టాలీవుడ్లో మల్టీస్టారర్ ట్రెండ్ క్రమంగా ఊపందుకుంటోంది. ‘సీతమ్మ వాకిట్లో సిరిమల్లె చెట్టు’తో తెలుగు నాట ఈ ట్రెండ్ మళ్లీ మొదలైందని చెప్పొచ్చు. ఆ తర్వాత ‘మనం’, ‘బాహుబలి’, ‘గోపాల గోపాల’ చిత్రాల్లోనూ ఇదే కొనసాగింది. రీసెంట్గా చూసుకుంటే.. ‘ఆర్ఆర్ఆర్’ ఈ ట్రెండ్కు మరింత ఊపు తీసుకొచ్చింది. తెలుగు ఫిలిం ఇండస్ట్రీలో రెండు బడా ఫ్యామిలీలకు చెందిన స్టార్ హీరోలు కలసి ఒకే సినిమాలో నటించడం ద్వారా అసలైన మల్టీస్టారర్ అంటే ఎలా ఉంటుందో ఆడియెన్స్కు చూపించారు. ‘ఆర్ఆర్ఆర్’లో జూనియర్ ఎన్టీఆర్, రామ్చరణ్ కలసి స్క్రీన్పై చేసిన సందడిని ప్రేక్షకులు అంత ఈజీగా మర్చిపోలేరు.
‘ఆర్ఆర్ఆర్’ తర్వాత తెలుగులో వచ్చిన మరో భారీ మల్టీస్టారర్గా మెగాస్టార్ చిరంజీవి మూవీ ‘వాల్తేరు వీరయ్య’ను చెప్పొచ్చు. ఇందులో చిరుతో పాటు మాస్ మహారాజా రవితేజ కూడా నటించారు. ఈ మూవీ మెగాహిట్గా నిలిచింది. దీంతో ఈ తరహా సినిమాల నిర్మాణం ఊపందుకుంటోంది. తెలుగులో మరో భారీ మల్టీస్టారర్కు అంతా సిద్ధమైనట్లు వార్తలు వస్తున్నాయి. మాస్ మహారాజా రవితేజ, మాస్ కా దాస్ విశ్వక్సేన్ కలసి ఒక మూవీ చేయనున్నట్లు రూమర్స్ వస్తున్నాయి. ఈ సినిమాకు ‘కలర్ ఫొటో’ చిత్ర దర్శకుడు సందీప్ రాజ్ డైరెక్షన్ వహించనున్నట్లు టాక్. రవితేజ-విశ్వక్సేన్ కాంబోలో తెరకెక్కుతుందని చెబుతున్న మూవీలో మరో స్టార్ హీరో కూడా యాక్ట్ చేయనున్నారట.
ఈ ఫిలింలో విలన్ రోల్ కోసం మంచు మనోజ్ను దర్శకుడు సంపత్ రాజ్ సంప్రదించారని రూమర్స్ వినిపిస్తున్నాయి. మాస్లో భారీ ఫాలోయింగ్ ఉన్న రవితేజకు తోడుగా యంగ్ సెన్సేషన్ విశ్వక్సేన్, మంచు మనోజ్ కూడా తోడైతే ఇక ఆ సినిమాపై అంచనాలు ఏ రేంజ్లో ఉంటాయనేది ప్రత్యేకంగా చెప్పనక్కర్లేదు. ఈ క్రేజీ మల్టీస్టారర్ పట్టాలెక్కితే మాత్రం దర్శకుడు సందీప్ రాజ్ బంపర్ ఆఫర్ కొట్టినట్లే. అయితే ఇప్పటివరకు ఈ మల్టీస్టారర్పై వస్తున్న వార్తల మీద డైరెక్టర్ సందీప్ స్పందించలేదు. రవితేజ, విశ్వక్సేన్, మంచు మనోజ్ల నుంచి కూడా ఎలాంటి ప్రకటన రాలేదు. మరి.. ఈ క్రేజీ కాంబోలో మల్టీస్టారర్ గురించి మీరు ఎదురు చూస్తున్నారా? అయితే మీ అభిప్రాయాలను కామెంట్ల రూపంలో తెలియజేయండి.
