Dharani
Dharani
టాలీవుడ్‌ సీనియర్‌ నటడు నరేష్‌, పవిత్రా లోకేష్‌ల చుట్టూ ఎన్ని వివాదాల నడిచాయో తెలుగు ప్రేక్షకులు ఇప్పట్లో మర్చి పోలేరు. నరేష్‌ తన మూడో భార్యకు విడాకులు ఇవ్వడం, పవిత్రా లోకేష్‌తో రిలేషన్‌.. దీని గురించి ఒకరిపై ఒకరు చేసుకున్న విమర్శలు ఓ రేంజ్‌లో వైరల్‌ అయ్యాయి. వీరి గొడవలు ఏకంగా కర్ణాటక వరకు వెళ్లాయి. కొన్ని రోజుల పాటు.. మీడియా, సోషల్‌ మీడియాలో వీరి గురించే జోరుగా వార్తలు ప్రచారం అయ్యాయి. ఈ క్రమంలో నరేష్‌, పవిత్రా లోకేష్‌, నరేష్‌ మూడో భార్య రమ్య రఘుపతిల మధ్య చోటు చేసుకున్న సంఘటనల ఆధారంగా మళ్లీ పెళ్ళి చిత్రం తెరకెక్కించారు. ఈ సినిమాకు నరేష్‌ నిర్మాతగా వ్యవహరించారు. విజయకృష్ణ మూవీస్‌ బ్యానర్‌పై ఈ సినిమాను నిర్మించారు. టీజర్స్‌, ట్రైలర్లతో ప్రేక్షకుల్లో ఆసక్తిని పెంచిన ఈ సినిమా తీరా థియేటర్లలో రిలీజయ్యాక మాత్రం ఆశించిన మేర విజయం సాధించలేదు.
గత నెల ఈ చిత్రం ప్రేక్షకుల ముందుకు వచ్చింది. త్వరలోనే ఈ సినిమా ఓటీటీలో ప్రసారం కానుంది. ప్రముఖ ఓటీటీ ప్లాట్‌ఫామ్‌ అమెజాన్‌ ప్రైమ్‌ వీడియో ఈ మూవీ డిజిటల్‌ రైట్స్‌ను సొంతం చేసుకుంది. నరేశ్‌, పవిత్రలకు ఉన్న ఫేమ్‌ దృష్ట్యా సుమారు రూ.2 కోట్లకు మళ్లీ పెళ్లి ఓటీటీ హక్కులను కొనుగోలు చేసినట్లు సమాచారం. ఇక ఈ సినిమా థియేటర్‌లో విడుదలై నెల రోజులు పూర్తి కావొస్తుండటంతో.. ఈ నెల 24 లేదా 25న ఈ చిత్రం అమెజాన్‌లో స్ట్రీమింగ్‌ కానుంది. త్వరలోనే దీనికి సంబంధించి అధికారిక ప్రకటన రానున్నట్లు తెలుస్తుంది. తెలుగుతో పాటు కన్నడలోనూ ఒకేసారి ఈ మూవీని స్ట్రీమింగ్‌ చేయనున్నారు.
ఇక మళ్లీ పెళ్లి సినిమాలో జయసుధ, శరత్‌ బాబు, వనితా విజయ్‌ కుమార్‌ ఓ కీలక పాత్రలో నటించారు. మరణించడానకిఇ ముందు శరత్‌ బాబు నటించిన చివరి చిత్రం ఇదే. వీరితోపాటు ఈ సినిమాలో అనన్య నాగళ్ల, అన్నపూర్ణ, భద్రం తదితరులు కీలక పాత్రల్లో నటించారు.
