OTT లోకి అనుపమ వివాదాస్పద మూవీ.. ఎప్పుడంటే !

కొన్ని సినిమాలు అనుకోకుండా కొన్ని వివాదాలలో చిక్కుకుంటూ ఉంటాయి. అయితే అనుపమ మూవీ మాత్రం రిలీజ్ కాకముందే వివాదాలతో ఫేమస్ అయింది. ప్రవీణ్ నారాయణన్ దర్శకత్వం వహించిన కోర్టు డ్రామా J.S.K. ఈ సినిమాలో సురేష్ గోపి, అనుపమ పరమేశ్వరన్ ప్రధాన పాత్రల్లో నటించారు. కాస్మోస్ ఎంటర్‌టైన్‌మెంట్స్ బ్యానర్‌పై J. ఫణీంద్ర కుమార్ ఈ సినిమాను నిర్మించారు. మోలీవుడ్ లో ఈ సినిమా విమర్శకుల నుంచి కూడా ప్రశంసలు పొందింది. అయితే ఈ సినిమాకు సెన్సార్ సర్టిఫికేషన్ విషయంలో సెంట్రల్ బోర్డ్ ఆఫ్ ఫిల్మ్ సర్టిఫికేషన్ తో సుదీర్ఘ వివాదం జరిగిన సంగతి తెలిసిందే. ఇక ఇప్పుడు ఆ వివాదాలన్నీ తొలిగిపోయి ఇప్పుడు ఓటిటి లోకి రానుంది ఈ సినిమా.

J.S.K – జానకి V v/s స్టేట్ ఆఫ్ కేరళ కథ విషయానికొస్తే.. ప్రముఖ న్యాయవాది డేవిడ్ అబెల్ డోనోవన్ హాయంతో లైంగిక వేధింపుల నుండి బయటపడిన జానకి విద్యాధరన్ చుట్టూ ఈ కథ తిరుగుతుంది. న్యాయం కోసం పోరాడుతున్న ఓ యువతి, ఆ న్యాయవాది చివరకు గెలిచారా? లేదా? అసలు జానకి జీవితంలో ఏం జరిగింది? న్యాయం కోసం చేయాల్సి వచ్చిన పోరాటం ఏంటి? అనేది ఈ కథా సారాంశం. కోర్టు డ్రామాలు ఇష్టపడే వారికి ఈ సినిమా బాగా నచ్చుతుంది.

ఇప్పుడు ఈ మూవీ తెలుగు, తమిళం, మలయాళ, కన్నడ, హిందీ భాషలలో స్ట్రీమింగ్ కానుంది. ఆగస్టు 15 నుంచి ఈ సినిమా ప్రముఖ ఓటిటి ప్లాట్ ఫార్మ్ zee5 లో స్ట్రీమింగ్ కానుంది. కాబట్టి వచ్చే వీకెండ్ ఈ సినిమాను అసలు మిస్ చేయకుండా చూసేయండి. మరి ఈ అప్డేట్ పై మీ అభిప్రాయాలను కామెంట్స్ రూపంలో తెలియజేయండి.