Kala Ratri Movie OTT Streaming Details: మలయాళం ఫిల్మ్ ఇండస్ట్రీ నుంచి మరో థ్రిల్లర్ వచ్చేసింది. ఈ మూవీ ఎందులో స్ట్రీమింగ్ కానుంది? తదితర వివరాలు ఇప్పుడు తెలుసుకుందాం..
Kala Ratri Movie OTT Streaming Details: మలయాళం ఫిల్మ్ ఇండస్ట్రీ నుంచి మరో థ్రిల్లర్ వచ్చేసింది. ఈ మూవీ ఎందులో స్ట్రీమింగ్ కానుంది? తదితర వివరాలు ఇప్పుడు తెలుసుకుందాం..
మలయాళ చిత్ర పరిశ్రమ ప్రత్యేకత ఏంటో తెలిసిందే. కమర్షియల్ సినిమాల కంటే ప్రయోగాత్మక చిత్రాలకు అక్కడి మేకర్స్, యాక్టర్స్ ఎక్కువ ఇంపార్టెన్స్ ఇస్తుంటారు. మలయాళ ప్రేక్షకులు కూడా ఎక్స్పెరిమెంట్ ఫిల్మ్స్ను బాగా ఇష్టపడుతుంటారు. అదే సమయంలో మట్టి కథలకు కూడా అక్కడ ప్రాధాన్యత ఇస్తారు. అక్కడి ఆడియెన్స్ టేస్ట్కు తగ్గట్లు డిఫరెంట్ మూవీస్ తీసేందుకు డైరెక్టర్స్ ప్రయత్నిస్తుంటారు. ఈ మధ్య అక్కడ సస్పెన్స్ థ్రిల్లర్స్ కూడా పెరిగాయి. చిన్న పాయింట్ను తీసుకొని భావోద్వేగాలతో కథ అల్లుకునే అక్కడి మేకర్స్.. సస్పెన్స్ థ్రిల్లర్స్లోనూ మనుషుల్లో ఉండే వికారాలు, స్వార్థం, దిగజారడాలు లాంటివి బాగా చూపిస్తున్నారు. ఈ కోవలోనే అక్కడి నుంచి ఈ తరహా మరో చిత్రం వచ్చేసింది.
‘నల్ల నిళవుల రాత్రి’ అనే మలయాళ చిత్రం ఇప్పుడు ఓటీటీలోకి వచ్చేసింది. గతేడాది జూన్ ఆఖర్లో విడుదలైన ఈ సినిమా మంచి వసూళ్లు సాధించింది. మిక్స్డ్ రివ్యూస్ తెచ్చుకున్న ఈ చిత్రానికి ఆడియెన్స్ నుంచి బాగానే ఆదరణ దక్కింది. మలయాళ మూవీ లవర్స్ను అలరించిన ఈ ఫిల్మ్ ఇప్పుడు తెలుగు నాట సందడి చేసేందుకు సిద్ధమైంది. గతేడాది రిలీజైన ఈ మూవీని ఇప్పుడు ‘కాళరాత్రి’ పేరుతో తెలుగులోకి తీసుకొస్తున్నారు. నేరుగా ఆహా ఓటీటీలోకి రానుందీ మలయాళ హిట్. కొందరు స్నేహితులు కలసి తక్కువ ధరకే 266 ఎకరాల తోటను కొనేందుకు వెళ్తారు. ఆ తోట మధ్యలో గెస్ట్ హౌస్ ఉండటంతో అక్కడ అందరూ పార్టీ చేసుకుంటారు. అయితే అనూహ్య ఘటనలతో వాళ్లలో ఒక్కొక్కరు చనిపోతూ ఉంటారు.
‘కాళరాత్రి’ ట్రైలర్ చూస్తే ఆ ఫ్రెండ్స్ను ఎవరో ప్లాన్ చేసి చంపుతున్నట్లు అనిపిస్తోంది. అయితే మధ్యలో స్నేహితుంతా గొడవపడటం, ఒకరి మీద ఒకరు కుట్రలు పన్నడం, దాడులకు దిగడం కూడా చూడొచ్చు. హత్యకు నువ్వు కారణమంటే.. నువ్వు కారణమంటూ ఒకర్ని ఒకరు సందేహించడం కూడా చూడొచ్చు. ఒకవైపు సస్పెన్స్తో భయపెడుతూనే మరోవైపు స్నేహితుల మధ్య ఉండే అనుబంధం, స్వార్థం చూపించడం, కొట్లాడుకోవడం లాంటివన్నీ ఇందులో చూడొచ్చు. హత్యలకు కారణం ఎవరు? ఎందుకు చనిపోతున్నారనేది మిగతా స్టోరీ. ఈ ‘కాళరాత్రి’ మూవీ ఆహా ఓటీటీలో ఆగస్టు 17వ తేదీ నుంచి స్ట్రీమింగ్ అవనుంది. థ్రిల్లర్స్ను ఇష్టపడే వారికి ఈ వీకెండ్ ఇది మంచి ఆప్షన్ కావొచ్చు. మరి.. ‘కాళరాత్రి’ చూసేందుకు మీరెంత ఆసక్తిగా ఉన్నారో కామెంట్ చేయండి.
