Nidhan
Devara Movie Runtime Locked: మ్యాన్ ఆఫ్ మాసెస్ జూనియర్ ఎన్టీఆర్ నటించిన ‘దేవర’ రిలీజ్కు రెడీ అవుతోంది. సెప్టెంబర్ 27వ తేదీన ఈ మూవీ విడుదల కానుంది. తాజాగా ఈ ఫిల్మ్ రన్ టైమ్ డీటెయిల్స్ బయటకు వచ్చాయి.
Devara Movie Runtime Locked: మ్యాన్ ఆఫ్ మాసెస్ జూనియర్ ఎన్టీఆర్ నటించిన ‘దేవర’ రిలీజ్కు రెడీ అవుతోంది. సెప్టెంబర్ 27వ తేదీన ఈ మూవీ విడుదల కానుంది. తాజాగా ఈ ఫిల్మ్ రన్ టైమ్ డీటెయిల్స్ బయటకు వచ్చాయి.
Nidhan
మ్యాన్ ఆఫ్ మాసెస్ జూనియర్ ఎన్టీఆర్ నటించిన ‘దేవర’ మూవీ రిలీజ్కు రెడీ అవుతోంది. కొరటాల శివ దర్శకత్వం వహించిన ఈ సినిమా నుంచి ఇప్పటికే టీజర్, సాంగ్స్ వచ్చి మంచి అప్లాజ్ అందుకున్నాయి. రీసెంట్గా రిలీజ్ అయిన ట్రైలర్కు కూడా సూపర్ రెస్పాన్స్ లభిస్తోంది. ఆల్రెడీ ఎక్స్పెక్టేషన్స్ ఆకాశాన్ని అందుతుండగా.. ట్రైలర్తో అది నెక్స్ట్ లెవల్కు వెళ్లిపోయింది. ఈ తరుణంలో మూవీ రన్టైమ్ గురించి ఇంట్రెస్టింగ్ డీటెయిల్స్ బయటకు వచ్చాయి. ‘దేవర’ రన్ టైమ్ లాక్ అయింది. సెన్సార్ పూర్తి చేసుకున్న తారక్ ఫిల్మ్ రన్టైమ్ వివరాలు తాజాగా బయటకు వచ్చాయి. ఈ మాస్ యాక్షన్ ఎంటర్టైనర్ ఎక్కువ రన్టైమ్తోనే వస్తుండటం గమనార్హం. ఈ నేపథ్యంలో అసలు ‘దేవర’ రన్టైమ్ ఎంత? సెన్సార్ విశేషాలు ఏంటనేది ఇప్పుడు మనం తెలుసుకుందాం..
‘దేవర’ ఫిల్మ్ సెన్సార్ వర్క్స్ కంప్లీట్ అయ్యాయి. ఈ మూవీకి సెన్సార్ బోర్డు యూ/ఏ సర్టిఫికేట్ ఇచ్చింది. ఈ చిత్రం నిడివి 2 గంటల 57 నిమిషాల 58 సెకన్లు. దాదాపుగా మూడు గంటల రన్టైమ్ ఉండనుంది. మూడు గంటలు అంటే తారక్-కొరటాల రిస్క్ చేస్తున్నారా? అంతసేపు ఆడియెన్స్ను సీట్లకు కట్టిపడేయాలంటే మూవీ నెక్స్ట్ లెవల్లో ఉండాలని ఎక్స్పర్ట్స్ అంటున్నారు. అయితే సాధారణంగా పెద్ద సినిమాలు కాస్త ఎక్కువ నిడివితోనే వస్తుంటాయి. ఆ లెక్కన చూసుకుంటే ‘దేవర’ రన్టైమ్ కామన్ అనిపిస్తుంది. ఈ మూవీలో యాక్షన్ సీక్వెన్స్లు అధికంగా ఉండటం, స్టోరీని ఎస్టాబ్లిష్ చేయడానికి ఎక్కువ నిడివి అవసరమని మేకర్స్ నిర్ణయించుకున్నారని సమాచారం.
సినిమా కనెక్ట్ అయితే రన్టైమ్ పెద్ద సమస్య కాదనే చెప్పాలి. ‘అర్జున్ రెడ్డి’, ‘యానిమల్’ లాంటి మూవీస్ భారీ రన్టైమ్తోనూ బ్లాక్బస్టర్స్గా నిలిచాయి. చిత్రం బాగుంటే ఎంత ఎక్కువ సేపు ఉన్నా ఇంకా చూడాలనే అనిపిస్తుంది. అప్పుడే అయిపోయిందా అనే ఫీలింగ్ కూడా కలుగుతుంది. కాబట్టి యాక్టింగ్తో తారక్.. కథ, కథనం, మేకింగ్తో కొరటాల కట్టిపడేస్తే ‘దేవర’కు రన్టైమ్ బిగ్ ప్లస్ అయ్యే అవకాశాలు ఉన్నాయి. ఇక, ఈ మూవీ నుంచి మంగళవారం ట్రైలర్ రిలీజ్ అయింది. ఇందులో ఎన్టీఆర్ డైలాగ్స్, యాక్షన్ అదిరిపోయాయి. సముద్రం బ్యాక్డ్రాప్లో వచ్చే విజువల్స్, ముఖ్యంగా షార్క్ను పట్టుకొని తారక్ సంద్రం నుంచి పైకి ఎగిరే సీన్స్ హైలైట్గా నిలిచాయి. వాటికి అనిరుధ్ ఇచ్చిన బీజీఎం కూడా మంచి ఇంప్రెషన్ తీసుకుంది. ఒక్క రోజులో అన్ని భాషల్లో కలుపుకొని ట్రైలర్కు 55 మిలియన్ల వ్యూస్ దక్కడం విశేషం. మరి.. ‘దేవర’ రన్టైమ్ మీద మీ ఒపీనియన్ను కామెంట్ చేయండి.
