సూపర్-8 గండాన్ని దాటిన ఇంగ్లండ్.. అంతా ఆసీస్ చలవే!

స్కాట్లాండ్.. టీ20 వరల్డ్ కప్​-2024లో అద్భుతమైన ఆటతీరుతో అందర్నీ ఆకట్టుకుంది. ఎలాంటి అంచనాలు లేకుండా మెగాటోర్నీలోకి అడుగుపెట్టిన ఈ టీమ్.. వరుసగా నమీబియా, ఒమన్​పై ఘనవిజయాలు సాధించింది. ఇంగ్లండ్​తో జరగాల్సిన మొదటి మ్యాచ్​ వర్షం వల్ల సాధ్యపడలేదు. అందులో కూడా ఆడిన 10 ఓవర్లలో వికెట్ కోల్పోకుండా 90 పరుగులు చేసింది. ఆ తర్వాతి మ్యాచుల్లో నమీబియా, ఒమన్​ను చిత్తు చేసింది. దీంతో స్కాట్లాండ్ సూపర్-8 చేరడం పక్కా అని అంతా అనుకున్నారు. మరోవైపు ఇదే గ్రూపులో ఉన్న ఆస్ట్రేలియా అప్పటికే సూపర్ పోరుకు అర్హత సాధించడంతో.. ఇక, ఇంగ్లండ్ పనైపోయిందని అంతా అనుకున్నారు. ఆసీస్​తో జరిగే ఆఖరి మ్యాచ్​లో స్కాట్లాండ్ గెలిస్తే ఇంగ్లీష్ టీమ్ ఇంటికేనని ఫిక్స్ అయ్యారు.

ఆస్ట్రేలియాతో మ్యాచ్​లో ఓడినా మంచి రన్​రేట్ ఉంటే స్కాట్లాండ్ సూపర్-8 చేరే ఛాన్స్ ఉండటంతో ఇంగ్లండ్ ఖేల్​ఖతం అని అందరూ అనుకున్నారు. అయితే ఆసీస్ పుణ్యమాని సూపర్ పోరుకు అర్హత సాధించింది ఇంగ్లీష్ టీమ్. స్కాట్లాండ్​తో ఇవాళ ఉదయం జరిగిన మ్యాచ్​లో కంగారూ జట్టు 5 వికెట్ల తేడాతో విజయం సాధించింది. ఈ మ్యాచ్​లో మొదట బ్యాటింగ్ చేసిన స్కాట్లాండ్.. 20 ఓవర్లకు 5 వికెట్ల నష్టానికి 180 పరుగుల భారీ స్కోరు చేసింది. బ్రెండన్ మెక్​ముల్లెన్ (34 బంతుల్లో 60), రిచ్ బెర్రింగ్టన్ (31 బంతుల్లో 42 నాటౌట్) విధ్వంసక బ్యాటింగ్​తో టీమ్​కు మంచి స్కోరు అందించారు. ఆ తర్వాత ఛేజింగ్​కు దిగిన ఆసీస్.. ఒక దశలో 60 పరుగులకే 3 వికెట్లు కోల్పోయి కష్టాల్లో పడింది. అయితే మార్కస్ స్టొయినిస్ (29 బంతుల్లో 59) విన్నింగ్ నాక్​తో టీమ్​ను విజయతీరాలకు చేర్చాడు.

ఆఖర్లో టిమ్ డేవిడ్ (14 బంతుల్లో 24 నాటౌట్) మెరుపు ఇన్నింగ్స్​తో స్కాట్లాండ్​ను వణికించాడు. అంతకుముందు ఓపెనర్ ట్రావిస్ హెడ్ (49 బంతుల్లో 68) అపోజిషన్ బౌలర్లను ఊచకోత కోశాడు. 5 ఫోర్లు, 4 సిక్సులతో చెలరేగిపోయాడు. ఆ తర్వాత స్టొయినిస్ రాణించినా మ్యాచ్ లాస్ట్ ఓవర్​కు వెళ్లింది. అయితే డేవిడ్ నిలబడి పోరాడి ఇంకో రెండు బంతులు ఉండగానే టీమ్​కు విక్టరీ అందించాడు. స్టొయినిస్​కు ప్లేయర్ ఆఫ్ ది మ్యాచ్ అవార్డు లభించింది. కీలక మ్యాచ్​లో స్కాట్లాండ్ ఓటమితో ఇంగ్లండ్ సూపర్-8కు చేరింది. గ్రూప్-బీలో ఈ రెండు జట్లు సమానమైన పాయింట్లతో ఉన్నాయి. అయితే మెరుగైన నెట్ రన్​రేట్ కారణంగా ఇంగ్లీష్ టీమ్ నెక్స్ట్ స్టేజ్​కు చేరింది. ఆసీస్ గనుక ఓడిపోతే ఆ జట్టు ఇంటిదారి పట్టేది. అయితే సూపర్-8కు చేరుకోకపోయినా అద్భుతమైన ఆటతీరు, పోరాట పటిమతో అందరి హృదయాలు గెలుచుకుంది స్కాట్లాండ్.

• ఇదీ చదవండి: పాక్ పరువు తీసిన వసీం అక్రమ్.. సొంత జట్టు అని కూడా చూడకుండా..!

FEEL FOR SCOTLAND…!!!

They were one of the best performing teams in the Group of England and Australia. Missed out on the Super8 spot due to NRR, but they gave sleepless nights to England. 👏 pic.twitter.com/TAXlHXWI7o

— Mufaddal Vohra (@mufaddal_vohra) June 16, 2024