Kangana Ranaut: చెంపదెబ్బ వివాదం.. కంగనా మాజీ ప్రియుడు స్పందన ఇదే

బాలీవుడ్‌ ఫైర్‌ బ్రాండ్‌ కంగనా రనౌత్‌.. చెంపదెబ్బ వివాదం దేశాన్ని కుదిపేసింది. ఎంపీ, బాలీవుడ్‌ స్టార్‌ హీరోయిన్‌ను.. ఓ సాధారణ ఉద్యోగిని చెంపదెబ్బ కొట్టడం సంచలనంగా మారింది. కంగనా రైతు ఉద్యమాన్ని వ్యతిరేకిస్తూ.. అనుచిత వ్యాఖ్యలు చేయడం వల్లే తాను హీరోయిన్‌పై చేయి చేసుకున్నానని.. అందుకే కంగనా చెంప పగలకొట్టానని చెప్పుకొచ్చింది. దీనిపై రెండు రకాల అభిప్రాయాలు వెలువడుతున్నాయి. కొందరు సదరు ఉద్యోగినికి మద్దతిస్తుండగా.. మరి కొందరు మాత్రం దీన్ని తప్పుపడుతున్నారు. ఎంపీకే భద్రత లేకపోతే ఎలా అని ప్రశ్నిస్తున్నారు. కుల్విందర్‌ కౌర్‌కు మద్దతిచ్చే వారి సంఖ్య.. రోజురోజుకు పెరుగుతుండగా.. ఆమెకు ప్రత్యేకంగా బహుమతులు కూడా పంపుతున్నారు కొందరు. తాజాగా ఈ వివాదంలో కంగనాకు ఆమె మాజీ లవర్‌ మద్దతివ్వడం సంచలనంగా మారింది. ఆ వివరాలు..

హీరోయిన్ కంగనా రనౌత్ బాలీవుడ్‌లో టాప్‌ హీరోయిన్‌గా గుర్తింపు తెచ్చుకుంది. అయితే ఈమెకు సంబంధించి.. సినిమా వార్తల కన్నా ఎక్కువగా వివాదాలే వినిపిస్తుంటాయి. జాతీయ ఉత్తమ నటిగా కూడా నిలిచింది. ఇక తాజాగా జరిగిన లోక్‌సభ ఎన్నికల్లో పోటీ చేసి ఎంపీగా విజయం సాధించింది. కానీ గెలిచిన తర్వాత రోజే ఈమెకు చండీగఢ్ ఎయిర్‌పోర్ట్‌లో చేదు అనుభవం ఎదురైంది. సీఐఎస్ఎఫ్ మహిళా అధికారి కంగన చెంప చెళ్లుమనిపించింది. ఈ విషయమై సోషల్ మీడియాలో భిన్నాబిప్రాయాలు వ్యక్తవుతున్నాయి. చాలా మంది సదరు సీఐఎస్‌ఎఫ్‌ అధికారిణికి మద్దతుగా నిలుస్తున్నారు. ఇక ఈ వివాదంలో బాలీవుడ్‌ సెలబ్రిటీలు మాత్రం కంగనాకు మద్దతిస్తున్నారు. ఆమెకు అండగా నిలబడుతున్నారు.

ఈ వివాదంపై బాలీవుడ్‌ సెలబ్రిటీలు ఆలియా భట్, సోనాక్షి సిన్హా, అర్జున్ కపూర్ తదితరులు మాత్రం కంగనకు అండగా నిలబడుతున్నారు. మిగతా వాళ్ల సంగతేమో గానీ తాజాగా సీఐఎస్ఎఫ్ అధికారికి వ్యతిరేకంగా పెట్టిన ఓ సోషల్ మీడియా పోస్ట్‌కి బాలీవుడ్ హీరో హృతిక్ రోషన్ లైక్ కొట్టడం చర్చనీయాంశంగా మారింది. ఎందుకంటే గతంలో కంగన-హృతిక్ ప్రేమించుకున్నారు. పరిస్థితులు అనుకూలించక విడిపోయారు. మధ్యలో పోలీస్ కేసుల వరకు వెళ్లారు. ఇక కంగనా.. హృతిక్‌ పై అనేక ఆరోపణలు, విమర్శలు చేసింది. వీరి మధ్య గొడవలు బాగానే జరిగాయి. అలాంటిది ఇప్పుడు హృతిక్‌.. ఇలా మాజీ ప్రియురాలికి పరోక్షంగా సపోర్ట్ చేయడం బాలీవుడ్‌లో హాట్ టాపిక్‌గా మారింది. మరి దీనిపై కంగనా ఎలా స్పందిస్తుందో చూడాలి.