P Venkatesh
ప్రభుత్వ ఉద్యోగాల కోసం ఎదురు చూస్తున్న వారికి గుడ్ న్యూస్. ఉమ్మడి కర్నూలు జిల్లాలోని వివిధ వైద్య సంస్థల్లో పారామెడికల్ పోస్టుల భర్తీకి నోటిఫికేషన్ విడుదల చేసింది. ఎనిమిదో తరగతి అర్హతతో ఉద్యోగం పొందొచ్చు.
ప్రభుత్వ ఉద్యోగాల కోసం ఎదురు చూస్తున్న వారికి గుడ్ న్యూస్. ఉమ్మడి కర్నూలు జిల్లాలోని వివిధ వైద్య సంస్థల్లో పారామెడికల్ పోస్టుల భర్తీకి నోటిఫికేషన్ విడుదల చేసింది. ఎనిమిదో తరగతి అర్హతతో ఉద్యోగం పొందొచ్చు.
P Venkatesh
మీరు ఎనిమిదో తరగతి ఉత్తీర్ణులై ఆపై చదువు ఆపేసారా? ఎనిమిదో తరగతి అర్హతతో ప్రభుత్వ ఉద్యోగాలు ఉంటే బాగుండని ఆలోచిస్తున్నారా? అయితే మీలాంటి వారికి ఓ శుభవార్త. ఎనిమిది, ఎస్ఎస్సీ, ఐటీఐ, ఇంటర్, డిప్లొమా, డిగ్రీ, పీజీ, పీజీ డిప్లొమా తదితర కోర్సులు ఉత్తీర్ణులైన వారు కర్నూలు జీజీహెచ్ ప్రకటించిన ఉద్యోగాలకు దరఖాస్తు చేసుకోవచ్చు. మంచి వేతనంతో ప్రభుత్వ ఉద్యోగాన్ని సాధించి లైఫ్ లో సెటిలైపోవచ్చు. ఎనిమిదో తరగతి అర్హతతో యానిమల్ అటెండెంట్ ఉద్యోగాన్ని దక్కించుకోవచ్చు. నెలకు రూ. 15 వేల జీతాన్ని అందిస్తారు. కర్నూలులోని ప్రభుత్వ వైద్య కళాశాల- కాంట్రాక్ట్/ ఔట్ సోర్సింగ్ ప్రాతిపదికన ఉమ్మడి కర్నూలు జిల్లాలోని వివిధ వైద్య సంస్థల్లో పారామెడికల్ పోస్టుల భర్తీకి నోటిఫికేషన్ విడుదల చేసింది.
ఈ రిక్రూట్ మెంట్ ద్వారా మొత్తం 94 పోస్టులను భర్తీ చేయనున్నారు. ఈ పోస్టులను కర్నూలు మెడికల్ కాలేజ్ (కర్నూలు), ప్రభుత్వ జనరల్ హాస్పిటల్ (కర్నూలు), రీజనల్ ఐ హాస్పిటల్ (కర్నూలు), గవర్నమెంట్ కాలేజ్ ఆఫ్ నర్సింగ్ (కర్నూలు), గవర్నమెంట్ జనరల్ హాస్పిటల్ (నంద్యాల), ప్రభుత్వ వైద్య కళాశాల (ఆదోని), గవర్నమెంట్ జనరల్ హాస్పిటల్ (ఆదోని) వైద్య సంస్థల్లో భర్తీ చేయనున్నారు. అర్హత, ఆసక్తి ఉన్న అభ్యర్థులు జనవరి 9 వరకు ఆఫ్లైన్ విధానంలో అప్లై చేసుకోవచ్చు. పూర్తి వివరాల కోసం కర్నూలు జిల్లా అధికారిక వెబ్ సైట్ ను https://kurnool.ap.gov.in/ పరిశీలించాల్సి ఉంటుంది.
