యంగ్ హీరో రాజ్ తరుణ్ సరైన హిట్ కోసం చాన్నాళ్లుగా ఎదురు చూస్తున్నారు. కెరీర్ ఆరంభంలో ఈ హీరో వరుస సక్సెస్లు అందుకున్నారు. ‘ఉయ్యాల జంపాల’తో పాటు ‘సినిమా చూపిస్త మావ’, ‘కుమారి 21ఎఫ్’ రూపంలో హ్యాట్రిక్ హిట్స్తో బాక్సాఫీస్ను షేక్ చేశారు రాజ్ తరుణ్. వినూత్న కథలతో పాటు హాస్యరస ప్రేమ కథా చిత్రాలు చేస్తూ యూత్ ఆడియెన్స్లో మంచి క్రేజ్ తెచ్చుకున్నారు. రాజ్ తరుణ్ మూవీకి వెళ్తే మినిమం ఎంటర్టైన్మెంట్ ఉంటుందని ఆడియెన్స్ అనుకునేవారు. కానీ వరుస విజయాల తర్వాత ఏమైందో ఏమో గానీ రాజ్ తరుణ్ డీలాపడ్డారు. ‘కుమారి 21ఎఫ్’ తర్వాత ఆయన చేసిన సినిమాలేవీ పెద్దగా ఆడలేదు.
కథల ఎంపికలో తప్పులతో పాటు ట్రెండ్కు తగ్గట్లుగా సినిమాలు చేయకపోవడం రాజ్ తరుణ్కు మైనస్గా మారిందనే వ్యాఖ్యలు వినిపించాయి. అయితే హిట్స్ రాకపోయినా ఆయన మాత్రం వెనుకడుగు వేయలేదు. ఎలాగైనా హిట్ కొట్టాలనే కసిలో ఉన్న ఆయన ఇప్పుడో కొత్త చిత్రంతో ప్రేక్షకుల ముందుకు వచ్చేస్తున్నారు. ఆ సినిమానే ‘తిరగబడరా సామీ’. సీనియర్ డైరెక్టర్ ఏఎస్ రవికుమార్ ఈ మూవీని డైరెక్ట్ చేస్తున్నారు. ఇన్నాళ్లు కామెడీ, లవ్ స్టోరీస్తో సినిమాలు చేస్తూ వచ్చిన రాజ్ తరుణ్.. ఇప్పుడు యాక్షన్ వైపు దృష్టి సారిస్తున్నట్లు తెలుస్తోంది. ‘తిరగబడరా సామీ’కి డైరెక్షన్ వహిస్తున్న ఏఎస్ రవికుమార్ గతంలో పలు హిట్ సినిమాలు తీసిన సంగతి తెలిసిందే. దీంతో ఈ మూవీపై మంచి బజ్ ఏర్పడింది.
‘తిరగబడరా సామీ’ చిత్రంలో భయస్తుడిగా రాజ్ తరుణ్ కనిపిస్తుండగా.. వయోలెన్స్ అంటే ఇష్టపడే పాత్రలో హీరోయిన్ మాల్వి మల్హోత్రా నటిస్తున్నారు. ‘తిరగబడరా సామీ’ టీజర్ ఆకట్టుకుంటోంది. టీజర్లో హీరో, హీరోయిన్ల మధ్య కెమిస్ట్రీ బాగా వర్కవుట్ అయింది. రొమాంటిక్ సీన్లతో పాటు యాక్షన్ సీన్లు కూడా వర్కవుటై ప్రేక్షకులను సీట్లలో కూర్చోబెట్టగలిగితే.. సక్సెస్ కోసం ప్రయత్నిస్తున్న రాజ్ తరుణ్కు మరో హిట్ ఖాయమనే చెప్పాలి. ఈ టీజర్ చూసిన నెటిజన్స్ యంగ్ హీరో హిట్ కొట్టేలాగే ఉన్నాడని అంటున్నారు. మరి.. ‘తిరగబడరా సామీ’ టీజర్ మీరు చూశారా? ఈ టీజర్ మీకు ఎలా అనిపించిందో కామెంట్ల రూపంలో తెలియజేయండి.
ఇదీ చదవండి: NTR చావుకు కారణమైన వాళ్లే ఆయన ఫొటోకు దండం పెడుతున్నారు: CM జగన్
