ఈ జాబ్స్ అస్సలు వదలొద్దు.. టెన్త్ అర్హతతో BSFలో 2140 కానిస్టేబుల్ ఉద్యోగాలు

డిపార్ట్ మెంట్ ఉద్యోగాల కోసం ఎదురుచూసే నిరుద్యోగులకు భారీ శుభవార్త. ఇటీవల రైల్వే రిక్రూట్ మెంట్ బోర్డ్ 2250 కానిస్టేబుల్, ఎస్ఐ ఉద్యోగాలకు నోటిఫికేషన్ విడుదల చేసిన విషయం తెలిసిందే. తాజాగా బోర్డర్ సెక్యూరిటీ ఫోర్స్ భారీ స్థాయిలో కానిస్టేబుల్ ఉద్యోగాల భర్తీ కోసం నోటిఫికేషన్ విడుదల చేసింది. ఈ రిక్రూట్ మెంట్ ద్వారా 2140 కానిస్టేబుల్ ఉద్యోగాలను భర్తీ చేసేందుకు ప్రక్రియను ప్రారంభించింది. టెన్త్ పాసైతే చాలు మీరు ఈ ఉద్యోగాలను సాధించి జీవితంలో ఉన్నతంగా స్థిరపడిపోవచ్చు.

భారత కేంద్ర హోం మంత్రిత్వశాఖలో భాగంగా ఉండే సరిహద్దు భద్రతా దళం (బీఎస్‌ఎఫ్‌) కానిస్టేబుల్ (ట్రేడ్స్‌మన్) పోస్టుల భర్తీకి దరఖాస్తులను ఆహ్వానిస్తోంది. ఈ ఉద్యోగాలకు పురుష అభ్యర్థులతో పాటు మహిళా అభ్యర్థులు కూడా అప్లై చేసుకోవచ్చు. అభ్యర్థులు ఆన్‌ లైన్‌లో మాత్రమే అప్లై చేసుకోవాలి. నోటిఫికేషన్ జారీ అయిన నెల రోజుల్లోపు దరఖాస్తుల స్వీకరణ ముగుస్తుంది. అర్హత, ఆసక్తి ఉన్న అభ్యర్థులు పూర్తి సమాచారం కోసం బీఎస్ఎఫ్ అధికారిక వెబ్ సైట్ ద్వారా rectt.bsf.gov.in ను పరిశీలించాల్సి ఉంటుంది.

ముఖ్యమైన సమాచారం:

బీఎస్‌ఎఫ్ లో కానిస్టేబుల్ పోస్టుల వివరాలు:

• మొత్తం ఉద్యోగాలు:
• 2140

పురుషులకు

• 1723

మహిళలకు

• 417

వయోపరిమితి:

• దరఖాస్తుదారుల వయసు 18 నుంచి 25 ఏళ్లలోపు ఉండాలి. రిజర్వ్డ్ కేటగిరీ అభ్యర్థులకు గరిష్ట వయో పరిమితిలో సడలింపు ఉంటుంది.

విద్యార్హతలు:

• అభ్యర్థులు గుర్తింపు పొందిన బోర్డ్ నుంచి పదో తరగతి లేదా తత్సమానమైన కోర్సు ఉత్తీర్ణులై ఉండాలి.

ఎంపిక ప్రక్రియ:

• అభ్యర్థులను రాత పరీక్ష, ఫిజికల్‌ స్టాండర్డ్‌ టెస్ట్‌, ఫిజికల్‌ ఎఫిషియన్సీ టెస్ట్‌, సర్టిఫికేట్ వెరిఫికేషన్ ఆధారంగా ఎంపిక చేస్తారు.

జీతం:

• ఈ ఉద్యోగాలకు ఎంపికయ్యే అభ్యర్థులకు జీతం నెలకు రూ. 21,700 నుంచి రూ.69,100 మధ్య లభిస్తుంది.

అప్లికేషన్ ఫీజు:

• ఓబీసీ, జనరల్ కేటగిరి అభ్యర్థులు ఎగ్జామ్ ఫీజుగా రూ.100 ఆన్‌‌లైన్‌లో చెల్లించాలి. ఎస్సీ, ఎస్టీ, మహిళా అభ్యర్థులకు ఫీజు మినహాయింపు ఇచ్చారు.

దరఖాస్తు విధానం:

• ఆన్ లైన్

దరఖాస్తు ప్రక్రియ ప్రారంభం:

• త్వరలో

బీఎస్ఎఫ్ అధికారిక వెబ్ సైట్:

• rectt.bsf.gov.in