APలోని ఆ శాఖల్లో ఉద్యోగాలు.. లక్షన్నర వరకు జీతం.. ఈ అర్హతలుంటే చాలు

ఆంధ్రప్రదేశ్ ప్రభుత్వం నిరుద్యోగులకు గుడ్ న్యూస్ అందించింది. ఇప్పటికే గ్రూప్ 2, గ్రూప్ 1, మెగా డీఎస్సీకి నోటిఫికేషన్లు రిలీజ్ కాగా వాటికి సంబంధించిన భర్తీ ప్రక్రియ కొనసాగుతున్నది. ఈ క్రమంలో పలు శాఖల్లో మరిన్ని ప్రభుత్వ ఉద్యోగాలను భర్తీ చేసేందుకు రెడీ అయ్యింది. ఆంధ్రప్రదేశ్‌ పబ్లిక్ సర్వీస్ కమిషన్‌ తాజాగా మరో నాలుగు ఉద్యోగ నోటిఫికేషన్లు విడుదల చేసింది. ఈ రిక్రూట్ మెంట్ ద్వారా ఫారెస్ట్‌ రేంజ్‌ ఆఫీసర్లు, స్టాటస్టికల్ ఆఫీసర్లు, ఫిషరిస్ డెవలప్‌మెంట్‌ ఆఫీసర్, అసిస్టెంట్ ఎలక్ట్రికల్ ఇన్‌స్పెక్టర్‌ పోస్టులను డైరెక్ట్ రిక్రూట్ మెంట్ పద్దతి ద్వారా భర్తీ చేయనున్నారు.

మొత్తం 49 పోస్టులు కాగా.. వాటిలో 37 ఫారెస్ట్‌ రేంజ్‌ అధికారి పోస్టులు, 5 స్టాటిస్టికల్‌ ఆఫీసర్‌ పోస్టులు, 4 ఫిషరీస్‌ డెవలప్‌మెంట్‌ అధికారి పోస్టులు, 3 ఎలక్ట్రికల్‌ ఇన్‌స్పెక్టర్‌ ఉద్యోగ ఖాళీలున్నాయి. అభ్యర్థులు ఆన్ లైన్ విధానంలో దరఖాస్తు చేసుకోవాల్సి ఉంటుంది. దరఖాస్తు చేసుకోదలిచిన అభ్యర్థులు ఫారెస్ట్‌ రేంజ్‌ అధికారి పోస్టుల పూర్తి సమాచారం కోసం https://psc.ap.gov.in/ క్లిక్ చేయండి. స్టాటిస్టికల్‌ ఆఫీసర్‌ పోస్టుల వివరాల కోసం https://psc.ap.gov.in/, ఫిషరీస్‌ డెవలప్‌మెంట్‌ అధికారి పోస్టుల సమాచారం కోసం https://psc.ap.gov.in/,అసిస్టెంట్ ఎలక్ట్రికల్‌ ఇన్‌స్పెక్టర్‌ పోస్టుల వివరాల కోసం https://psc.ap.gov.in/ ఈ లింక్ పై క్లిక్ చేయండి.

ముఖ్య సమాచారం :

ఫారెస్ట్ రేంజ్ అధికారి పోస్టులు:

• 37

అర్హత:

• అభ్యర్థులు అగ్రికల్చర్, బోటనీ, కెమిస్ట్రీ, కంప్యూటర్ సైన్స్‌, ఇంజనీరింగ్, ఎన్విరాన్‌మెంట్ సైన్స్‌, ఫారెస్ట్రీ, జియాలజీ, హార్టికల్చర్, మ్యాథ్స్, ఫిజిక్స్, స్టాటస్టిక్స్, వెటర్నరీ సైన్స్, జువాలజీ సబ్జెక్టుల్లో డిగ్రీ ఉత్తీర్ణులై ఉండాలి. వికలాంగుల్ని ఈ పోస్టులకు అనర్హులుగా ప్రకటించారు.

వయోపరిమితి:

• 01-07-2024 నాటికి 18 నుంచి 30 ఏళ్లు కలిగి ఉండాలి.

జీతం:

• నెలకు రూ. 48,440 నుంచి 1,37,220 వరకు ఉంటుంది.

దరఖాస్తు ఫీజు:

• అప్లికేషన్‌ ప్రొసెసింగ్ ఫీజుగా రూ.250.. ఎగ్జామ్ ఫీజుగా రూ.120 చెల్లించాల్సి ఉంటుంది. ఎస్సీ, ఎస్టీ, బీసీ, ఎక్స్ సర్వీస్‌మెన్‌, తెల్ల రేషన్ కార్డు ఉన్న అభ్యర్థులు రూ.120 చెల్లించాలి.

దరఖాస్తు విధానం:

• ఆన్ లైన్

దరఖాస్తు ప్రారంభ తేదీ:

• 15-04-2024

దరఖాస్తు చివరి తేదీ:

• 05-05-2024

ఫిషరీష్ డెవలప్‌మెంట్‌ అధికారి పోస్టులు:

• 4

అర్హత:

• గుర్తింపు పొందిన విద్యాసంస్థల నుంచి బ్యాచిలర్ ఆఫ్ ఫిషరీస్ సైన్స్ లో ఉత్తీర్ణులై ఉండాలి.

వయోపరిమితి:

• 01-07-2024 నాటికి 18 నుంచి 42 ఏళ్లు కలిగి ఉండాలి.

జీతం:

• ఎంపికైన అభ్యర్థులకు నెలకు రూ. 45,830 నుంచి 1,30,580 వరకు అందిస్తారు.

దరఖాస్తు ప్రక్రియ:

• ఏప్రిల్ 23 నుంచి మే 13 వరకు ధరఖాస్తులను స్వీకరించనున్నారు.

ఎలక్ట్రికల్ ఇన్స్‌పెక్టర్‌ పోస్టులు:

• 3

అర్హత:

• ఎలక్ట్రికల్ ఇంజనీరింగ్ లో ఉత్తీర్ణులై ఉండాలి.

వయోపరిమితి:

• 01-07-2024 నాటికి 18 నుంచి 42 ఏళ్లు కలిగి ఉండాలి.

జీతం:

• నెలకు రూ. 57,100 నుంచి 1,47,760 వరకు అందిస్తారు.

దరఖాస్తు ప్రక్రియ:

• ఎలక్ట్రికల్ ఇన్స్‌పెక్టర్‌ పోస్టులకు మార్చి 21 నుంచి ఏప్రిల్ 10 వరకు దరఖాస్తులను స్వీకరిస్తారు.

స్టాటిస్టికల్ ఆఫీసర్ పోస్టులు:

• 5

అర్హత:

• స్టాటిస్టిక్స్ సబ్జెక్ట్ తో బ్యాచిలర్ డిగ్రీ ఉత్తీర్ణులై ఉండాలి.

వయోపరిమితి:

• 01-07-2024 నాటికి 18 నుంచి 42 ఏళ్లు కలిగి ఉండాలి.

జీతం:

• నెలకు రూ. 37,640 నుంచి 1,15,500 వరకు అందిస్తారు.

దరఖాస్తు ప్రక్రియ:

• స్టాటిస్టికల్ ఆఫీసర్ పోస్టుల భర్తీకి ఏప్రిల్ 18 నుంచి మే 8 వరకు దరఖాస్తులు స్వీకరిస్తారు.