హైదరాబాద్ నగరాన్ని వర్షం ముంచెత్తుంతోంది. మూడో రోజు కూడా ఆగకుండా వర్షం పడుతూనే ఉంది. ఇవాళ కూడా చిరుజల్లులతో పాటు కొన్ని ప్రాంతాల్లో వర్షం కురుస్తోంది. గ్రేటర్ హైదరాబాద్ పరిధిలో 8 సెంటిమీటర్ల వర్షపాతం నమోదైనట్లు వాతావరణ శాఖ అధికారులు పేర్కొన్నారు.
అధికారులు అంచనా ప్రకారం మరో రెండు రోజుల పాటు భారీ వర్షాలు పడే అవకాశం ఉందని, ఈ కారణంగా హైదరాబాద్ ప్రజలందరూ అప్రమత్తంగా ఉండాలని కోరుతున్నారు అధికారులు. అత్యవసరమైతే తప్ప ఇళ్ళ నుంచి బయటకు రావొద్దని కోరుతున్నారు.
వర్షాల కారణంగా మాన్సూన్ టీం ను సిద్ధం చేసింది జిహెచ్ఎంసీ. ఏధైనా ఇబ్బంది ఉన్నా, సహాయం కావాలన్నా 040-21111111 టోల్ ఫ్రీ నంబర్ కు కాల్ చేయాల్సిందిగా చెప్తున్నారు. దీంతో పాటు కార్పొరేటర్లను సైతం తమ సొంత డివిజన్లలోని పరిస్థితిని పరిశీలించాలని ఆదేశాలు జారీ చేశారు. భాగ్యనగర ప్రజల నుంచి ఫిర్యాదులు ఏమైనా వస్తే వెంటనే స్పందించాలని తెలిపారు.
