Nidhan
ఐపీఎల్-2024 ప్లేఆఫ్స్ మీద సౌతాఫ్రికా లెజెండ్ ఏబీ డివిలియర్స్ తన ప్రిడిక్షన్ చెప్పాడు. నాలుగు జట్లలో నుంచి ఆర్సీబీతో పాటు ఆ టీమే ఫైనల్స్కు చేరుతుందని అన్నాడు.
ఐపీఎల్-2024 ప్లేఆఫ్స్ మీద సౌతాఫ్రికా లెజెండ్ ఏబీ డివిలియర్స్ తన ప్రిడిక్షన్ చెప్పాడు. నాలుగు జట్లలో నుంచి ఆర్సీబీతో పాటు ఆ టీమే ఫైనల్స్కు చేరుతుందని అన్నాడు.
Nidhan
గడిచిన కొన్ని వారాలుగా ఒకదాన్ని మించిన మరో మ్యాచ్, ఎడతెగని ఉత్కంఠతో జరిగిన సీట్ ఎడ్జ్ థ్రిల్లర్స్తో ఐపీఎల్-2024 క్రికెట్ లవర్స్కు కావాల్సినంత వినోదాన్ని పంచింది. గ్రూప్ స్టేజ్లోని ఆఖరి మ్యాచ్ జరిగే వరకు ప్లేఆఫ్స్ బెర్త్లు కన్ఫర్మ్ కాలేదు. ఆఖరి కొన్ని మ్యాచ్లు డూ ఆర్ డైగా సాగుతూ ఆడియెన్స్ను టీవీలు, ఫోన్లకు కట్టిపడేశాయి. ఎట్టకేలకు గ్రూప్ స్టేజ్ ముగిసింది. ఇప్పుడు ప్లేఆఫ్స్కు సమయం ఆసన్నమైంది. సన్రైజర్స్, బెంగళూరు, కోల్కతా, రాజస్థాన్ జట్లలో ఏదో ఒక జట్టు ఈసారి కప్పు కొట్టడం ఖాయం. మరో నాలుగు మ్యాచ్లతో క్యాష్ రిచ్ లీగ్ నయా సీజన్ ముగియనుంది. ఈ నేపథ్యంలో ఐపీఎల్-2024 ఫైనల్ గురించి సౌతాఫ్రికా లెజెండ్ ఏబీ డివిలియర్స్ తన ప్రిడిక్షన్ చెప్పాడు.
ఐపీఎల్-2024 ఫైనల్ చేరే జట్లు ఇవేనంటూ డివిలియర్స్ ఆసక్తికర వ్యాఖ్యలు చేశాడు. తాను ప్రాతినిధ్యం వహించిన ఆర్సీబీ ఈసారి ఫైనల్కు చేరడం పక్కా అని ఏబీడీ అన్నాడు. బెంగళూరుతో పాటు గ్రూప్ స్టేజ్లో హవా నడిపించి టాప్ ప్లేస్లో నిలిచిన కోల్కతా కూడా తుదిపోరుకు అర్హత సాధిస్తుందని జోస్యం పలికాడు. ఆర్సీబీ-కేకేఆర్ టైటిల్ ఫైట్లో తలపడతాయని, ఈ రెండింట్లో నుంచి ఒక టీమ్ ఛాంపియన్గా అవతరిస్తుందని డివిలియర్స్ చెప్పుకొచ్చాడు. ఎస్ఆర్హెచ్, రాజస్థాన్కు ఛాన్స్ లేదని స్పష్టం చేశాడు. ఆర్సీబీ జట్టు వరుసగా 6 విజయాలు సాధించి ఫుల్ జోష్లో ఉందన్నాడు. ఈ సీజన్లో బెస్ట్ టీమ్గా కేకేఆర్ నిలిచిందన్నాడు. కాబట్టి ఈ రెండు టీమ్స్ మధ్యే ఫైనల్ ఫైట్ జరిగే అవకాశాలు ఉన్నాయని పేర్కొన్నాడు.
ఈ సీజన్ ఫైనల్ మ్యాచ్కు చెన్నైలోని చెపాక్ స్టేడియం వేదిక కానుంది. ఈ నేపథ్యంలో కోల్కతా ఫైనల్కు చేరితే చెపాక్ పిచ్ నుంచి వాళ్లకు ఎక్కువ మద్దతు దొరికే ఛాన్స్ ఉందన్నాడు ఏబీడీ. చెపాక్ పిచ్ స్వతహాగా స్పిన్కు అనుకూలిస్తుంది. ఈ నేపథ్యంలో వరుణ్ చక్రవర్తి, సునీల్ నరైన్ రూపంలో వరల్డ్ క్లాస్ స్పిన్నర్లు ఉన్న కోల్కతాకు ఈ మైదానం మరింత అడ్వాంటేజ్గా మారే అవకాశాలు ఉన్నాయని వ్యాఖ్యానించాడు డివిలియర్స్. మరోవైపు అతడి ప్రిడిక్షన్పై సన్రైజర్స్ ఫ్యాన్స్ అసహనం వ్యక్తం చేస్తున్నారు. కేకేఆర్కు ఎస్ఆర్హెచ్ షాక్ ఇవ్వడం పక్కా అని.. ఫైనల్లో కలుసుకుందాం అని కామెంట్స్ చేస్తున్నారు. మరి.. డివిలియర్స్ చెప్పిన టీమ్స్ ఫైనల్కు వెళ్తాయని భావిస్తున్నారా? అతడి జోస్యంపై మీ అభిప్రాయాలను కామెంట్ చేయండి.
View this post on Instagram
