మన దేశంలో ఇప్పుడు అత్యధికంగా ఉపయోగించే డాక్యుమెంట్గా ఆధార్ను చెప్పొచ్చు. పెద్దలే కాదు.. పిల్లలకు కూడా ఈ కార్డు కంపల్సరీగా మారింది. అయితే పిల్లల ఆధార్కు కొత్త రూల్స్ వచ్చాయి. అవేంటో ఇప్పుడు మనం తెలుసుకుందాం..
మన దేశంలో ఇప్పుడు అత్యధికంగా ఉపయోగించే డాక్యుమెంట్గా ఆధార్ను చెప్పొచ్చు. పెద్దలే కాదు.. పిల్లలకు కూడా ఈ కార్డు కంపల్సరీగా మారింది. అయితే పిల్లల ఆధార్కు కొత్త రూల్స్ వచ్చాయి. అవేంటో ఇప్పుడు మనం తెలుసుకుందాం..
మన దేశంలో ఇప్పుడు అత్యధికంగా ఉపయోగించే డాక్యుమెంట్గా ఆధార్ కార్డును చెప్పొచ్చు. పెద్దలే కాదు.. పిల్లలకు కూడా ఇప్పుడు ఇది కంపల్సరీగా మారింది. రోజువారీ జీవితంలో నిత్యం ఉపయోగించే డాక్యుమెంట్స్లో ఇది ఒకటి. బ్యాంకుల్లో అకౌంట్ ఓపెన్ చేయాలన్నా, కొత్త సిమ్ కార్డు కొనాలన్నా, లోన్ పొందాలన్నా ఆధార్ తప్పనిసరిగా ఉండాల్సిందే. దీనికి ఉన్న ఇంపార్టెన్స్ అంతా ఇంతా కాదు. అలాంటి ఈ కార్డుకు సంబంధించి కొన్ని కీలక నియమాలు, సూచనలు తెలుసుకోవాలి. ఇంట్లో పిల్లలు ఉంటే వాళ్లకు కూడా ఆధార్ కార్డు తీయించడం తప్పనిసరి అని గ్రహించాలి. ఈ రోజుల్లో స్కూల్స్ దగ్గర నుంచి కాలేజీల వరకు ఎక్కడ చేర్పించాలన్నా ఆధార్ కార్డు కంపల్సరీగా కావాల్సిందే.
విద్యాసంస్థల్లో ప్రవేశాల కోసమనే కాదు.. ప్రభుత్వ పథకాలను సద్వినియోగం చేసుకోవాలన్నా, బ్యాంకు ఖాతాలు తెరవాలన్నా ఆధార్ కార్డు ఉండాల్సిందే. అందుకే పిల్లలకు త్వరగా ఈ కార్డు పొందేలా చూడాలి. దీన్ని బ్లూ ఆధార్ లేదా బాల ఆధార్ అని పిలుస్తారు. అయితే ఈ కార్డు దరఖాస్తు విషయంలో కొన్ని కొత్త రూల్స్ విధించారు. ఈ నేపథ్యంలో చిల్డ్రన్ ఆధార్ కార్డ్ పొందే పద్ధతి గురించి ఇప్పుడు మనం తెలుసుకుందాం.. పిల్లల ఆధార్ కోసం వాళ్ల డేటాఫ్ బర్త్ సర్టిఫికేట్, హాస్పిటల్ డిశ్చార్జ్ సర్టిఫికేట్ లేదా స్కూల్ ఐడీ కార్డ్ లేదా పేరెంట్స్ ఆధార్ కార్డ్ తీసుకెళ్లాలి. పేరెంట్స్ ఓటర్ ఐడీ కార్డ్ లేదా డ్రైవింగ్ లైసెన్స్ కూడా అవసరం పడుతుంది.
ఆధార్ అధికారిక వెబ్సైట్లోకి వెళ్లాలి. యూనిక్ ఐడెంటిటీ అథారిటీ ఆఫ్ ఇండియా సైట్లో ఆధార్ ఆప్షన్ మీద క్లిక్ చేయాలి. బుక్ అపాయింట్మెంట్ మీద క్లిక్ చేసి చిల్డ్రన్స్ ఆధార్ను ఎంచుకోవాలి. ఆ తర్వాత ఫోన్ నంబర్, సెక్యూరిటీ కోడ్ (క్యాప్చా)ను ఎంటర్ చేయాలి. అనంతరం వచ్చే లింక్ ఓపెన్ చేసి.. పిల్లల వివరాలు, పుట్టిన తేదీ, అడ్రస్ సహా మిగిలిన సమాచారాన్ని జాగ్రత్తగా నింపాలి. అవసరమైన డాక్యుమెంట్లు తీసుకొని అపాయింట్మెంట్ బుక్ చేయాలి. ఆయా డాక్యుమెంట్లను తీసుకొని సమీపంలోని ఆధార్ సేవా కేంద్రానికి వెళ్లి కొన్ని ఫారమ్లను నింపాలి. 5 సంవత్సరాల లోపు పిల్లలు అయితే వాళ్ల ఫొటోలు తీయడమే గాక పేరెంట్స్లో ఒకరి ఫింగర్ ప్రింట్స్ తీసుకుంటారు. అదే 5 నుంచి 15 ఏళ్ల వయసు లోపు వారికైతే ఫొటో, వేలిముద్రతో పాటు బయోమెట్రిక్ డేటా కూడా తీసుకుంటారు.
