Venkateswarlu
Venkateswarlu
సాధారణంగా మనకు ఏదైనా సహాయం చేసిన వారికి కృతజ్ఞత కొద్ది ఏదైనా గిఫ్ట్‌ ఇవ్వటం పరిపాటి. అయితే, ఆ సహాయం వారు ఏ ప్రాతిపదికన చేశారన్న దానిపై మనం ఇచ్చే బహుమతి ఆధారపడి ఉంటుంది. కానీ, కొంతమంది గొప్ప మనసున్న వాళ్లు తమకు ఏ విధంగా సహాయపడినా కూడా స్థోమతకు తగ్గట్టు ఎదుటి వ్యక్తికి కృతజ్ఞతలు తెలుపుతూ ఉంటారు. తాజాగా, ప్రముఖ సింగర్‌ టేలర్‌ స్విఫ్ట్‌ తనకు సహాయం చేసిన ట్రక్‌ డైవర్లకు భారీ మొత్తంలో నగదు అందజేశారు. అది లక్షో.. రెండు లక్షలో కాదు.. ఏకంగా ఒక్కోరికి 82 లక్షల రూపాయలు ఇచ్చారు.
ఆ పూర్తి వివరాల్లోకి వెళితే.. సింగర్‌గా టేలర్‌ స్విఫ్ట్‌కు అమెరికాలో మంచి పేరుంది. ఆమె అమెరికా వ్యాప్తంగా పర్యటిస్తూ పాటలు పాడుతూ ఉంటుంది. ఆమెకు సంబంధించిన సామాగ్రిని ట్రక్‌ల ద్వారా అటు, ఇటు తీసుకెళుతూ ఉంటారు. దాదాపు 50 ట్రక్‌లు ఆమెకోసం పని చేస్తూ ఉన్నాయి. ఈ నేపథ్యంలోనే తన కోసం ఎంతగానో కష్టపడుతున్న ట్రక్‌ డ్రైవర్ల కోసం టేలర్‌ భారీ నజరానా ప్రకటించారు. ఒక్కో డ్రైవర్‌కు ఏకంగా లక్ష డాలర్ల బోనస్‌ ఇచ్చారు. శనివారం శాంటాక్లాస్‌లో వారికి బోనస్‌లు అందజేశారు.
మన భారతీయ కరెన్సీలో అయితే ఆ మొత్తం 82 లక్షల రూపాయలుగా ఉంటుంది. ఇలా మొత్తం 50 మందికి దాదాపు 5 మిలియన్ల రూపాయలు ఖర్చుపెట్టారు. టేలర్‌.. కోట్ల రూపాయలు ఖర్చు పెట్టి తన ట్రక్‌ డ్రైవర్లకు బోనస్‌లు ఇవ్వటం ఇప్పుడు మీడియా, సోషల్‌ మీడియా వ్యాప్తంగా చర్చనీయాంశంగా మారింది. దీనిపై నెటిజన్లు స్పందిస్తూ టేలర్‌ మంచితనంపై ప్రశంసలు కురిపిస్తున్నారు. మరి, టేలర్‌ స్విఫ్ట్‌ తన ట్రక్‌ డ్రైవర్లకు ఏకంగా 82 లక్షల రూపాయలు బోనస్‌ ఇవ్వటంపై మీ అభిప్రాయాలను కామెంట్ల రూపంలో తెలియజేయండి.
