RRR, Acharya,12th Man ఓటీటీలో స్ట్రీమింగ్‌ అవుతున్న మ‌స్ట్ వాచ్ మూవీస్ ఇవే

థియేటర్లకు మాస్ జాత‌ర చూపించిన మూవీస్ ఇప్పుడు ఓటీటీకి వ‌చ్చేశాయి. ఆర్ఆర్ఆర్ లాంటి బ్లాక్ బ‌స్ట‌ర్ మూవీతోపాటు, భ‌ళాతందాన లాంటి మీడియం రేంజ్ సినిమాలూ ఓటీటీలో స్ట్రీమింగ్ అవుతున్నాయి. మే 20న‌ ఓటీటీలో రిలీజ్ అయిన మూవీస్ మీద ఓ లుక్కేయండి.

ఆర్‌ఆర్‌ఆర్‌
క‌లెక్ష‌న్స్ లో వెయ్యికోట్లు దాటేసిన జూనియర్‌ ఎన్టీఆర్‌, రామ్‌చరణ్‌ మల్టీస్టారర్‌ మార్చి 25న విడుదలైంది. రూ. 1100 కోట్లకు పైగా వసూళ్లు రాబట్టి మూవీ మేక‌ర్స్ కు అసూయ‌ను క‌లిగించిన ఈ విజువల్ వండ‌ర్ జీ 5లో స్ట్రీమింగ్ మొద‌లైంది. రూ.100 కడితేనే ఈ సినిమా చూడనిస్తామంది జీ 5. అభిమానుల ట్రోలింగ్ తోవెనక్కు తగ్గి, సబ్‌స్క్రైబర్లు ఉచితంగా చూడవచ్చని తెలిపింది.

ఆచార్య
చిరంజీవి, రామ్‌చరణ్‌ నటించిన మల్టీస్టారర్‌ ఆచార్య థియేట‌ర్ల‌లో బాగా దెబ్బ‌తింది. చాలామంది చూడ‌లేదు. ఈ మూవీ అప్పుడే ఓటీటీలోకి వచ్చేసింది. అమెజాన్‌ ప్రైమ్‌లో స్ట్రీమింగ్‌ అవుతోంది. ఆర్ఆర్ఆర్ తో పోటీగా ఈ మూవీకి వ్యూస్ ఉండొచ్చ‌న్న‌ది అంచనా.

జెర్సీ
నాని హిట్‌ మూవీ జెర్సీని అదే టైటిల్‌తో హిందీలో రీమేక్ చేశారు. షాహిద్‌ కపూర్‌ హీరో. మృణాల్‌ ఠాకూర్‌ హీరోయిన్లు. గౌతమ్‌ తిన్ననూరి దర్శకత్వం వహించిన ఈ సినిమా అనుకున్నంత‌గా ఆడ‌లేదు. అయితేనేం? మొబైల్ లో చూడ‌టానికి స‌రిప‌డా ఎమోష‌న్ ఉన్న సినిమా ఇది. థియేట‌ర్ల‌లో ఆడ‌ని ఈ సినిమా ఓటీటీలో హిట్ కొట్ట‌డం ఖాయం.

వీటితోపాటు సైలెంట్ గా రిలీజ్ అయిన మోహ‌న్ లాల్ మూవీ 12th మ్యాన్‌, ఎస్కేప్‌ లైవ్‌ హాట్‌స్టార్‌లో ప్రసారం అవుతున్న‌ జాంబీవ్లి జీ5లో స్ట్రీమింగ్‌ అవుతున్నాయి. ఈ రెండు మూవీస్ సైలెంట్ కిల్ల‌ర్స్. ఈ వీకెండ్ లో చూడ‌టానికి ప‌ర్ ఫెక్ట్ ఛాయ‌స్.

భళా తందనాన
శ్రీవిష్ణు నటించిన సినిమా భళా తందనాన. ‘బాణం’ ఫేమ్‌ దంతులూరి చైతన్య డైరెక్ట‌ర్. కేథరిన్‌ హీరోయిన్‌. మే 6న థియేటర్లలో రిలీజైన ఈ మూవీ యావరేజ్‌ టాక్‌ తెచ్చుకుంది. 15 రోజుల్లోనే ఓటీటీలోకి వచ్చేసింది. హాట్‌స్టార్‌లో ఈ మూవీ అందుబాటులో ఉంది. ఒక‌సారి చూడ‌టానికి ఈ సినిమా ఒకే.