ఫాహద్ ఫాజిల్.. మన దేశంలోని అతికొద్ది మంది విలక్షణమైన నటుల్లో ఒకరు. ఇప్పుడు మోస్ట్ వాంటెడ్ ఆర్టిస్టుల లిస్టు తీస్తే అందులో టాప్-3లో ఆయన పక్కా ఉంటారు. తనకు ఇచ్చిన పాత్రలో పరకాయ ప్రవేశం చేసి సహజసిద్ధమైన నటనతో ఆయన పలికించే హావభావాలు ప్రేక్షకులను కట్టిపడేస్తాయి. అంత అందగాడు కాదు, ఆజానుబాహుడూ కాదు.. అయినా కేవలం యాక్టింగ్ టాలెంట్తోనే సిల్వర్ స్క్రీన్ను షేక్ చేస్తున్నారు ఫాహద్. మలయాళంలో డిఫరెంట్ ఫిల్మ్స్తో ఎన్నో హిట్స్ కొట్టిన ఆయన ఇప్పుడు మిగిలిన చిత్రసీమల పైనా ఫోకస్ పెడుతున్నారు. ఈ క్రమంలో ఐకాన్ స్టార్ అల్లు అర్జున్ ‘పుష్ప’తో పాటు లోకనాయకుడు కమల్ హాసన్ ‘విక్రమ్’, ఉధయనిధి స్టాలిన్ ‘మామన్నన్’లో నటించారు ఫాహద్.
‘పుష్ప’ సినిమాలో భన్వర్ సింగ్ షెకావత్ పాత్రలో కనిపించింది కాసేపే అయినా ఫుల్ ఇంపాక్ట్ చూపించారు ఫాహద్ ఫాజిల్. సెకండ్ పార్ట్లో పుష్ప, షెకావత్కు మధ్య వచ్చే ప్రతీకార సన్నివేశాలే హైలైట్గా ఉండబోతున్నాయని టాక్. అయితే తాజాగా ఫాహద్ పుట్టిన రోజు సందర్భంగా ‘పుష్ప 2’ నుంచి ఆయన లుక్ను రిలీజ్ చేశారు. ఇందులో ఫాహద్ లుక్పై నెట్టింట పెద్ద చర్చే జరుగుతోంది. ఆ లుక్ను గమనిస్తే.. ఆయన గుండుపై ఓ గీత ఉంది. షెకావత్కు ఏదో దెబ్బ తగిలినట్లుగా కనిపిస్తోంది. దీన్ని బట్టి పుష్ప, షెకావత్ల మధ్య పెద్ద గొడవే జరిగి ఉండాలని, ఆ ఫైట్లోనే ఈ గాటు ఏర్పడిందని నెటిజన్స్ అంటున్నారు.
కొత్త పోస్టర్లో ఫాహద్ ఫాజిల్ ఒంటి మీద చొక్కా కూడా లేదు. పుష్పపై రివేంజ్ తీసుకునే క్రమంలో అతడు తన డ్యూటీకి కూడా గుడ్ బై చెబుతాడా? సీక్వెల్లో పోలీసు ఆఫీసర్లా కాకుండా రౌడీలా షెకావత్ కనిపిస్తాడా? అని ఇంకొందరు నెటిజన్స్ సందేహాలు వెలిబుచ్చుతున్నారు. మొత్తానికి ఒకే ఒక్క పోస్టర్తో అంచనాలు పెంచేయడమే గాక మరెన్నో ప్రిడిక్షన్స్కు డైరెక్టర్ సుకుమార్ హింట్ ఇచ్చారనే చెప్పాలి. ఇకపోతే, ‘పుష్ప 3’ కూడా ఉంటుందని సోషల్ మీడియాలో రూమర్స్ వినిపిస్తున్నాయి. దీనికి సంబంధించి సుక్కూ ఇప్పటికే స్క్రిప్ట్ను సిద్ధం చేశారని టాక్. అయితే ఇందులో ఎంత నిజం ఉందనేది మేకర్స్కే తెలియాలి. మరి.. ‘పుష్ప 2’ నుంచి విడుదలైన ఫాహద్ లుక్ మీకు ఎలా అనిపించిందో కామెంట్ల రూపంలో తెలియజేయండి.
View this post on Instagram
