ఇటీవల థియేట్రికల్ మూవీస్ కంటే ఓటిటిలో రిలీజ్ అయ్యే సినిమాల అప్డేట్స్ కోసం ఎక్కువగా వెయిట్ చేస్తున్నారు ఆడియన్స్. గత రెండేళ్లుగా జనాలంతా ఓటిటి సినిమాలకు బాగా అలవాటు పడిపోయిన సంగతి తెలిసిందే. కొత్తగా థియేటర్స్ లో రిలీజైన మూవీస్ కూడా ఎలాంటి ఖర్చు లేకుండా ఓటిటిలో చూడాలని భావిస్తున్నారు. అందుకే ఎప్పటికప్పుడు ఏయే ఓటిటిలలో ఏమేం సినిమాలు రిలీజ్ అవుతున్నాయో ఆరా తీస్తున్నారు. అయితే.. ప్రతీ వారం లాగే ఈ వారం కూడా ప్రేక్షకులను అలరించేందుకు ఓటిటి మూవీస్ రెడీ అయిపోయాయి. మరి ఈ వారం ఓటిటి రిలీజ్ కి సిద్ధంగా ఉన్న సినిమాలేంటో చూద్దాం!
జులై నెల మొదలైందో లేదో అప్పుడే బాక్సాఫీస్ వద్ద థియేట్రికల్ మూవీస్ తో పాటు ఓటిటి మూవీస్ కూడా సందడికి కాచుకున్నాయి. ఈ వారం ఏకంగా పది సినిమాలకు పైగా ఓటిటిలో స్ట్రీమింగ్ కాబోతున్నాయి. వీటిలో తెలుగు మాత్రమే కాకుండా అన్ని భాషలకు సంబంధించి డబ్బింగ్ మూవీస్ కూడా అందుబాటులోకి రాబోతున్నాయి. అయితే.. ఈ వారం ఓటిటి సినిమాలు 11 వస్తుండగా.. వీటికి సంఖ్యలో ఏమాత్రం తగ్గకుండా ఒక్క తెలుగులోనే ఏకంగా 10 సినిమాలు థియేటర్స్ లో రిలీజ్ అవుతుండటం విశేషం. మరి ఈ జులై మొదటి వారం మీరు ఏయే సినిమాల కోసం ఎక్కువ ఎక్సయిట్ మెంట్ తో ఉన్నారో తెలపండి.
