Ram Pothineni: ఎనర్జిటిక్ హీరో రామ్ నటించిన కొత్త చిత్రం ‘డబుల్ ఇస్మార్ట్’. డైనమిక్ డైరెక్టర్ పూరి జగన్నాథ్ తెరకెక్కించిన ఈ సినిమా పంద్రాగస్టు కానుకగా గురువారం ఆడియెన్స్ ముందుకు వచ్చింది.
Ram Pothineni: ఎనర్జిటిక్ హీరో రామ్ నటించిన కొత్త చిత్రం ‘డబుల్ ఇస్మార్ట్’. డైనమిక్ డైరెక్టర్ పూరి జగన్నాథ్ తెరకెక్కించిన ఈ సినిమా పంద్రాగస్టు కానుకగా గురువారం ఆడియెన్స్ ముందుకు వచ్చింది.
ఎనర్జిటిక్ హీరో రామ్ నటించిన కొత్త చిత్రం ‘డబుల్ ఇస్మార్ట్’. డైనమిక్ డైరెక్టర్ పూరి జగన్నాథ్ తెరకెక్కించడంతో ఈ సినిమాపై భారీ అంచనాలు నెలకొన్నాయి. బ్లాక్బస్టర్ హిట్ ‘ఇస్మార్ట్ శంకర్’కు సీక్వెల్ కావడం, పూరి-రామ్ కాంబోలో వస్తున్న చిత్రం కావడంతో ‘డబుల్ ఇస్మార్ట్’పై ఎక్స్పెక్టేషన్స్ మరింత పెరిగాయి. ఇద్దరూ సూపర్ హిట్ కోసం ఎదురు చూస్తుండటం, విజయం సాధించాలని కసిగా కనిపిస్తుండటంతో ఈ ఫిల్మ్ అదిరిపోతుందని అంతా అనుకుంటున్నారు. టీజర్, ట్రైలర్, సాంగ్స్ రూపంలో వచ్చిన ప్రమోషన్ కంటెంట్ కూడా బాగుండటంతో భారీ బజ్ నెలకొంది. దీంతో ఈ మూవీ ఎలా ఉంది? అనే ఇంట్రెస్ట్తో పాటు ఏ ఓటీటీలోకి రాబోతోంది అనే క్వశ్చన్ కూడా ప్రేక్షకుల్లో ఉంది. ఈ నేపథ్యంలో అసలు ‘డబుల్ ఇస్మార్ట్’ ఏ ఓటీటీలోకి రాబోతోందనేది ఇప్పుడు చూద్దాం..
రామ్ గత చిత్రం ‘స్కంద’ బాగానే వసూళ్లు సాధించినా అంతగా అంచనాలను అందుకోలేకపోయింది. అటు పూరి జగన్నాథ్ లాస్ట్ ఫిల్మ్ ‘లైగర్’ అందర్నీ నిరాశపర్చింది. దీంతో ఈ ఇద్దరికీ అర్జెంట్గా హిట్ అవసరం ఉంది. అలాంటి ఇద్దరూ కలసి సినిమా చేయడంతో ‘డబుల్ ఇస్మార్ట్’ ఇంట్రెస్టింగ్ ప్రాజెక్ట్గా మారింది. ఫస్ట్ పార్ట్ సూపర్ హిట్ అవడం, పూరి-రామ్ కాంబో అంటే ఫుల్ మాస్గా ఉంటుందని తెలుసు కాబట్టి ప్రేక్షకులు చిత్రంపై భారీ అంచనాలు పెట్టుకున్నారు. సినిమా నుంచి వచ్చిన అప్డేట్స్ చూసి బొమ్మ బ్లాక్బస్టర్ అని ఫిక్స్ అయిపోయారు. దీంతో మూవీ ఎలా ఉంటుందనే క్వశ్చన్ను పక్కనబెట్టేసి ఏ ఓటీటీలోకి వస్తుందనేది కనుక్కునే పనిలో పడ్డారు.
గతంలో కొత్త సినిమాల ఓటీటీ పార్ట్నర్ ఎవరనేది అఫీషియల్గా అనౌన్స్ చేసేవరకు తెలిసేది కాదు. కానీ థియేటర్లలో ప్రదర్శించే సమయంలో డిజిటల్ మీడియా పార్ట్నర్స్కు క్రెడిట్స్ ఇస్తున్నారు. దీంతో వెండితెర మీద బొమ్మ పడగానే ఏ ఓటీటీలోకి వస్తుందనేది తెలిసిపోతోంది. ఇలాగే ఇప్పుడు ‘డబుల్ ఇస్మార్ట్’ ఓటీటీ పార్ట్నర్ ఎవరో తెలిసిపోయింది. ప్రముఖ సంస్థ అమెజాన్ ప్రైమ్ రామ్ కొత్త చిత్రం ఓటీటీ రైట్స్ను సొంతం చేసుకుంది. అయితే ‘డబుల్ ఇస్మార్ట్’ స్ట్రీమింగ్ మీద మాత్రం ఇప్పుడే ఏదీ చెప్పలేం. డిజిటల్ పార్ట్నర్తో మూవీ టీమ్ చేసుకున్న ఒప్పందం, అలాగే థియేట్రికల్ రన్ను బట్టి ఓటీటీ స్ట్రీమింగ్ను డిసైడ్ చేస్తారు. మరి.. ‘డబుల్ ఇస్మార్ట్’ను మీరు చూశారా? ఒకవేళ చూసినట్లయితే మీకెలా అనిపించిందో కామెంట్ చేయండి.
