Rohit Sharma: టీ20 వరల్డ్ కప్​లో ఆడే అర్హత రోహిత్​కు లేదు.. మాజీ క్రికెటర్ సంచలన వ్యాఖ్యలు!

టీ20 వరల్డ్ కప్-2024లో ఆడే భారత జట్టును బీసీసీఐ అనౌన్స్ చేసిన సంగతి తెలిసిందే. రోహిత్ శర్మ కెప్టెన్​గా వ్యవహరించనున్న ఈ టీమ్​కు పేస్ ఆల్​రౌండర్ హార్దిక్ పాండ్యా వైస్ కెప్టెన్​గా ఉండనున్నాడు. అయితే 15 మంది సభ్యులతో కూడిన ఈ జట్టు మీద పలు విమర్శలు వస్తున్నాయి. పించ్ హిట్టర్ రింకూ సింగ్​ను తీసుకోకపోవడం మీద సోషల్ మీడియాలో బాగా డిస్కషన్స్ నడుస్తున్నాయి. గత కొంత కాలంగా భారత టీ20 జట్టు విజయాల్లో రింకూ కీలక పాత్ర పోషిస్తూ వచ్చాడు. చివర్లో వచ్చి ధనాధన్ ఇన్నింగ్స్​లతో మ్యాచ్​లు ఫినిష్ చేస్తూ ఫ్యూచర్ స్టార్​గా పేరు తెచ్చుకున్నాడు. అలాంటోడ్ని వరల్డ్ కప్​ మెయిన్ టీమ్​లోకి కాకుండా రిజర్వ్​డ్​ ప్లేయర్​గా తీసుకున్నారు. ఈ విషయంపై ఓ భారత మాజీ క్రికెటర్ రియాక్ట్ అయ్యాడు.

రింకూ సింగ్​కు వరల్డ్ కప్ స్క్వాడ్​లో చోటు దక్కకపోవడం మీద టీమిండియా మాజీ బ్యాటర్ నవ్​జ్యోత్ సింగ్ సిద్ధు స్పందించాడు. రింకూను టీమ్​లోకి తీసుకోకపోవడం దారుణమన్నాడు. ఐపీఎల్-2024లో సరిగ్గా రాణించలేదనే సాకు చూపి మెయిన్ టీమ్​కు దూరంగా ఉంచడం సహించలేని విషయమంటూ సీరియస్ అయ్యాడు. ఐపీఎల్ ఫామ్​ ప్రాతిపదికన రింకూను తీసుకోకపోతే రోహిత్ శర్మ విషయంలోనూ అలాగే వ్యవహరించాల్సిందని చెప్పాడు. 2016 నుంచి ఐపీఎల్​లో హిట్​మ్యాన్ పెర్ఫార్మెన్స్ పూర్తిగా పడిపోయిందన్నాడు. ఇంటర్నేషనల్ టీ20ల్లో కూడా అతడి ఆటతీరు బాగోలేదన్నాడు. కెప్టెన్​ కాకపోతే మాత్రం టీమ్​లో మొదటి వేటు అతడి మీదే పడేదంటూ తీవ్ర వ్యాఖ్యలు చేశాడు సిద్ధు.

టీ20 వరల్డ్ కప్ టీమ్​లో ఉండే అర్హత రోహిత్​కు లేదన్నాడు సిద్ధు. గత కొన్నేళ్లుగా ఐపీఎల్​తో పాటు టీమిండియా తరఫున ఆడే టీ20 మ్యాచుల్లోనూ అతడి ప్రదర్శన ఏమాత్రం బాగోలేదన్నాడు. ఐపీఎల్ పెర్ఫార్మెన్స్ ప్రకారం చూసుకుంటే భారత జట్టులో నుంచి ముందు అతడ్నే తీసేయాలంటూ సంచలన వ్యాఖ్యలు చేశాడు. పొట్టి ఫార్మాట్ సిరీస్​ల్లో టీమిండియాకు వరుస విజయాలు అందించిన రింకూ సింగ్​ను పక్కనబెట్టడం దారుణమని.. అతడికి న్యాయం జరగాలని సిద్ధు స్పష్టం చేశాడు. అయితే సిద్ధు వ్యాఖ్యలపై భిన్నాభిప్రాయలు వ్యక్తం అవుతున్నాయి. కొందరు అతడు చెప్పింది కరెక్ట్ అంటుంటే మరికొందరు మాత్రం హిట్​మ్యాన్ టీ20ల్లోనూ బాగా ఆడగలడని.. ఈ విమర్శలకు వరల్డ్ కప్​లో సమాధానం చెబుతాడని అంటున్నారు. మరి.. రోహిత్​కు టీమ్​లో ఉండటానికి అర్హత లేదంటూ సిద్ధు చేసిన వ్యాఖ్యలపై మీరేం అనుకుంటున్నారో కామెంట్ చేయండి.

• ఇదీ చదవండి: SRHని గెలిపించిన భవనేశ్వర్ మనసులో ఇంత బాధ ఉందా? ఈ తప్పు ఎవరిది?

Navjot Singh Sidhu – If Rinku Singh was dropped becoz of IPL form then sorry to say Rohit Sharma hasn’t done anything special in IPL since 2016 & we all know Rohit’s performance in WT20s. This is unfair, Rinku Singh deserve justice#MIvsKKR #RinkuSingh pic.twitter.com/feDHMPXjtH

— Richard Kettleborough (@RichKettle07) May 3, 2024