రాత పరీక్ష లేకుండానే ఎన్టీపీసీలో ఉద్యోగాలు.. నెలకు రూ.90 వేల జీతం

మీరు ప్రభుత్వ ఉద్యోగం కోసం ఎదురు చూస్తున్నట్లైతే మీకు ఓ గుడ్ న్యూస్. నేషనల్ థర్మల్ పవర్ కార్పొరేషన్ పలు ఉద్యోగాల భర్తీ కోసం నోటిఫికేషన్ ను విడుదల చేసింది. ఏ విధమైన రాత పరీక్ష లేకుండానే ఉద్యోగాన్ని పొందే అవకాశాన్ని కల్పిస్తోంది. ఈ ఉద్యోగాలకు ఎంపికైన అభ్యర్థులకు నెలకు రూ. 90 వేల వేతనం అందించబడుతుంది. అర్హత ఆసక్తి గల అభ్యర్థులు నవంబర్ 10 లోపు దరఖాస్తు చేసుకోవాలని కోరింది. మరిన్ని వివరాలకు ఎన్టీపీసీ అధికారిక వెబ్ సైట్ ను సందర్శించాలని కోరింది. పూర్తి వివరాల్లోకి వెళ్తే..

నేషనల్ థర్మల్ పవర్ కార్పొరేషన్ లో 50 ఎగ్జిక్యూటివ్ పోస్టుల కోసం రిక్రూట్‌మెంట్ నోటిఫికేషన్‌ను విడుదల చేసింది. ఇందులో అన్ రిజర్డ్వ్ 22, ఈడబ్ల్యూఎస్‌కు 5, ఓబీసీకి 11, ఎస్సీకి 8, ఎస్టీకి 4 పోస్టులు ఉన్నాయి. అభ్యర్థులు 5 సంవత్సరాల పాటు ఈ పోస్టులో నియమించబడతారు. ఈ పోస్టుల ఎంపిక ప్రక్రియ ఇంటర్వ్యూ మరియు డాక్యుమెంట్ వెరిఫికేషన్ ద్వారా జరుగుతుంది. ఈ ఉద్యోగాలకు దరఖాస్తు చేసుకునే అభ్యర్థుల వయోపరిమితి, అర్హత, దరఖాస్తు ప్రక్రియ, జీతం వంటి పూర్తి వివరాలు మీకోసం..

విద్యార్హత

ఈ పోస్ట్ కోసం దరఖాస్తు చేయడానికి, అభ్యర్థులు ఏదైనా గుర్తింపు పొందిన సంస్థ నుండి ఎలక్ట్రికల్ లేదా మెకానికల్ లేదా ఎలక్ట్రానిక్స్ లేదా ఇన్‌స్ట్రుమెంటేషన్ ఇంజనీరింగ్‌లో డిగ్రీని కలిగి ఉండాలి. దీనితో పాటు, మీరు పోస్ట్ కోసం దరఖాస్తు చేయాలనుకుంటున్న ఫీల్డ్‌కు సంబంధించి మీకు 2 సంవత్సరాల అనుభవం ఉండాలి.

వయోపరిమితి

35 ఏళ్లలోపు అభ్యర్థులు ఈ పోస్టుకు దరఖాస్తు చేసుకోవచ్చు. అయితే రిజర్వ్‌డ్ అభ్యర్థులకు కొంత సడలింపు ఇచ్చారు.

ఎంపిక ప్రక్రియ

ఈ పోస్టుకు వ్రాత పరీక్ష నిర్వహించబడదు. ఇంటర్వ్యూ, డాక్యుమెంట్ వెరిఫికేషన్ ఆధారంగా మాత్రమే అభ్యర్థులను ఎంపిక చేస్తారు.

దరఖాస్తు ఫీజు

ఎన్టీపీసీ కోసం దరఖాస్తు రుసుము జనరల్/ఈడబ్య్లూఎస్/ఓబీసీకి చెందిన అభ్యర్థులకు రూ. 300, అయితే ఎస్సీ/ఎస్టీ/పీడబ్య్లూడీ/ఎక్స్ సర్వీస్ మెన్ మరియు అన్ని కేటగిరీ మహిళా అభ్యర్థులు ఎలాంటి దరఖాస్తు రుసుమును చెల్లించాల్సిన అవసరం లేదు.

జీతం

ఎంపికైన అభ్యర్థులకు నెలకు రూ.90,000 ఇవ్వబడుతుంది. అదనపు సదుపాయాలు కూడా ఉంటాయి.

దరఖాస్తు విధానం
ఆన్ లైన్
దరఖాస్తు ప్రారంభ తేదీ
27-10-2023

దరఖాస్తుకు చివరి తేదీ
10-11-2023

అధికారిక వెబ్ సైట్
www.ntpc.co.in