Gautam Gambhir: లక్నో ఓనర్​పై గంభీర్ సెటైర్స్.. ఆయన్ను చూసి నేర్చుకోమంటూ..!

ఐపీఎల్ లాంటి లీగ్స్​లో కెప్టెన్​గా ఉండటం అంత ఈజీ కాదు. తీవ్రమైన పోటీ, ఒత్తిడి మధ్య జట్టును నడిపించడం ఎంతటోడికైనా కష్టమే. ఎన్నో ఎక్స్​పెక్టేషన్స్​తో కూడుకున్న కెప్టెన్సీ రోల్​లో రాణించాలన్నా, టీమ్​కు విజయాలు అందించాలన్నా, కప్పులు కొట్టాలన్నా టీమ్ మేనేజ్​మెంట్, ఫ్రాంచైజీ యాజమాన్యం నుంచి ఎంతో సపోర్ట్ ఉండాలి. అప్పుడు గానీ సారథిగా సక్సెస్ కాలేరు. దీన్ని బట్టి జట్టు రాణింపులో కెప్టెన్​తో పాటు యాజమాన్యం రోల్ ఎంత కీలకమో అర్థమై ఉంటుంది. కానీ కేఎల్ రాహుల్ విషయంలో లక్నో ఓనర్ సంజీవ్ గోయెంకా ఇలా వ్యవహరించలేదు. టీమ్ ఓటమికి రాహుల్​ను టార్గెట్ చేసుకొని అందరి ముందే సీరియస్ అయ్యాడు. రాహుల్ ఎంత వివరిస్తున్నా వినకుండా విరుచుకుపడ్డాడు.

కేఎల్ రాహుల్​ మీద లక్నో ఓనర్ సంజీవ్ గోయెంకా సీరియస్ అవడం, అసహనం వెళ్లగక్కడం వైరల్​గా మారింది. స్టార్ ప్లేయర్, భారత జట్టు సభ్యుడు, టీమ్ కెప్టెన్​ అయిన రాహుల్​తో వేలాది మంది ఆడియెన్స్ నడుమ గ్రౌండ్​లో ఇలా వ్యవహరించడం వివాదాస్పదంగా మారింది. ఇది కరెక్ట్ కాదంటూ అందరూ ఎల్​ఎస్​జీ యాజమాన్యంపై ఫైర్ అవుతున్నారు. ఈ అంశం మీద తాజాగా కోల్​కతా నైట్ రైడర్స్ మెంటార్ గౌతం గంభీర్ స్పందించాడు. లక్నో ఓనర్​పై గౌతీ సెటైర్స్ వేశాడు. అసలైన యజమాని ఎలా ఉండాలో కేకేఆర్ ఓనర్ షారుఖ్ ఖాన్​ను చూసి నేర్చుకోవాలని హితవు పలికాడు. తాను చూసిన, పని చేసిన ఓనర్స్​లో కింగ్ ఖాన్ బెస్ట్ అంటూ ప్రశంసల్లో ముంచెత్తాడు గంభీర్.

‘నేను పని చేసిన ఐపీఎల్ ఫ్రాంచైజీ ఓనర్స్​లో షారుఖ్ ఖాన్ అందరి కంటే బెస్ట్. కోల్​కతా నైట్ రైడర్స్​ టీమ్​కు సంబంధించిన క్రికెటింగ్ వ్యవహారాల్లో ఆయన తలదూర్చడు. ఆయన నన్ను బాగా నమ్ముతాడు. నేను ఏ నిర్ణయం తీసుకున్నా దానికి మద్దతుగా నిలుస్తాడు’ అని గంభీర్ స్పష్టం చేశాడు. టీమ్ ఓనర్ ఎలా ఉండాలనే దానిపై గౌతీ చేసిన వ్యాఖ్యలు ఇప్పుడు సోషల్ మీడియాలో వైరల్​గా మారాయి. గంభీర్ చేసిన కామెంట్స్ లక్నో ఓనర్స్​ను ఉద్దేశించి అన్నట్లుగా నెట్టింట అభిప్రాయాలు వ్యక్తం అవుతున్నాయి. సంజీవ్ గోయెంకాకు గౌతీ​ ఇన్​డైరెక్ట్​గా చురకలు అంటించాడని అంటున్నారు. కాగా, లాస్ట్ సీజన్ వరకు గంభీర్ ఎల్​ఎస్​జీకి మెంటార్​గా ఉన్నాడు. ఈసారి షారుఖ్ ఆహ్వానించడంతో కేకేఆర్​కు మారాడు. మరి.. గంభీర్ సెటైర్స్​పై మీ ఒపీనియన్​ను కామెంట్ చేయండి.

• ఇదీ చదవండి: ‘అరుంధతి’ కథను రిపీట్ చేస్తున్న యువరాజ్! ఇది కదా దేశంపై ప్రేమంటే!

Gautam Gambhir said, “Shah Rukh Khan is the best owner I’ve ever worked with. He never interferes in cricketing matters in the KKR team. He trusts me and backs my decisions”. (SportsKeeda). pic.twitter.com/CL0MXhHIxc

— Mufaddal Vohra (@mufaddal_vohra) May 10, 2024