ఆగస్టు 8నే నాగ చైతన్య- శోభిత దూళి పాళ నిశితార్థం ఎందుకంటే..?

టాలీవుడ్ స్టార్ హీరో అక్కినేని నాగ చైతన్య జీవితంలో కొత్త అధ్యాయం మొదలైంది. ప్రేయసి, నటి శోభిత ధూళి పాళతో చైతూ నిశ్చితార్థం గురువారం జరిగింది. ఈ లవ్ బర్డ్స్ ఎంగేజ్ మెంట్ చేసుకుంటున్నారన్న వార్త నెట్టింట్లో హల్ చల్ చేసిన సంగతి విదితమే. ఈ రూమర్స్ నిజం చేశారు ఈ జంట. చైతూ-శోభిత ఎంగేజ్ మెంట్స్ పిక్స్ షేర్ చేస్తూ అఫీషియల్ ఎనౌన్స్ చేశాడు అక్కినేని నాగార్జున. ఇందులో చైతూ వైట్ షేర్వాణీ ధరించగా.. శోభితా పింక్ శారీలో ముస్తాబయ్యింది. అత్యంత సింపుల్‌గా, కేవలం కుటుంబ సభ్యుల మధ్యే ఈ నిశ్చితార్థ వేడుక జరిగినట్లు తెలుస్తుంది. కాగా, నాగ చైతన్య గతంలో నటి సమంతను లవ్ మ్యారేజ్ చేసుకున్న సంగతి విదితమే. 2017లో వివాహం చేసుకున్న ఈ జంట.. 2021లో విడిపోయింది.

ఆ తర్వాత నటి శోభితాతో ప్రేమలో మునిగిపోయాడు నాగ చైతన్య. ఈ ఇద్దరు కలిసి విదేశాలకు పలుమార్లు షికార్లు చేసిన వార్తలు వినిపించాయి. కొన్ని పిక్స్ కూడా సోషల్ మీడియాలో వైరల్ అయ్యాయి. కానీ ఎక్కడా తమ లవ్ గురించి చైతూ కానీ శోభితా కానీ ఓపెన్ కాలేదు. కానీ ఈ మధ్య  చాయ్ (CHAI) అనే వర్డ్ ఉపయోగిస్తూ లాజికల్ స్టేటస్ పెట్టింది అమ్మడు. దీంతో నెటిజన్లు చైతో ఆమె రిలేషన్‌లో ఉందని కన్ఫమ్ అయ్యారు. తాజాగా ఈ జంట పక్షులు ఎంగేజ్ మెంట్‌తో ఒక్కటి అయ్యారని నాగార్జున ట్వీట్ చేశారు. ‘మా అబ్బాయి నాగ చైతన్య నిశ్చితార్థం, శోభిత ధూళిపాళతో ఈ రోజు (ఆగస్టు 8న) ఉదయం 9:42 గంటలకు జరిగినట్లు ప్రకటించడం మాకు చాలా ఆనందంగా ఉంది. ఆమెను మా కుటుంబంలోకి చాలా సంతోషంగా స్వాగతిస్తున్నాం. ఈ ఇద్దరికీ అభినందనలు, వారికి జీవితాంత ప్రేమ, సంతోషం కలగాలని కోరుకుంటున్నాను. 8.8.8 అంటూ ది బిగినింగ్ ఆఫ్ ఇన్ ఫినిటీ లవ్’ అంటూ ట్వీట్ చేశారు.

కాగా, నాగ చైతన్య- శోభిత ఆగస్టు 8న వివాహం చేసుకోవడానికి న్యూమరికల్ అండ్ సైంటిఫిక్ రీజన్ కనిపిస్తుంది. ఆగస్టు అంటే ఎనిమిదో నెల, ఎనిమిదో తారీఖు అలాగే.. 2024ను కూడితే.. 8 వస్తుంది. దీన్నే నాగార్జున 8.8.8. అంటూ ప్రస్తావించారు. అలాగే ఎనిమిదిని తిరగేస్తే.. ఇన్ఫిటినిటీ కిందకు వస్తుంది. అంటే దీనికి అంతం లేదు. సో ఈ ప్రేమకు ఎండింగ్ లేదు, ఎప్పుడు కలిసి ఉంటామని చెప్పేందుకు ఈ తేదీలో నిశ్చితార్థం చేసుకున్నారని తెలుస్తుంది. అలాగే బంధం దృఢత్వం గురించి కూడా ఇది సూచిస్తుంది. ఇవన్నీ కలిసి రావడంతోనే ఈ రోజున ఈ ఇద్దరు ఎంగేజ్ మెంట్ చేసుకున్నారని తెలుస్తుంది. ఇక పెళ్లి డేట్ ఎనౌన్స్ చేయలేదు. ఈ ఏడాదిలోనా లేక వచ్చే ఏడాది అనేది అఫీషియల్ ఎనౌన్స్ మెంట్ రావాల్సి ఉంది.