VIDEO: క్యాంపస్‌లో గ్యాస్ లీక్.. పరుగులు పెట్టిన నర్సింగ్ విద్యార్థినులు

ఉత్తర్ ప్రదేశ్ లోని మధురలో ఊహించని ఘటన చోటు చేసుకుంది. చీఫ్ మెడికల్ ఆఫీసర్ (CMO) కార్యాలయ క్యాంపస్‌లో శుక్రవారం విద్యార్థులు చదువుకుంటున్నారు. అయితే ఈ క్రమంలోనే ఉన్నట్టుండి అందులో ఉన్న క్లోరిన్ గ్యాస్ ఒక్కసారిగా లీక్ అయింది. దీంతో ఆలస్యంగా తెలుసుకున్న విద్యార్థులు షాక్ గురయ్యారు. ఇక మొత్తానికి గ్యాస్ లీక్ అయిందన్న విషయాన్ని తెలుసుకున్న విద్యార్థులు క్యాంపస్ నుంచి పరుగులు పెట్టారు. ఈ ఘటనతో కొందరు విద్యార్థినులు కొద్దిసేపు ఊపిరాడక చాలా ఇబ్బందులు పడ్డారు. ఇంతే కాకుండా ఎక్కడి వారు అక్కడే పడిపోయారు. దీంతో వెంటనే అప్రమత్తమైన అధికారులు అస్వస్థతకు గురైన విద్యార్థినులకు ధైర్యాన్ని చెప్పారు. ఇక ఆ తర్వాత తక్షణ వైద్యం కోసం ఆ నర్సింగ్ విద్యార్థులను స్థానిక ఆస్పత్రికి తరలించారు.

ఈ ఘటనతో అక్కడి విద్యార్థులు, అధికారులు ఉలిక్కిపడ్డారు. అయితే ఈ ప్రమాదంలో ఎలాంటి ప్రాణ నష్టం జరగకపోవడంతో అంతా ఊపిరి పీల్చుకున్నారు. ఈ షాకింగ్ ఘటనపై స్పందించిన ఉన్నతాధికారులు వెంటనే ఘటనా స్థలాన్ని చేరుకుని అంతా పరిశీలించారు. ఆ తర్వాత క్లోరిన్ గ్యాస్ లీక్ కు గల కారణం ఏంటనే పూర్తి వివరాలను అక్కడి వారిని అడిగి తెలుసుకున్నారు. ఈ ఘటన సమయంలో మరి కొందరు విద్యార్థులు సెల్ ఫోన్ లో వీడియో తీసుకున్నారు. అదే వీడియోను సోషల్ మీడియాలో పోస్ట్ చేయడంతో కాస్త వైరల్ గా మారింది. ఈ వీడియోను చూసిన కొందరు నెటిజన్స్.. నిర్లక్ష్యం కారణంగానే ఇలాంటి ప్రమాదాలు జరుగుతాయని, ఇకనైన అధికారులు స్పందించి జాగ్రత్తగా ఉండాలని సూచిస్తున్నారు. దీనికి సంబంధించిన వీడియో ఇప్పుడు వైరల్ గా మారుతోంది.

pic.twitter.com/oCTHxqrm38

— Hardin (@hardintessa143) November 3, 2023