ఆగస్ట్ నెల థియేటర్ లో కొత్త సినిమాల సందడి..

ఆగస్టు నెల వచ్చేసింది.. బాక్స్ ఆఫీస్ దగ్గర మాత్రం సరైన సాలిడ్ సినిమా పడిందే లేదు. ఇక ఆగస్ట్ నెలలో అయినా కొత్త కళ వస్తుందేమో అని ఆశగా ఎదురుచూస్తున్నారు థియేటర్ ఓనర్స్. ఇక ఈ నెల స్టార్టింగ్ లోనే విజయ్ సేతుపతి , నిత్యా మీనన్ ‘సార్ మేడం’ తెలుగులో రిలీజ్ అయింది. ప్రస్తుతానికి ఈ సినిమా గురించి పాజిటివ్ టాక్ ఏ బయటకు వస్తుంది. ఓ క్లీన్ కామెడీ మూవీ అంటూ ప్రేక్షకులు రివ్యూ ఇస్తున్నారు. వీటితో పాటు ఉసురే, థాంక్ యు డియర్, బాలీవుడ్ మూవీస్ సన్నాఫ్ సర్దార్ 2 , ధఢక్ 2 లాంటి మూవీస్ వచ్చేశాయి. వీటిలో ఏ సినిమా ఆడియన్స్ ను మెప్పిస్తుందో చూడాలి.

ఆ తరవాత ఆగస్ట్ 8 న బకాసుర రెస్టారెంట్ మూవీ రానుంది. ఇవి కాకుండా రీరిలీజ్ ల రేసులో ఆగస్ట్ 9 మహేష్ పుట్టినరోజు సంధర్బంగా అతడు రీరిలీజ్ కానుంది. ఇవన్నీ ఒకెత్తయితే అసలైన ఆగస్టు 14 న వచ్చే కిక్ వేరే. ఆరోజు ఒకటి కాదు ఏకంగా రెండు భారీ సినిమాలు రిలీజ్ కానున్నాయి. తారక్ స్ట్రెయిట్ బాలీవుడ్ ఎంట్రీ వార్ 2 మూవీ , అలాగే లోకేష్ కనగరాజ్ రజినీకాంత్ కూలీ సినిమా. ఈ రెండు సినిమాల కోసం అభిమహులు వేయికళ్లతో ఎదురుచూస్తున్నారు. మొదటి రోజు టాక్ బావుంటే కనుక ఈ రెండు సినిమాలు ఈసారి బాక్స్ ఆఫీస్ రికార్డ్ ను బ్రేక్ చేయడం ఖాయం.

ఆ తర్వాత ఆగస్టు 22 న అనుపమ పరమేశ్వరన్ ‘పరదా’ సినిమాతో ప్రేక్షకుల ముందుకు రానుంది. ఆల్రెడీ ఈ టీం వెరైటీ పబ్లిసిటీ తో ప్రేక్షకులను ఆకట్టుకునే ప్రయత్నం చేసింది. కాకపోతే ఫిమేల్ సెంట్రిక్ మూవీ అని క్లియర్ గా అర్థమైపోతుంది కనుక రిజల్ట్ ఎలా ఉంటుందో చూడాలి. అలాగే చిరు బర్త్ డే సందర్బంగా స్టాలిన్ 4 కె వెర్షన్ రీరిలీజ్ చేయనున్నారు. ఇక ఆకారిగా ఆగస్ట్ నెల మాస్ మహారాజ్ రవి తేజ ‘మాస్ జాతర’ సినిమాతో ఎండ్ అవుతుంది. ఇలా ఆగస్టు నెల అంతా సినిమాల సందడి చేయనుంది. ఇక వీటిలో ప్రేక్షకులను ఏ మూవీ ఎంత వరకు మెప్పిస్తుందో చూడాలి. మరి ఈ అప్డేట్ పై మీ అభిప్రాయాలను కామెంట్స్ రూపంలో తెలియజేయండి.