Sachin Tendulkar: గోల్డెన్ డక్ నుంచి గోల్డెన్ బ్యాటర్​ వరకు.. సచిన్ జర్నీ మొదలైంది ఈ రోజే..!

ఇప్పుడు క్రికెట్ బ్యాట్స్​మెన్​ గేమ్​గా మారిపోయింది. ఫ్లాట్​ పిచ్​లు తయారు చేస్తుండటంతో బ్యాటర్లు భారీగా పరుగులు చేస్తున్నారు. బ్యాట్​లోని స్వీట్ స్పాట్​కు టచ్ అయితే చాలు బాల్ బౌండరీకి దూసుకెళ్లాల్సిందే. ఐదారుగురు తప్పితే పెద్దగా భయపెట్టే బౌలర్లు కూడా కనిపించడం లేదు. కానీ అది 90వ దశకం. భీకరమైన ఫాస్ట్ బౌలర్లు, బాల్​ను గింగిరాలు తిప్పే స్పిన్నర్లతోపాటు కఠినమైన పిచ్​లు కూడా బ్యాట్స్​మెన్​ను పరీక్ష పెట్టేవి. అప్పట్లో పరుగులు చేయాలంటే ఓపిగ్గా క్రీజులో నిలబడాలి. టెక్నిక్​తో పాటు ధైర్యాన్ని కూడగట్టుకొని ఆడితే రన్స్ వచ్చేవి. అలాంటి టైమ్​లోనే ఇంటర్నేషనల్​ క్రికెట్​లోకి బుల్లెట్​లా దూసుకొచ్చాడో ప్లేయర్. ముఖంలో ఇంకా పసిఛాయలు, ఎత్తు ఐదున్నర అడుగుల్లోపే.. వయసు 16 ఏళ్లు మాత్రమే. కానీ అతడిలోని టాలెంట్​ను గుర్తించి సెలక్టర్లు ఛాన్స్ ఇచ్చారు. అతడే లెజెండ్ సచిన్ టెండూల్కర్. 1989, నవంబర్ 15న ఇంటర్నేషనల్ క్రికెట్​లోకి అరంగేట్రం చేశాడతను.

చిరకాల ప్రత్యర్థి పాకిస్థాన్​తో కరాచీలో జరిగిన టెస్ట్ మ్యాచ్​తో ఎంట్రీ ఇచ్చాడు సచిన్. అదే ఏడాది డిసెంబర్ 18న పాక్ మీదే వన్డేల్లోనూ అరంగేట్రం చేశాడు మాస్టర్ బ్లాస్టర్. సరిగ్గా 34 ఏళ్ల కింద ఇదే రోజు దాయాదిపై మ్యాచ్​తో లిమిటెడ్ ఓవర్స్ క్రికెట్​లో తన జర్నీని మొదలుపెట్టాడు. అయితే ప్రత్యర్థి జట్టులోని స్టార్ పేసర్ వకార్ యూనిస్ బౌలింగ్​ను ఎదుర్కోవడంలో ఇబ్బంది పడ్డాడు. అతడి బౌలింగ్​లో మరో లెజెండరీ స్పీడ్​స్టర్ వసీం అక్రమ్​కు క్యాచ్ ఇచ్చి ఔటయ్యాడు మాస్టర్. ఆ మ్యాచ్​లో మొదట బ్యాటింగ్ చేసిన పాకిస్థాన్ 7 పరుగుల తేడాతో గెలిచింది. అయితే ఈ మ్యాచ్​లో ఫెయిలైనప్పటికీ ఆ తర్వాత కాలంలో సెంచరీల మీద సెంచరీలు కొడుతూ వరల్డ్ బెస్ట్ బ్యాటర్​గా అవతరించాడు సచిన్. వన్డే కెరీర్ ముగిసేనాటికి 49 సెంచరీలు బాదిన అతడు.. ఏకంగా 18,426 రన్స్ చేశాడు.

కెరీర్ స్టార్టింగ్​లో కపిల్ దేవ్, కృష్ణమాచారి శ్రీకాంత్ లాంటి గ్రేట్ క్రికెటర్స్​తో కలసి ఆడటం సచిన్​కు చాలా పనికొచ్చింది. వయసులో చిన్నవాడైన మాస్టర్​ బ్లాస్టర్​ను ప్రతి ఒక్కరూ ఎంకరేజ్ చేసేవారు. జట్టులోని సీనియర్స్ నుంచి చాలా విషయాలు నేర్చుకుంటూ, ప్రతి ఫెయిల్యూర్ నుంచి త్వరగా బయటపడుతూ తనను తాను చాలా స్ట్రాంగ్​గా మలచుకున్నాడు. అనంతరం ఒక బ్యాటర్​గానే గాక బౌలర్​గానూ టీమ్ విజయాల్లో కీలక పాత్ర పోషించాడు. సచిన్ ఔటైతే ఆడియెన్స్ టీవీలను ఆఫ్ చేసేవారు. టెస్టుల నుంచి టీ20ల వరకు, ఇంటర్నేషనల్ క్రికెట్ నుంచి ఐపీఎల్​ లాంటి లీగ్స్ వరకు ఆడిన ప్రతి ఫార్మాట్ మీద చెరగని సంతకం చేశాడు సచిన్. ఆడిన ఫస్ట్ వన్డే మ్యాచ్​లో గోల్డెన్​ డక్​గా వెనుదిరిగిన ప్లేయర్.. ఆ తర్వాత కాలంలో వరల్డ్ క్రికెట్​లో గోల్డెన్ బ్యాటర్​గా మారతాడని ఎవరూ ఊహించి ఉండరు. కారీ అసాధ్యాన్ని సుసాధ్యం చేసి చూపించిన లిటిల్ మాస్టర్​కు ఫ్యాన్స్ అందరూ మరోమారు సెల్యూట్ చేస్తున్నారు. మరి.. సచిన్ క్రికెట్ కెరీర్​లో మీరు మర్చిపోలేని ఇన్నింగ్స్ ఏదైనా ఉంటే కామెంట్ల రూపంలో తెలియజేయండి.

ఇదీ చదవండి: Sai Sudharsan: సాయి సుదర్శన్‌.. ఒక్క మ్యాచ్‌తోనే వాళ్లిద్దరిని భయపెడుతున్నాడుగా!

On this day in 1989, Sachin Tendulkar made his ODI debut against Pakistan, getting out for a two-ball duck. He went on to end his career with 18,426 runs, 49 centuries, and one of the greatest cricketers ever in the game. pic.twitter.com/diKpxgXtn5

— CricTracker (@Cricketracker) December 18, 2023