P Venkatesh
గ్రూప్ 2 అభ్యర్థులకు బిగ్ అలర్ట్. తెలంగాణ పబ్లిక్ సర్వీస్ కమిషన్ దరఖాస్తుల్లో వివరాలు సరిచేసుకునేందుకు ఇచ్చిన ఎడిట్ ఆప్షన్ నేటితో ముగియనుంది. వెంటనే ఈ పని చేసుకోండి.
గ్రూప్ 2 అభ్యర్థులకు బిగ్ అలర్ట్. తెలంగాణ పబ్లిక్ సర్వీస్ కమిషన్ దరఖాస్తుల్లో వివరాలు సరిచేసుకునేందుకు ఇచ్చిన ఎడిట్ ఆప్షన్ నేటితో ముగియనుంది. వెంటనే ఈ పని చేసుకోండి.
P Venkatesh
తెలంగాణలో ఉద్యోగాల జాతర కొనసాగుతున్నది. ఇప్పటికే గ్రూప్ 4 కు సంబంధించిన పోస్టులకు అభ్యర్థుల సర్టిఫికేషన్ వెరిఫికేషన్ కొనసాగుతున్నది. మరోవైపు గ్రూప్ 1,2,3 మెగా డీఎస్సీ ఉద్యోగాల కోసం భర్తీ ప్రక్రియ కొనసాగుతున్నది. కాగా రాష్ట్రంలోని పలు ప్రభుత్వ శాఖల్లో ఖాళీగా ఉన్న గ్రూప్ 2 ఉద్యోగాల భర్తీ కోసం తెలంగాణ పబ్లిక్ సర్వీస్ కమిషన్ 2022-డిసెంబరు 29న నోటిఫికేషన్ విడుదలచేసిన విషయం తెలిసిందే. ఈ రిక్రూట్ మెంట్ ద్వారా మొత్తం 783 పోస్టులను భర్తీ చేయనున్నారు. ఈ క్రమంలో గ్రూప్ 2 అభ్యర్థులకు టీజీపీఎస్సీ బిగ్ అలర్ట్ ఇచ్చింది. దరఖాస్తులో నమోదు చేసిన వివరాల్లో తప్పుల సవరణకు ఎడిట్ ఆప్షన్ ఇచ్చింది. ఈ అవకాశం ఈ రోజు సాయంత్రం 5 గంటలకు ముగియనున్నది.
గ్రూప్ 2 పరీక్షలు గతేడాదే పూర్తి కావాల్సింది. కానీ తెలంగాణలో అసెంబ్లీ ఎన్నికల కాణంగా వాయిదా పడ్డాయి. ఇటీవల టీజీపీఎస్సీ గ్రూప్ 2 పరీక్షల షెడ్యూల్ ను ప్రకటించిన విషయం తెలిసిందే. 2024, ఆగస్టు 7, 8 తేదీల్లో గ్రూప్-2 పరీక్షలను నిర్వహించనున్నారు అధికారులు. ఈ నేపథ్యంలో లక్షలాది మంది ఉద్యోగార్థులు పుస్తకాలతో కుస్తీ పడుతున్నారు. జాబ్ సాధించడమే లక్ష్యంగా అహర్నిశలు శ్రమిస్తున్నారు. అయితే గ్రూప్-2 ఉద్యోగాలకు దరఖాస్తు చేసుకున్న అభ్యర్థులు నమోదుచేసిన వివరాల్లో తప్పుల సవరణకు టీజీపీఎస్సీ అవకాశం కల్పించింది.
ఈ ప్రక్రియ జూన్ 16న ప్రారంభంకాగా.. నేడు అనగా జూన్ 20న సాయంత్రం 5 గంటలతో గడువు ముగియనుంది. అంటే గ్రూప్ 2 అభ్యర్థులకు అప్లికేషన్ ఎడిట్ చేసుకునేందుకు మరొకొన్ని గంటల సమయం మాత్రమే ఉంది. ఇప్పటి వరకు తమ వివరాలను సరిచేసుకోని వారు ఉంటే వెంటనే ఈ పని చేయండి. లేకపోతే ఎడిట్ చేసుకునేందుకు మరో అవకాశం ఉండదని టీజీపీఎస్సీ వెల్లడించింది. వివరాలను ఎడిట్ చేసుకోదలిచిన వారు ఈ లింక్ పై క్లిక్ చేయండి.
