sai
టీ20 ప్రపంచ కప్కు ముందు అన్ని జట్లకు ఇది డేంజర్ సిగ్నల్ అనే చెప్పాలి. ఆ టీమ్లోని రాక్షసులు ఒక్కొక్కరుగా ఫామ్లోకి వస్తున్నారు.
టీ20 ప్రపంచ కప్కు ముందు అన్ని జట్లకు ఇది డేంజర్ సిగ్నల్ అనే చెప్పాలి. ఆ టీమ్లోని రాక్షసులు ఒక్కొక్కరుగా ఫామ్లోకి వస్తున్నారు.
sai
టీ20 ప్రపంచ కప్-2024కు టైమ్ దగ్గర పడుతోంది. మెగా టోర్నీ స్టార్ట్ అవడానికి ఇంకో రెండు వారాల సమయం కూడా లేదు. పొట్టి కప్పు సన్నాహాల్లో అన్ని జట్లు బిజీగా మారిపోయాయి. పాకిస్థాన్, ఇంగ్లండ్ లాంటి పలు జట్లు ద్వైపాక్షిక టీ20 టోర్నీలు ఆడుతూ వరల్డ్ కప్ కోసం ప్రిపేర్ అవుతున్నాయి. న్యూజిలాండ్, టీమిండియా, ఆస్ట్రేలియా ప్లేయర్లు మాత్రం ఐపీఎల్నే పొట్టి కప్పు కోసం ప్రాక్టీస్గా వాడుకుంటున్నారు. ఈ లీగ్లో రాణిస్తే అదే మూమెంటమ్, ఫామ్ను అమెరికాలోనూ కంటిన్యూ చేయాలని చూస్తున్నారు. ఫామ్లోని లేనివారు తిరిగి రిథమ్ను అందుకునేందుకు తీవ్రంగా ప్రయత్నిస్తున్నారు. ఈ తరుణంలో అన్ని టీమ్స్కు డేంజర్ బెల్స్ మోగుతున్నాయి. కారణం ఆ జట్టులోని రాక్షసులు ఫామ్లోకి రావడమే.
వరల్డ్ కప్ అంటే అన్ని టీమ్స్కు ముందుగా గుర్తుకొచ్చేది ఆస్ట్రేలియానే. మెగా టోర్నీలో ఎన్నోసార్లు ఆ జట్టు విజేతగా నిలిచింది. ప్రపంచ కప్ కొట్టడం అంటే కంగారూలకు ఓ ఆనవాయితీగా మారింది. గతేడాది భారత్ ఆతిథ్యం ఇచ్చిన వన్డే వరల్డ్ కప్ను కూడా వాళ్లే ఎగరేసుకుపోయారు. ఇప్పుడు టీ20 కప్పు మీద కూడా కన్నేశారు. అయితే ఆ టీమ్లోని పలువురు స్టార్లు ఫామ్ లేక ఇబ్బంది పడుతూ వచ్చారు. దీంతో ఆసీస్ పనైపోయింది, ఈసారి వరల్డ్ కప్లో ఆ జట్టు హవా నడవడం కష్టమేనని అంతా అనుకున్నారు. కానీ సరిగ్గా మెగా టోర్నీ ఆరంభానికి ముందు కంగారూ టీమ్లోని ఒక్కో రాక్షసుడు ఫామ్ను అందుకుంటున్నాడు. తాజాగా చూసుకుంటే.. స్పిన్ ఆల్రౌండర్ గ్లెన్ మాక్స్వెల్, పేస్ ఆల్రౌండర్ కామెరాన్ గ్రీన్ ఊపందుకున్నారు.
ఐపీఎల్-2024లో భాగంగా ప్లేఆఫ్స్ చేరాలంటే కీలకంగా మారిన మ్యాచ్లో చెన్నైని చిత్తు చేసింది ఆర్సీబీ. ఈ నాకౌట్ మ్యాచ్లో మాక్స్వెల్, గ్రీన్ బ్యాట్, బంతితో రఫ్ఫాడించి టీమ్ను గట్టెక్కించారు. తొలుత బ్యాటింగ్ టైమ్లో గ్రీన్ 17 బంతుల్లో 38 పరుగులతో అదరగొట్టాడు. ఇన్నింగ్స్ ఆఖర్లో మ్యాక్సీ 5 బంతుల్లో 16 పరుగులతో సత్తా చాటాడు. అనంతరం అతడు సీఎస్కే కెప్టెన్ రుతురాజ్ గైక్వాడ్ను ఔట్ చేసి ఆ టీమ్ వెన్ను విరిచాడు. కీలక సమయంలో శివమ్ దూబేను పెవిలియన్కు పంపి మ్యాచ్ను మలుపు తిప్పాడు గ్రీన్. ఈ విధ్వంసకారులు ఫీల్డింగ్లోనూ ఆకట్టుకున్నారు. గ్రీన్ గత కొన్ని మ్యాచులుగా ఆల్రౌండ్ పెర్ఫార్మెన్స్తో అదరగొడుతున్నాడు. సీజన్ మొత్తం ఫెయిలైన మ్యాక్సీ.. కరెక్ట్ వరల్డ్ కప్ ముందు ఊపందుకున్నాడు. దీంతో పొట్టి కప్పులో ఈ రాక్షసులను తట్టుకోవడం కష్టమేనని.. ఈసారి ఆసీస్ను ఆపడం ఎవరి వల్లా కాదనే అభిప్రాయాలు వ్యక్తం అవుతున్నాయి.
