు తనను తాను పూర్తిగా మార్చుకొని ఈ స్థాయికి చేరుకున్నాడని మెచ్చుకున్నాడు. ఎవరికీ సాధ్యం కాని ఎన్నో అరుదైన ఘనతల్ని అందుకున్నాడని ప్రశంసించాడు.

కోహ్లీ అప్పటిలా లేడని.. పూర్తిగా మారిపోయాడని భజ్జీ పేర్కొన్నాడు. డైట్ దగ్గర నుంచి మైండ్​సెట్ వరకు అన్నీ మార్చేశాడని తెలిపాడు. ఆర్డినరీ ప్లేయర్​గా మిగిలిపోకూడదు, తనను అందరూ ఎప్పటికీ గుర్తుంచుకోవాలనే కసితో అతడు ఛేంజ్ అయ్యాడని చెప్పుకొచ్చాడు. టీమిండియాకు ఎన్నో విజయాలు అందివ్వాలనే ఆకలితో కింగ్ ఆడుతూ వస్తున్నాడని.. ఆ ఆకలి, కసే అతడి స్త్రెంగ్త్ అని తెలిపాడు హర్భజన్. గెలిచినా, ఓడినా పోరాటం ఆపకూడదనేది కోహ్లీ పాటించే సూత్రమని వ్యాఖ్యానించాడు. భారత క్రికెట్​ మీద ఎప్పటికీ చెరిగిపోని ముద్రను విరాట్ వేశాడని.. రాబోయే తరాలు దీని నుంచి ఇన్​స్పైర్ అవుతాయని హర్భజన్ వ్యాఖ్యానించాడు. పట్టుదల, క్రమశిక్షణ, నేర్చుకోవాలనే తత్వం, నెవర్ గివప్ యాటిట్యూడ్ ఉంటే విరాట్ స్థాయికి ఇతరులు కూడా చేరుకోవచ్చని.. దీన్ని కొన్ని ఏళ్ల పాటు కంటిన్యూ చేయాల్సి ఉంటుందన్నాడు.

• ఇదీ చదవండి: నేను చెప్పిందే జరుగుతుంది.. మాట వినక తప్పదు: రోహిత్ శర్మ

Harbhajan Singh said – “Virat Kohli’s mindset is amazing. When he was new in the Team he said ‘I don’t want to be just an ordinary player, I want to be someone who people will remember for a long time, I want to be that guy winning games & scoring hundreds for India”. pic.twitter.com/P1pwXaBpUa

— Tanuj Singh (@ImTanujSingh) September 3, 2024