BREAKING: బెంగుళూరులో భారీ అగ్ని ప్రమాదం.. 40 బస్సులు దగ్ధం!

బెంగుళూరులో భారీ అగ్ని ప్రమాదం సంభవించింది. నగరంలోని వీరభద్ర నగర్ లోని ఓ గ్యారేజీలో పెద్ద ఎత్తున ఒక్కసారిగా మంటలు చెలరేగాయి. దీంతో వెంటనే అప్రమత్తమైన స్థానికులు పోలీసులకు, అగ్నిమాపక సిబ్బందికి సమాచారం అందించారు. హుటాహుటిన ఘటనా స్థలానికి చేరుకున్న పోలీసులు ఆ మంటలను అదుపు చేసే ప్రయత్నం చేశారు. అయితే రెండు అగ్నిమాపక యంత్రాలతో మంటలు ఆర్పివేసినా మంటలు అదుపులోకి రాలేదు. దీంతో అగ్నిమాపక సిబ్బంది ఆ మంటలను అదుపులోకి తీసుకొచ్చేందుకు కష్టపడుతున్నారు.

ఈ ప్రమాదంలో సుమారుగా 40 బస్సులు మంటల్లో దగ్దమైనట్లుగా తెలుస్తుంది. ఇదిలా ఉంటే.. ఈ గ్యారేజీలో బస్సులు పక్క పక్కనే పార్క్ చేసి ఉండడంతో మంటలు మరింత వ్యాపించాయని సిబ్బంది అభిప్రాయ పడుతున్నారు. ఈ ఘటనతో స్థానికులు ఒక్కసారిగా భయందోళనలకు గురయ్యారు. ఈ ప్రమాదంతో భారీగానే ఆస్తి నష్టం సంభవించినట్లుగా తెలుస్తుంది. అయితే ఈ భారీ అగ్ని ప్రమాదానికి అసలు కారణాలు ఏంటనేది తెలియాల్సి ఉంది. దీనికి సంబంధించిన వీడియోలు సోషల్ మీడియాలో కాస్త వైరల్ గా మారుతున్నాయి.