నేటి కాలం యువత తల్లిదండ్రులు కుదిర్చిన వివాహాల కన్నా ప్రేమ పెళ్లిలకే మొగ్గు చూపుతున్నారు. ఇక ప్రేమించిన వాడినే పెళ్లి చేసుకోవాలని అనుకున్నా.. కులాలు, మతాలు అడ్డు రావడంతో వీరి ప్రేమ పెళ్లికి పెద్దలు అంగీకరించడం లేదు. చివరికి ఆ ప్రేమికులు పెద్దలను ఎదురించి మరీ పెళ్లిలు చేసుకుంటున్నారు. ఇక పరువు పోయిందని భావించి అమ్మాయి తల్లిదండ్రులు యువకుడిని చంపడమో, లేదంటే ఆత్మహత్య చేసుకోవడం చేస్తున్నారు. కానీ, ఏపీలో మాత్రం వీటికి భిన్నంగా ఓ ఘటన చోటు చేసుకుంది. అసలేం జరిగిందంటే?
పోలీసుల కథనం ప్రకారం.. ఏపీలోని శ్రీకాళహస్తి వాగివేడుకు చెందిన గిరి అనే యువకుడు తిరుపతి జిల్లా డక్కిలికి చెందిన ఓ యువతిని ప్రేమించాడు. ఆ యువతి కూడా ఇతడిని ప్రేమించినట్లు తెలుస్తుంది. అలా వీరి వ్యవహారం కొన్ని రోజులు గడిచింది. ఇక ఆ యువకుడు ప్రియురాలినే పెళ్లి చేసుకోవాలని భావించాడు. ఆ ప్రేమికులు పెళ్లికి కూడా రెడీ అయ్యారు. కానీ, వీరి పెళ్లికి యువతి తల్లిదండ్రులు అంగీకరించలేదు. దీంతో ప్రియుడు గిరి కోపంతో ఊగిపోయాడు. క్షణికావేశంలో ఆ యువకుడు ప్రియురాలి తల్లిదండ్రులపై దాడి చేశాడు.
ఇతని దాడిలో ప్రియురాలి తండ్రి తీవ్రంగా గాయపడ్డాడు. స్థానికులు వెంటనే స్పందించి యువతి తండ్రిని దగ్గరలోని ఓ ఆస్పత్రికి తరలించారు. అనంతరం బాధిత కుటుంబ సభ్యుల ఫిర్యాదు మేరకు కేసు నమోదు చేసుకున్న పోలీసులు నిందితుడిని అదుపులోకి తీసుకున్నారు. అయితే, ప్రస్తుతం యువతి తండ్రి పరిస్థితి విషమంగానే ఉన్నట్లు వైద్యులు తెలిపారు. ఇటీవల చోటు చేసుకున్న ఈ ఘటన స్థానికంగా తీవ్ర కలకలంగా మారింది.
ఇది కూడా చదవండి: ప్రియుడి బరితెగింపు.. ప్రియురాలు ఆస్పత్రిలో ఉండగా..!
