ఈ నటిని గుర్తు పట్టారా? ఇప్పుడెంతలా మారిపోయిందో చూడండి!

పైన ఫొటోలో కనిపిస్తున్న నటిని మీరు గుర్తుపట్టే ఉంటారు. ఆమె ఇంకెవరో కాదు.. రుద్ర అలియాస్‌ అశ్విని. 1990- 2000లలో తెలుగు నాట సీరియల్స్‌తో పిచ్చ పాపులారిటీ తెచ్చుకున్నారు. కేవలం సీరియళ్లలోనే కాదు.. సినిమాల్లో కూడా నటించారు. కానీ, సీరియళ్ల ద్వారానే ఆమెకు మంచి గుర్తింపు వచ్చింది. కేవలం తెలుగులోనే కాదు.. తమిళం, మలయాళంలోనూ ఆమె సినిమాలు చేశారు. 1990లలో ఆమె సినిమా రంగంలోకి అడుగుపెట్టారు. 1991లో భారతీరాజా దర్శకత్వం వహించిన ‘పుదు నెల్లు పుదు నాడు’ అనే సినిమాతో ఇండస్ట్రీలోకి ఎంట్రీ ఇచ్చారు. 1995లో వచ్చిన ‘ఆంటీ’ అనే తెలుగు సినిమాతో తెలుగు చిత్ర పరిశ్రమలోకి అడుగుపెట్టారు.

చిరంజీవి హీరోగా వచ్చిన ‘హిట్లర్‌’ సినిమాతో మంచి గుర్తింపు తెచ్చుకున్నారు. పెళ్లి చేసుకుందాం, పోలీస్‌ సినిమాల్లో నటించారు. తెలుగులో పలు సీరియళ్లలో కూడా ఆమె నటించారు. తెలుగులో అమ్మకానికి అమ్మాయి, అంతర్‌నేత్రం, కలంకిత, తొలిరోజులు, అంతరంగాలు, అక్కా చెల్లెలు సీరియళ్లలో నటించారు. బుల్లితెర ద్వారా తెలుగు ప్రేక్షకులకు బాగా దగ్గరయ్యారు. పెళ్లి తర్వాత సినిమాలకు దూరం అయ్యారు. 2008 తర్వాత లాంగ్‌ గ్యాప్‌ ఇచ్చారు. భర్తతో పాటు సింగపూర్‌కు వెళ్లి స్థిరపడ్డారు. 2014లో మళ్లీ ఓ తమిళ సీరియల్‌ ద్వారా రీ ఎంట్రీ ఇచ్చారు. ప్రస్తుతం ఆమెకు పెద్దగా అవకాశాలు రావటం లేదు.

అప్పుడప్పుడు సీరియళ్లు, షార్ట్‌ ఫిల్మ్‌లలో నటిస్తున్నారు. ఇక, అశ్విని సోషల్‌ మీడియాలో చాలా యాక్టీవ్‌గా ఉంటారు. తనకు సంబంధించిన విషయాలను ఎప్పటికప్పుడు తన అభిమానులతో పంచుకుంటూ ఉంటారు. తాజాగా, ఆమె తన ఇన్‌స్టాగ్రామ్‌ ఖాతాలో షేర్‌ చేసిన ఫొటోలు సోషల్‌ మీడియాలో వైరల్‌గా మారాయి. ఆ ఫొటోలు చూస్తున్న నెటిజన్లు.. అశ్విని ఎంతలా మారిపోయింది అంటూ కామెట్లు చేస్తున్నారు. మరి, అంతరంగాలు సీరియల్‌తో 1990లలో తెలుగు బుల్లి తెర ప్రేక్షకులను అలరించిన అశ్వినిపై మీ అభిప్రాయాలను కామెం‍ట్ల రూపంలో తెలియజేయండి.

 

View this post on Instagram

 

A post shared by ASHWINI NAMBIAR (@officially_ashwini)