విద్యార్థులకు శుభవార్త.. ఇస్రోతో కలిసి పని చేసే గోల్డెన్ ఛాన్స్!

భారతీయ అంతరిక్ష పరిశోధన సంస్థ ఇస్రో.. జాతీయ అంతరిక్ష దినోత్సవం 2024లో భాగంగా ‘భారతీయ అంతరిక్ష హ్యకథాన్’ ని ప్రారంభించింది. జాతీయ అంతరిక్ష దినోత్సవం ప్రతి ఏటా ఆగస్టు 23న జరుపుకుంటారు. ఇందులో భాగంగా భారతీయ విద్యార్థుల కోసం జాతీయ స్థాయిలో పోటీని నిర్వహిస్తుంది. అంతరిక్ష సంబంధిత ఛాలెంజెస్ ని అధిగమించేందుకు ఈ పోటీని నిర్వహిస్తుంది. ఈ హ్యకథాన్ లో జీఈఓ స్పేషియల్ అప్లికేషన్స్ మీద 12 ప్రాబ్లమ్ స్టేట్మెంట్స్ ఉంటాయి. ఈ ప్రాబ్లమ్స్ ని సాల్వ్ చేసేందుకు ముగ్గురు లేదా నలుగురు భారతీయ విద్యార్థుల బృందాలను ఆహ్వానిస్తున్నారు. అండర్ గ్రాడ్యుయేట్, గ్రాడ్యుయేట్, పోస్ట్ గ్రాడ్యుయేట్ విద్యార్థులు, పీహెచ్డీ విద్యార్థులు, రీసెర్చ్ స్కాలర్స్ ఈ పోటీలో పాల్గొనవచ్చు. వెబ్ పోర్టల్ ద్వారా రెండు దశల కఠిన స్క్రీనింగ్ ప్రక్రియ అనేది ఉంటుంది.       

ఎంపిక ఎలా ఉంటుందంటే?:

ఈ స్క్రీనింగ్ ప్రక్రియ ఎలా ఉంటుందో అనే విషయాన్ని ఇస్రో వివరించింది. తొలుత విద్యార్థుల ఆలోచనలు, ప్రాబ్లమ్ స్టేట్మెంట్స్ కి సంబంధించి 100 బృందాలను షార్ట్ లిస్ట్ చేస్తారు. ఈ వంద బృందాల నుంచి నిపుణుల కమిటీ 30 బృందాలను గ్రాండ్ ఫినాలేకి ఎంపిక చేస్తుంది.

ముఖ్యమైన తేదీలు, అప్లికేషన్ సబ్మిషన్ స్టెప్స్:

• ఈ హ్యకథాన్ అనేది డెడికేటెడ్ వెబ్ పోర్టల్ ద్వారా నిర్వహించబడుతుంది. బృందాలు తమ ప్రతిపాదనలను జూలై 26 లోపు సబ్మిట్ చేయాల్సి ఉంటుంది. 
• గ్రాండ్ ఫినాలేకి ఎంపికైన బృందాలను ఆగస్టు 2న ప్రకటించడం జరుగుతుంది. 
• గ్రాండ్ ఫినాలే అనేది 30 గంటల పాటు సాగే మారథాన్ ఈవెంట్. ఈ ఈవెంట్ హైదరాబాద్ లోని ఎన్ఆర్ఎస్సీ అవుట్ రీచ్ ఫెసిలిటీలో ఆగస్టు 13న ఉదయం 10 గంటలకు మొదలవుతుంది.

ఈ హ్యకథాన్ లో ఎలా పాల్గొనాలంటే?:

• ఇస్రో.హ్యాక్2స్కిల్.కామ్/2024/ లింక్ పై క్లిక్ చేసి హ్యకథాన్ లో రిజిస్టర్ చేసుకోవాలి. 
• ఒకే ఆలోచన ఉన్న వ్యక్తులతో కలిసి బృందాలుగా ఏర్పడాలి. 
• ఛాలెంజ్ ని ఎంపిక చేసుకోవాలి. 
• ఆ ఛాలెంజ్ లో ఉన్న ప్రోగ్రాంకి టీమ్ అందరూ కలిసి సొల్యూషన్ తీసుకురావాలి. 
• ఫైనల్ గా ఆ సొల్యూషన్ ని సబ్మిట్ చేయాలి.    

అప్లికేషన్ డ్రివెన్ ఎకో సిస్టమ్స్ ని ఎక్కువగా క్రియేట్ చేసేందుకు, అంతరిక్ష ఆధారిత అప్లికేషన్స్ లో ఆవిష్కరణలు తీసుకొచ్చేందుకు ఈ హ్యకథాన్ కార్యక్రమం ఉపయోగపడుతుందని ఇస్రో ఛైర్మన్ ఎస్. సోమనాథ్ అన్నారు. ఈ ప్రోగ్రాం వల్ల సమాజానికి, దేశానికి ప్రయోజనం చేకూర్చుతుంది అన్నారు. ఈ హ్యకథాన్ నుంచి వచ్చే వినూత్న ఆలోచనలు సక్సెస్ ఫుల్ బిజినెస్ మోడల్స్ గా పరిణామం చెందుతాయని అన్నారు. 

• మరి మీరు ఈ అద్భుతమైన అవకాశాన్ని సద్వినియోగం చేసుకోవాలంటే గనుక ఈ లింక్ పై క్లిక్ చేయండి. 
• అలానే ఛాలెంజెస్, ఇతర వివరాలు తెలుసుకునేందుకు ఈ లింక్ పై క్లిక్ చేయండి. 
• ఈ హ్యకథాన్ గురించి సమాచారం కోసం ఈ లింక్ పై చేయండి.