క్రికెట్ అనే కాదు.. ఏ గేమ్లోనైనా సరికొత్త ప్రయోగాలు చేయడం కామనే. అయితే అవి సక్సెస్ అయితే ఓకే.. కానీ ఫెయిలైతేనే విమర్శలు ఎదుర్కోవాల్సి ఉంటుంది. ఇప్పుడు బిగ్బాష్ లీగ్ పరిస్థితి అలాగే ఉంది.
క్రికెట్ అనే కాదు.. ఏ గేమ్లోనైనా సరికొత్త ప్రయోగాలు చేయడం కామనే. అయితే అవి సక్సెస్ అయితే ఓకే.. కానీ ఫెయిలైతేనే విమర్శలు ఎదుర్కోవాల్సి ఉంటుంది. ఇప్పుడు బిగ్బాష్ లీగ్ పరిస్థితి అలాగే ఉంది.
క్రికెట్లో ఇప్పుడు లీగ్స్దే హవా నడుస్తోంది. టీ20లు, టీ10 ఫార్మాట్లో మ్యాచ్లు నిర్వహిస్తూ లీగ్స్ చేస్తున్న సందడి అంతా ఇంతా కాదు. ఇదంతా మొదలైంది ఇండియన్ ప్రీమియర్ లీగ్ (ఐపీఎల్) నుంచే. మొదటి టీ20 వరల్డ్ కప్కు వచ్చిన ఆదరణ చూసి భారత్లో ఐపీఎల్ ఐడియాను ఇంప్లిమెంట్ చేశారు. స్టార్ ఆటగాళ్లు, డొమెస్టిక్ ప్లేయర్లను కలిపి ఆడిస్తూ ఒక్కో సిటీకి ఒక్కో ఫ్రాంచైజీని కేటాయించిన ఈ ఫార్ములా ఫుల్ సక్సెస్ అయింది. విదేశీ ఆటగాళ్లు, స్వదేశీ స్టార్లతో పాటు లోకల్ ప్లేయర్స్ కూడా కలసి అదరగొడుతూ లీగ్స్పై ఆసక్తిని మరింత పెంచారు. ఒక ఏడాదిలో రావాల్సిన ఆదాయం కేవలం నెల, నెలన్నర ఆడితే వస్తుండటం, ఆడియెన్స్ నుంచి అపూర్వ ఆదరణ లభిస్తుండటంతో ప్లేయర్లు లీగ్స్ ఆడేందుకు తెగ ఆసక్తి చూపించారు.
ఐపీఎల్లో ఆడితే తమ లైఫ్ పూర్తిగా మారిపోతుందని క్రికెటర్లు అనుకుంటారు. ముఖ్యంగా డొమెస్టిక్ ప్లేయర్స్కు అయితే ఇదో గోల్డెన్ ఛాన్స్ అనే చెప్పాలి. ఇక్కడ సెలక్ట్ అయితే డబ్బుకు డబ్బుతో పాటు బాగా ఆడితే నేషనల్ టీమ్కు ఎంపికయ్యే అవకాశాలు ఉండటంతో దీన్ని వాళ్లు ప్రతిష్టాత్మకంగా తీసుకుంటారు. ఫారెన్ ప్లేయర్స్ కూడా ఐపీఎల్లో ఆడేందుకు ఫుల్ ఇంట్రెస్ట్ చూపిస్తారు. అయితే తీవ్ర పోటీ మధ్య ఈ లీగ్లో ఆడే అవకాశం కొందరినే వరిస్తుంది. ఈ గ్యాప్ను ఫిల్ చేయడానికి ప్రపంచ వ్యాప్తంగా చాలా లీగ్స్ పుట్టుకొచ్చాయి. జీతాలు సరిగ్గా ఇచ్చే పరిస్థితులు లేని వెస్టిండీస్, జింబాబ్వే లాంటి దేశాలకు చెందిన ఎంతో మంది క్రికెటర్లు నేషనల్ టీమ్స్కు గుడ్ బై చెప్పేసి.. లీగ్స్లో ఆడుతూ సెటిలైపోతున్నారు.
ఇక, ఐపీఎల్ రేంజ్లో కాకున్నా వరల్డ్ వైడ్గా బాగా పాపులర్ అయిన లీగ్స్లో ఒకటి బిగ్బాష్. ఆస్ట్రేలియాలో నిర్వహించే ఈ లీగ్కు ఉన్న క్రేజ్, పాపులారిటీ నెక్స్ లెవల్ అనే చెప్పాలి. ఎంతో మంది స్టార్ ప్లేయర్లు ఈ లీగ్లో ఆడుతుంటారు. అలాంటి ఈ లీగ్ తన పరువు తానే తీసుకుంటోంది. ఈ మధ్య జరిగిన కొన్ని ఘటనలు దీనికి ఎగ్జాంపుల్గా చెప్పొచ్చు. మ్యాచుల్లో అనవసర ప్రయోగాలకు వెళ్లి బిగ్బాష్ నిర్వాహకులు లీగ్ పరువు తీస్తున్నారనే కామెంట్స్ వినిపిస్తున్నాయి. మొన్న పిచ్ బాగోలేదని ఏకంగా మ్యాచ్ను ఆపేశారు. పిచ్పై పడ్డాక బాల్ అనూహ్యంగా బౌన్స్ అవుతుండటంతో బ్యాట్స్మెన్ గాయపడే ప్రమాదం ఉందని మ్యాచ్ను ఆపేశారు. ఇప్పుడు కూడా అలాంటి మరో అనూహ్య ఘటన జరిగింది.
సాధారణంగా క్రికెట్లో కాయిన్తో టాస్ వేస్తారు. కానీ బిగ్బాష్లో బ్యాట్తో టాస్ వేస్తారు. తాజాగా జరిగిన ఓ మ్యాచ్లో ఇలాగే బ్యాట్ను గాల్లోకి ఎగరేసి టాస్ వేశారు. కానీ బ్యాట్ కాస్తా అటూ, ఇటూ కాకుండా కిందపడ్డాక మధ్యలో ఉండిపోయింది. దీంతో ఇంకోసారి టాస్ వేయాల్సి వచ్చింది. ఈ సీజన్లో ఇలా జరగడం ఇది రెండోసారట. ఇలా బీబీఎల్ నిర్వాహకుల అనవసర ప్రయోగాల వల్ల ప్లేయర్లు, ఆడియెన్స్కు చికాకు కలుగుతోందని.. ఇకనైనా దీనికి చెక్ పెట్టాలని అంటున్నారు. మరి.. బీబీఎల్లో జరుగుతున్న వరుస అనూహ్య ఘటనలపై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: Sikandar Raza: జింబాబ్వే కెప్టెన్ సికిందర్ రజాపై ICC బ్యాన్! కారణం ఏంటంటే?
Toss happened for the 2nd time in the BBL due to the bat flip. 😂 pic.twitter.com/kcL9wNjAA1
— Mufaddal Vohra (@mufaddal_vohra) December 12, 2023
