ఎప్పటిలాగే ఈ వారం కూడా ఓటిటి ప్రియులను అలరించేందుకు చాలా సినిమాలు సిద్ధం అయిపోయాయి. ఏమాత్రం ఆలస్యం చేయకుండా చూసేయండి అంటూ.. కొన్ని సినిమాలు స్ట్రీమింగ్ మొదలు పెట్టేశాయి. ఇక నెక్స్ట్ చూసేందుకు రెడీగా ఉన్న ప్రేక్షకులను ఊరించేందుకు మరికొన్ని డేట్స్ సిద్ధం చేసుకున్నాయి. థియేటర్స్ లో చూసే సినిమాలు కావచ్చు లేదా నేరుగా డిజిటల్ స్ట్రీమింగ్ కి వచ్చే మూవీస్ కావచ్చు. ఏవైనా సరే ఎటు తిరిగి.. ఓటిటి ప్లాట్ ఫామ్ లోకి రావాల్సిందే. కాస్త టైమ్ తీసుకున్నా సరే తప్పదు అనుకోండి. రోజులు మారాయో లేదోగాని.. సినిమాలు చూసే జనాల దృష్టిలో మాత్రం మార్పులు వచ్చాయని ఇట్టే చెప్పేయవచ్చు.
థియేట్రికల్ మూవీస్, ఓటిటి మూవీస్ అని వేరు చేసి జనాలు మూవీస్ చూస్తున్నారు. అయితే.. ఎంత పెద్ద సినిమాలైనా.. చిన్న సినిమాలైనా ఓటిటిలోకి వచ్చాక అన్ని ఒకటే అయిపోతాయి. సో.. ఈ వారం ఓటిటి ప్రేక్షకుల కోసం ఏకంగా ఇరవై వరకు సినిమాలు, వెబ్ సిరీస్ లు రెడీగా ఉన్నాయి. ఇవన్నీ ఆల్రెడీ పాపులర్ అయిన అమెజాన్ ప్రైమ్, నెట్ ఫ్లిక్స్, జీ5, హాట్ స్టార్, ఆహా, సోనీలివ్ లాంటి తెలిసిన ఓటిటిలోనే కాకుండా ఇంకా చాలా తెలియని ఓటిటి ప్లాట్ ఫామ్స్ లోనూ రిలీజ్ కాబోతున్నాయి. మరి ఎలాగో ఇంటి వద్దే కూర్చొని ఎంటర్టైన్మెంట్ పొందాలనుకునే వారికి ఓటిటి అనేది మంచి సౌలభ్యం కల్పిస్తున్నాయి.
