కత్రినా కైఫ్ వేల్ షార్క్ తో ఈత కొట్టి సందడి చేసింది.. “ప్రపంచ మహా సముద్రాల దినోత్సవం” సందర్భంగా షార్క్ తో ఈత కొట్టిన వీడియోను ఇన్స్టాగ్రామ్ లో పోస్ట్ చేయడంతో దాదాపు 29 లక్షల అభిమానులు ఆ వీడియోను వీక్షించారు. “నా ఆశ్చర్యకరమైన మిత్రుడితో సముద్రంలో ఓ అందమైన రోజు” అంటూ కత్రినా చేసిన వీడియోను చూసి నెటిజన్లు ఆశ్చర్యపోతున్నారు.
కాగా కత్రినాకైఫ్ తాజాగా నటించిన సూర్యవంశీ చిత్రం కరోనా లాక్ డౌన్ కారణంగా వాయిదా పడింది. తెలుగువారికి కూడా “మల్లీశ్వరి”గా పరిచయమైన ఈ సుందరి అల్లరిపిడుగు తర్వాత తెలుగు తెరపై నటించలేదు. అప్పట్లోనే మల్లీశ్వరి చిత్రంలో నటించడానికి కోటి రూపాయల పారితోషికం అందుకున్న హీరోయిన్ గా వార్తల్లో నిలిచింది. విజయ భాస్కర్ దర్శకత్వంలో విక్టరీ వెంకటేష్ హీరోగా రూపొందిన మల్లీశ్వరి చిత్రం మంచి విజయాన్ని సాధించింది.
