కల్కి సెకండ్ ట్రైలర్ రిలీజ్.. ఈ హైప్ కదా ప్రభాస్ ఫ్యాన్స్ కోరుకుంది!

కల్కి 2898 ఏడీ మూవీ గురించి ఫ్యాన్స్ ఎంతగా ఎదురు చూస్తున్నారో అందరికీ తెలిసిందే. పాన్ వరల్డ్ హీరో మూవీ కోసం ప్రపంచవ్యాప్తంగా ఉన్న సినిమా లవర్స్ అంతా వేయి కళ్లతో ఎదురుచూస్తున్నారు. మరోవైపు మూవీ టీమ్ అంతా ప్రమోషన్స్ లో ఫుల్ బిజీగా గడుపుతోంది. ఇటీవలే ముంబయిలో ప్రీ రిలీజ్ ఈవెంట్ కూడా నిర్వహించారు. ఆ ప్రీ రిలీజ్ ఈవెంట్లో ప్రత్యేకంగా ఒక ట్రైలర్ ప్లే చేశారు. అదే రిలీజ్ ట్రైలర్. ఇప్పుడు రెండ్రోజుల తర్వాత ఆ రిలీజ్ ట్రైలర్ ని తెలుగు ప్రేక్షకుల కోసం కూడా విడుదల చేశారు. వచ్చీ రావడంతోనే యూట్యూబ్ లో విధ్వంసం సృష్టిస్తోంది. ఈ ట్రైలర్ తో అభిమానులకు ఫుల్ హైప్ ఎక్కించేశారు.

ఎప్పటిలాగానే ఇప్పుడు కూడా చెప్పిన సమయానికి ట్రైలర్ ని అయితే రిలీజ్ చేయలేదు. ఆరు గంటలకు రిలీజ్ చేస్తామని చెప్పారు. ఆ తర్వాత 8 గంటలకు వస్తున్నాం అన్నారు. ఆ మాట కూడా తప్పేసరికి ప్రభాస్ ఫ్యాన్స్ నెట్టింట తమ ఆగ్రహాన్ని, అసహాన్ని ప్రదర్శిస్తున్నారు. కల్కి సినిమా విషయంలో ఈ తరహా ఘటనలు తరచూ జరుగుతూనే ఉన్నాయి. ఇంక ఈ విషయాన్ని పక్కన పెడితే కల్కి సినిమా గురించి థియేటర్ కి వెళ్లే ప్రేక్షకులు కథ మీద ఒక స్పష్టమైన అవగాహన రావాలి అని మూవీ టీమ్ అంతా భావిస్తున్న విషయం తెలిసిందే.

ఈ రిలీజ్ ట్రైలర్ చూసిన తర్వాత ఆ విషయం ఇంకాస్త క్లియర్ గా అర్థమైంది. కల్కి సినిమా కథ ఎలా ఉండబోతోంది అనే విషయం ఇప్పటికే ఫ్యాన్స్, ప్రేక్షకులకు ఒక స్పష్టమైన అవగాహన వచ్చేసింది. అయితే ఈ సినిమాని ఎంత బాగా చూపించారు అనే పాయింట్ ని మాత్రం మీరు వెండితెర మీద చూడాల్సి ఉంటుంది. ఇప్పటికే వస్తున్న సెన్సార్ రివ్యూలకు ఫ్యాన్స్ ఫుల్ హ్యాపీగా ఉన్నారు. వాటిని ఏ మాత్రం తగ్గించకుండా కల్కి 2898 ఏడీ రిలీజ్ ట్రైలర్ లో కూడా అద్భుతమైన విజువల్స్ చూపించేశారు. ముఖ్యంగా అశ్వత్థామ- కల్కి మధ్య పెద్ద యుద్ధమే జరగబోతోంది అనేది ఈ ట్రైలర్ తో క్లారిటీ వచ్చేసింది.

అంతేకాకుండా ఈ సినిమాలో మూడు నగరాలు ఉన్న విషయం అందరికీ తెలుసు. వాటి గురించి కూడా అవగాహన కల్పించే ప్రయత్నం చేశారు. అంతేకాకుండా.. ఈ సినిమాలో ఇప్పటివరకు చాలానే అప్ డేట్స్ వచ్చాయి. అయినా ఇంకా సినిమాలో చాలానే సర్ ప్రైజులు దాచి ఉంచారు. ముఖ్యంగా క్యామియో అప్పియరెన్సుల గురించి ఇప్పుడు ఇండస్ట్రీలో పెద్దఎత్తున ప్రచారం జరుగుతోంది. వాటికి తగ్గట్లే సినిమాని గట్టిగానే ప్లాన్ చేశారు అని చెబుతున్నారు. వారి మాటలకు వస్తున్న అప్ డేట్స్ చూస్తుంటే.. ఫ్యాన్స్ ఒకటే చెప్తున్నారు బొమ్మ బ్లాక్ బస్టర్ అని. ఆ విషయం అధికారికంగా తెలియాలంటే జూన్ 27 వరకు ఆగాల్సిందే. ప్రస్తుతానికి వచ్చిన రిలీజ్ ట్రైలర్ మాత్రం సినిమాపై అంచనాలను మరింత పెంచేశాయి. మరి.. కల్కి 2898 ఏడీ రిలీజ్ ట్రైలర్ మీకు ఎలా అనిపించింది? మీ అభిప్రాయాలను కామెంట్స్ రూపంలో తెలియజేయండి.