Nidhan
టీ20 వరల్డ్ కప్ టీమ్లో పేస్ ఆల్రౌండర్ హార్దిక్ పాండ్యాకు చోటు లేదంటూ వస్తున్న వార్తలపై టీమిండియా కెప్టెన్ రోహిత్ శర్మ రియాక్ట్ అయ్యాడు. అసలు విషయం ఏంటనేది హిట్మ్యాన్ చెప్పేశాడు.
టీ20 వరల్డ్ కప్ టీమ్లో పేస్ ఆల్రౌండర్ హార్దిక్ పాండ్యాకు చోటు లేదంటూ వస్తున్న వార్తలపై టీమిండియా కెప్టెన్ రోహిత్ శర్మ రియాక్ట్ అయ్యాడు. అసలు విషయం ఏంటనేది హిట్మ్యాన్ చెప్పేశాడు.
Nidhan
ఐపీఎల్తో ఫుల్ ఎంటర్టైన్ అవుతున్న క్రికెట్ అభిమానులకు మరింత వినోదాన్ని పంచడానికి ఇంకో టోర్నమెంట్ రెడీ అవుతోంది. జూన్లో ప్రతిష్టాత్మక టీ20 ప్రపంచ కప్ జరగనుంది. మెగా టోర్నీకి సంబంధించిన ప్రిపరేషన్స్లో టీమ్స్ బిజీ అయిపోయాయి. టీమిండియా ఆటగాళ్లు ఐపీఎల్ ద్వారా ప్రిపరేషన్స్ చేస్తున్నారు. క్యాష్ రిచ్ లీగ్లో రాణించి అదే ఫామ్ను పొట్టి కప్పులోనూ కొనసాగించాలని చూస్తున్నారు. టీ20 ప్రపంచ కప్కు బయల్దేరే భారత జట్టును త్వరలో ప్రకటించనున్నారు. అయితే ఈసారి స్క్వాడ్లో పేస్ ఆల్రౌండర్ హార్దిక్ పాండ్యాకు చోటు దక్కదని రూమర్స్ వస్తున్నాయి. పాండ్యాకు మొండిచెయ్యి తప్పదని జోరుగా వినిపిస్తోంది. ఈ విషయం మీద టీమిండియా కెప్టెన్ రోహిత్ శర్మ రియాక్ట్ అయ్యాడు.
ఐపీఎల్లో అటు బౌలింగ్తో పాటు ఇటు బ్యాటింగ్లోనూ దారుణంగా ఫెయిల్ అవుతున్నాడు హార్దిక్. బౌలింగ్లో వికెట్లు తీయకపోగా భారీగా రన్స్ లీక్ చేస్తున్నాడు. అతడి బౌలింగ్లో చెన్నై సూపర్ కింగ్స్ మాజీ కెప్టెన్ ఎంఎస్ ధోని వరుసగా మూడు భారీ సిక్సులు బాదాడు. బ్యాటింగ్లోనూ కీలక టైమ్లో గ్రౌండ్లోకి దిగుతున్న పాండ్యా రన్స్ చేయకపోగా బాల్స్ను వృథా చేస్తూ నెక్స్ట్ వచ్చే బ్యాటర్లపై మరింత ప్రెజర్ పడటానికి కారణం అవుతున్నాడు. ఈ చెత్తాటతో అతడు వరల్డ్ కప్కు సెలక్ట్ అవడం కష్టమేనని.. వెళ్లినా టీమ్కు మైనస్ అవుతాడనే అభిప్రాయాలు వ్యక్తం అవుతున్నాయి. దీనిపై తాజాగా రోహిత్ స్పందించాడు. ఇప్పుడు ఏది పడితే అది వైరల్ అయిపోతుందని.. కానీ అధికారికంగా ప్రకటించే వరకు దేన్నీ నమ్మొద్దన్నాడు.
వరల్డ్ కప్ టీమ్ సెలక్షన్ విషయంలో తాను గానీ లేదా కోచ్ రాహుల్ ద్రవిడ్, చీఫ్ సెలక్టర్ అజిత్ అగార్కర్, బీసీసీఐ అధికారులు గానీ కెమెరా ముందు వచ్చి అధికారికంగా ప్రకటించే వరకు ఏ వార్తనూ నమ్మొద్దని రోహిత్ శర్మ స్పష్టం చేశాడు. బోర్డు నుంచి అఫీషియల్ అనౌన్స్మెంట్ వస్తుందని.. అప్పటిదాకా ఇతర రూమర్లను పట్టించుకోవద్దని, అవన్నీ ఫేక్ అని హిట్మ్యాన్ చెప్పుకొచ్చాడు. కాగా, టీ20 వరల్డ్ కప్ టీమ్ సెలక్షన్కు సంబంధించి రకరకాల ఊహాగానాలు వినిపిస్తున్నాయి. ఓపెనర్లుగా రోహిత్, కోహ్లీ దిగడం ఫిక్స్ అని టాక్ నడుస్తోంది. స్పిన్నర్లుగా యుజ్వేంద్ర చాహల్, కుల్దీప్ యాదవ్ యాక్షన్లోకి దిగుతారని.. స్పిన్ ఆల్రౌండర్ రోల్ను రవీంద్ర జడేజా పోషిస్తాడని వినిపిస్తోంది. పేస్ బాధ్యతల్ని బుమ్రాతో కలసి సిరాజ్, అర్ష్దీప్ పంచుకుంటారని సమాచారం. ఐపీఎల్లో అదరగొడుతున్న దినేష్ కార్తీక్ను సెలక్టర్లు పట్టించుకోవడం లేదని అంటున్నారు. అయితే స్క్వాడ్లో ఎవరు ఉంటారనేది మరికొన్ని రోజుల్లో తేలిపోనుంది.
View this post on Instagram
