Nidhan
నయా హెడ్ కోచ్ గౌతం గంభీర్ రాకతో భారత క్రికెట్లో పరిణామాలు వేగంగా మారుతున్నాయి. ఆటగాళ్ల విషయంలో అతడు స్ట్రిక్ట్ రూల్స్ పెడుతుండటం ఇప్పుడు చర్చనీయాంశంగా మారింది.
నయా హెడ్ కోచ్ గౌతం గంభీర్ రాకతో భారత క్రికెట్లో పరిణామాలు వేగంగా మారుతున్నాయి. ఆటగాళ్ల విషయంలో అతడు స్ట్రిక్ట్ రూల్స్ పెడుతుండటం ఇప్పుడు చర్చనీయాంశంగా మారింది.
Nidhan
భారత క్రికెట్లో ఇప్పుడు కొత్త శకం మొదలైంది. టీ20 వరల్డ్ కప్-2024తో కెప్టెన్ రోహిత్ శర్మ పొట్టి ఫార్మాట్కు గుడ్బై చెప్పేశాడు. అతడితో పాటు సీనియర్ బ్యాటర్ విరాట్ కోహ్లీ, స్టార్ ఆల్రౌండర్ రవీంద్ర జడేజా కూడా టీ20లకు రిటైర్మెంట్ ప్రకటించారు. వీళ్లు ముగ్గురూ ఇకపై వన్డేలు, టెస్టులకు పరిమితం కానున్నారు. అటు టీమ్ మేనేజ్మెంట్లో భాగమైన హెడ్ కోచ్ రాహుల్ ద్రవిడ్, బ్యాటింగ్ కోచ్ విక్రమ్ రాథోడ్, బౌలింగ్ కోచ్ పరాస్ మాంబ్రే కూడా తమ బాధ్యతల నుంచి వైదొలిగారు. నయా హెడ్ కోచ్గా లెజెండ్ గౌతం గంభీర్ను నియమించింది బీసీసీఐ. దీంతో ఇండియన్ క్రికెట్లో వేగంగా మార్పులు చోటుచేసుకుంటున్నాయి.
కోచ్గా బాధ్యతలు చేపట్టిన గంభీర్ ప్రతి విషయంలో నిక్కచ్చిగా ఉంటున్నాడు. ఆటగాళ్ల విషయంలో అతడు స్ట్రిక్ట్ రూల్స్ పెడుతుండటం ఇప్పుడు చర్చనీయాంశంగా మారింది. ఫిట్గా ఉన్న ప్రతి ప్లేయర్ మూడు ఫార్మాట్లలోనూ కచ్చితంగా ఆడాల్సిందేనని స్పష్టం చేశాడు గౌతీ. ఫిట్నెస్, ఫామ్ ఉన్నప్పుడే జాతీయ జట్టుకు సాధ్యమైనన్ని మ్యాచుల్లో ఆడాలని అంటున్నాడు. అదే టైమ్లో ప్రతి ఆటగాడు నేషనల్ డ్యూటీగా దూరంగా ఉన్నప్పుడు డొమెస్టిక్ టోర్నమెంట్స్లో ఆడుతూ ఫామ్, ఫిట్నెస్ ఇంప్రూవ్ చేసుకోవాలని కూడా చెబుతున్నాడు. ఇవన్నీ బాగానే ఉన్నా భారత క్రికెట్ మూలస్తంభాలు లాంటి కెప్టెన్ రోహిత్ శర్మ, టాప్ బ్యాటర్ విరాట్ కోహ్లీ, పేసుగుర్రం జస్ప్రీత్ బుమ్రా విషయంలో అతడు వ్యవహరిస్తున్న తీరు వివాదాస్పదంగా మారింది. రోహిత్, కోహ్లీ, బుమ్రా ఊపిరి సలపని క్రికెట్ ఆడి అలసిపోయారు. వెంటవెంటనే ఐపీఎల్తో పాటు టీ20 వరల్డ్ కప్ కూడా ఆడారు.
రోహిత్-కోహ్లీకి వయసు పెరుగుతోంది. కెరీర్ను ఎక్కువ కాలం పొడిగించుకోవాలంటే వాళ్లకు రెస్ట్ ఇవ్వడం ఎంతో అవసరం. అటు నిత్యం గాయాలతో సావాసం చేసే బుమ్రాను కూడా కాపాడుకోవాల్సిన ఆవశ్యకత ఉంది. రెస్ట్ లేకుండా ఆడుతూ వచ్చిన ఈ త్రిమూర్తులు త్వరలో జరిగే లంక సిరీస్కు దూరంగా ఉండాలని భావిస్తున్నారట. కానీ గంభీర్ మాత్రం వాళ్లు ఆడాల్సిందేనని పట్టుబడుతున్నాడని సమాచారం. లంకతో సిరీస్ ముగిశాక బంగ్లాదేశ్తో టెస్టుల్లో ఆడనుంది భారత్. ఈ రెండు సిరీస్లకు మధ్య 42 రోజుల గ్యాప్ ఉంది. కాబట్టి రోకో జోడీ, బుమ్రా రెస్ట్ తీసుకునేందుకు కావాల్సినంత టైమ్ దొరుకుతుందనేది గంభీర్ ఆలోచనగా తెలుస్తోంది. అయితే లంక సిరీస్లో ఆడి ఈ స్టార్లు గాయాలపాలైతే టీమ్కు నష్టమని కొందరు ఎక్స్పర్ట్స్ వాదిస్తున్నారు. గంభీర్ ప్లానింగ్తో నష్టమే గానీ లాభం లేదని.. పట్టుబట్టి ఆడిస్తే ఆ ముగ్గురూ ఫీల్ అవ్వొచ్చని, ఇది జట్టుకు మంచిది కాదని సూచిస్తున్నారు. మరి.. రోహిత్-కోహ్లీ విషయంలో గంభీర్ వ్యవహరిస్తున్న తీరుపై మీరేం అనుకుంటున్నారో కామెంట్ చేయండి.
