Rohit Sharma: చరిత్ర సృష్టించిన రోహిత్.. T20 వరల్డ్ కప్ హిస్టరీలో ఇదే ఫస్ట్ టైమ్!

టీ20 వరల్డ్ కప్-2024 ఇంకో నాల్రోజుల్లో మొదలవనుంది. ఇప్పటికే మెగా టోర్నీ కోసం అన్ని జట్లు కూడా యూఎస్​కు చేరుకున్నాయి. ఆటగాళ్లందరూ నెట్స్​లో చెమటోడుస్తున్నారు. కొన్ని టీమ్స్ ప్రాక్టీస్ మ్యాచ్​లు కూడా ఆడేశాయి. ఫేవరెట్స్​లో ఒకటైన టీమిండియా కూడా అగ్రరాజ్యానికి చేరుకుంది. కెప్టెన్ రోహిత్ శర్మ సహా జట్టు ఆటగాళ్లందరూ క్రికెట్ ప్రాక్టీస్​తో పాటు ఫుల్​బాల్, వాలీబాల్ ఆడుతూ ఫిట్​నెస్​ను మరింత మెరుగుపర్చుకుంటున్నారు. వన్డే వరల్డ్ కప్ మిస్సయ్యాం.. కాబట్టి ఎట్టి పరిస్థితుల్లోనూ పొట్టి కప్పును చేజార్చుకోవద్దనే కసితో సన్నద్ధం అవుతున్నారు. హిట్​మ్యాన్​ సహచరులతో కలసి జోరుగా ప్రాక్టీస్ చేస్తున్నాడు. ఈసారి ఎలాంటి తప్పుకు అవకాశం ఇవ్వకుండా.. టైటిల్ కొట్టాలని అతడు పట్టుదలతో ఉన్నాడు.

ఫస్ట్ మ్యాచ్​ కోసం టీమిండియా ప్రిపేర్ అవుతోంది. ఆటగాళ్లందరిలో మెగా టోర్నీలో ఆడుతున్నామనే జోష్ కనిపిస్తోంది. అయితే మిగతా వాళ్లందరి కంటే కెప్టెన్ రోహిత్​కు ఇది చాలా స్పెషల్ టోర్నీగా మిగిలిపోనుంది. దీనికి కారణం అతడికి ఇది 9వ టీ20 ప్రపంచ కప్ కావడమే. రికార్డులకు కేరాఫ్ అడ్రస్​గా మారిన హిట్​మ్యాన్​ మరో అరుదైన ఘనతను అందుకున్నాడు. పొట్టి ఫార్మాట్​లో నిర్వహించిన ప్రతి వరల్డ్ కప్​లోనూ ఆడిన ప్లేయర్​గా రోహిత్ చరిత్ర సృష్టించాడు. అతడితో పాటు బంగ్లాదేశ్ కెప్టెన్ షకీబల్ హసన్ కూడా ఈ ఫీట్​ను అందుకున్నాడు. 2007 నుంచి ఇప్పటిదాకా జరిగిన 8 టీ20 ప్రపంచ కప్​ల్లో వీళ్లిద్దరూ ఆడుతూ వచ్చారు. యూఎస్​ఏ ఆతిథ్యం ఇస్తున్న తాజా టోర్నీ వీళ్లకు తొమ్మిదోది కానుంది.

ఆరంభ టోర్నమెంట్ నుంచి ఇప్పటిదాకా జరిగిన ప్రతి టీ20 వరల్డ్ కప్​లో ఆడిన ప్లేయర్లుగా రోహిత్, షకీబ్ నిలిచారు. ఈ టోర్నీ వీళ్లకు స్పెషల్​గా నిలిచిపోనుంది. వీళ్లిద్దరి రికార్డును బ్రేక్ చేయడం అంత ఈజీ కాదు. కనీసం దశాబ్దంన్నర కన్​సిస్టెంట్​గా ఆడుతూ రన్స్ చేస్తే తప్ప టీమ్​లో కొనసాగలేరు. అందునా తీవ్ర పోటీ ఉండే వరల్డ్ కప్ టీమ్​లో చోటు దక్కాలంటే ఆ ప్లేయర్​ నిలకడకు మారుపేరుగా, టీమ్​కు వెన్నెముకగా ఉండాలి. భవిష్యత్తులో వీళ్ల రికార్డును ఇంకెవరైనా బ్రేక్ చేస్తారేమో చూడాలి. రోహిత్ క్రేజీ రికార్డుపై ఫ్యాన్స్ రియాక్ట్ అవుతున్నారు. హిట్​మ్యాన్​ పరుగుల వరద పారించడంతో పాటు అద్భుతమైన కెప్టెన్సీతో టీమ్​కు కప్పు అందించాలని కోరుతున్నారు. టైటిల్ అందించి టోర్నీని చిరస్మరణీయం చేసుకోవాలని చెబుతున్నారు.

• ఇదీ చదవండి: ఇంగ్లండ్‌ వేదికగా WCL.. టీమిండియా ఆటగాళ్లు కూడా బరిలోకి!

Rohit Sharma and Shakib Al Hasan are the only two players who’ve participated in every T20 World Cup edition. pic.twitter.com/wrmCYlyyHP

— Mufaddal Vohra (@mufaddal_vohra) May 29, 2024