నిరుద్యోగులకు ఆంధ్రప్రదేశ్ ప్రభుత్వం తీపి కబురును అందించింది. పాలిటెక్నిక్ కాలేజీల్లో లెక్చరర్ పోస్టుల భర్తీకి ఆంధ్రప్రదేశ్ పబ్లిక్ సర్వీస్ కమిషన్ నోటిఫికేషన్ ను విడుదల చేసింది. అర్హులు ఎవరంటే?
నిరుద్యోగులకు ఆంధ్రప్రదేశ్ ప్రభుత్వం తీపి కబురును అందించింది. పాలిటెక్నిక్ కాలేజీల్లో లెక్చరర్ పోస్టుల భర్తీకి ఆంధ్రప్రదేశ్ పబ్లిక్ సర్వీస్ కమిషన్ నోటిఫికేషన్ ను విడుదల చేసింది. అర్హులు ఎవరంటే?
ఆంధ్రప్రదేశ్ ప్రభుత్వం నిరుద్యోగులకు గుడ్ న్యూస్ తెలిపింది. వరుస నోటిఫికేషన్స్ విడుదల చేస్తూ నిరుద్యోగుల్లో ఉత్సాహాన్ని నింపుతోంది ఏపీ ప్రభుత్వం. ఇప్పటికే నిరుద్యోగులు ఎప్పటి నుంచో ఎదురు చూస్తున్న గ్రూప్ 2, గ్రూప్ 1 నోటిఫికేషన్లను విడుదల చేసింది జగన్ సర్కార్. వీటికి సంబంధించిన దరఖాస్తుల ప్రక్రియ కొనసాగుతోంది. ఈ క్రమంలో ఆశావాహులకు తీపి కబురందించింది. ఏపీ పాలిటెక్నిక్ కాలేజీల్లో ఉద్యోగాల భర్తీ కోసం నోటిఫికేషన్ విడుదలైంది. ఆంధ్రప్రదేశ్ పబ్లిక్ సర్వీస్ కమిషన్ దీనికి సబంధించిన నోటిఫికేషన్ ను విడుదల చేసింది.
ఏపీ టెక్నికల్ ఎడ్యుకేషన్ పరిధిలోని పాలిటెక్నిక్ కాలేజీల్లో ఇంజినీరింగ్, నాన్‌ ఇంజినీరింగ్ విభాగాల్లో లెక్చరర్ పోస్టుల భర్తీకి ఏపీపీఎస్సీ నోటిఫికేషన్ ను విడుదల చేసింది. ఈ రిక్రూట్ మెంట్ ద్వారా 99 లెక్చరర్ పోస్టులను భర్తీ చేయనున్నారు. అభ్యర్థులు ఆన్ లైన్ లో దరఖాస్తు చేసుకోవాలని ఏపీపీఎస్సీ కోరింది. దరఖాస్తులకు చివరి తేదీని ఫిబ్రవరి 18 2024 గా నిర్ణయించింది. అభ్యర్థులు ఫిబ్రవరి 18 వరకు ఆన్ లైన్ లో అప్లై చేసుకోవచ్చు. దరఖాస్తు చేసుకోదలిచిన అభ్యర్థులు పూర్తి సమాచారం కోసం ఆంధ్రప్రదేశ్ పబ్లిక్ సర్వీస్ కమిషన్ అధికారికి వెబ్ సైట్ https://psc.ap.gov.in/ ను పరిశీలించాల్సి ఉంటుంది.
