క్రికెట్లో ఒకప్పుడు వెస్టిండీస్దే ఆధిపత్యం. కరీబియన్ టీమ్ గ్రౌండ్లోకి దిగుతోందంటే ప్రత్యర్థి జట్లు గజగజలాడేవి. అయితే 90వ దశకం నుంచి అంతా మారిపోయింది. విండీస్ టీమ్ మునుపటి స్థాయిలో జెంటిల్మన్ గేమ్పై తన ప్రభావం చూపడంలో ఫెయిలైంది. వెస్టిండీస్ ఆధిపత్యం తగ్గడం, ఆస్ట్రేలియా ప్రతాపం చూపించడం దాదాపుగా ఒకేసారి జరిగింది. గత మూడు దశాబ్దాల నుంచి క్రికెట్ గ్రౌండ్లో ఆసీస్దే పెత్తనం నడుస్తోంది. మధ్యలో టీమిండియా, ఇంగ్లండ్ లాంటి జట్లు వరల్డ్ కప్స్ నెగ్గినా.. ఆసీస్ మాత్రం ఎప్పటికప్పుడు తన సత్తా చాటుతూ వస్తోంది. ముఖ్యంగా వరల్డ్ కప్స్లో ఆ టీమ్కు ఘనమైన రికార్డు ఉంది.
ఇప్పటిదాకా జరిగిన వన్డే వరల్డ్ కప్స్లో ఐదుసార్లు ఛాంపియన్గా నిలిచింది కంగారూ టీమ్. మెగా టోర్నీలో కనీసం సెమీస్, ఫైనల్స్కు చేరడం ఆ జట్టుకు ఆనవాయితీగా వస్తోంది. అయితే ప్రపంచ కప్-2023లో మాత్రం ఆసీస్ దారుణంగా ఫెయిల్ అవుతోంది. వరుస మ్యాచుల్లో ఓటమితో ఆ టీమ్ డీలా పడిపోయింది. మొదటి మ్యాచ్లో భారత్ చేతిలో కంగుతున్న కంగారూలు.. రెండో మ్యాచ్లో అండర్డాగ్స్ సౌతాఫ్రికా చేతిలో చిత్తుగా ఓడిపోయారు. అసలు ఆడుతోంది ఆసీసేనా? అనేంత చెత్తగా ఆ టీమ్ పెర్ఫార్మెన్స్ ఉంది. బౌలింగ్తో పాటు బ్యాటింగ్లో ఘోరంగా విఫలమవుతోంది ఆస్ట్రేలియా.
తొలి రెండు మ్యాచుల్లోనూ స్థాయికి తగ్గ ప్రదర్శన చేయడంలో సీనియర్లు స్టీవ్ స్మిత్, డేవిడ్ వార్నర్ సహా మిచెల్ మార్ష్, జాష్ ఇంగ్లిస్, మార్నస్ లబుషేన్, మార్కస్ స్టొయినిస్ ఫెయిలయ్యారు. ఆదుకుంటాడనుకున్న గ్లెన్ మ్యాక్స్వెల్ దారుణంగా ఫెయిల్ అవుతున్నాడు. స్పిన్నర్ ఆడమ్ జంపా వైఫల్యం కూడా టీమ్పై ఎఫెక్ట్ చూపిస్తోంది. ఆరంభంలో, చివర్లో వికెట్లు తీస్తున్న ఆసీస్ పేసర్లు మిడిల్ ఓవర్లలో ప్రత్యర్థులను కట్టడి చేయలేకపోతున్నారు. ఆ టీమ్ ఫీల్డింగ్ గురించి ఎంత తక్కువ మాట్లాడుకుంటే అంత మంచిది. ఫీల్డింగ్కు పేరు గాంచిన ఆసీస్ ప్లేయర్లు క్యాచులు చేజార్చుతూ, బౌండరీలు మిస్ చేస్తుండటాన్ని ఫ్యాన్స్ జీర్ణించుకోలేకపోతున్నారు.
ఆస్ట్రేలియా టీమ్లో గెలవాలన్న కసి, పట్టుదల, తపన కనిపించడం లేదు. వాళ్ల బాడీ లాంగ్వేజ్ కూడా సరిగ్గా లేదు. అయితే ఇన్ని చెప్పుకున్నా గానీ ఆసీస్ వరుస ఓటములకు ఒక నిర్ణయమే ప్రధాన కారణంగా కనిపిస్తోంది. అదే కెప్టెన్సీ. టెస్టుల్లో కంగారూ టీమ్ను అద్భుతంగా నడిపిస్తున్న ప్యాట్ కమిన్స్ను వన్డేల్లో కెప్టెన్గా నియమించడం పెద్దగా వర్కవుట్ కాలేదు. ఈసారి వరల్డ్ కప్లో బౌలింగ్ ఛేంజెస్తో పాటు ఫీల్డ్ ప్లేస్మెంట్స్లో కమిన్స్ తీసుకున్న డెసిజన్స్ టీమ్కు ప్రతికూలంగా మారాయి. ఫస్ట్ మ్యాచ్లో భారత్ మూడు వికెట్లు కోల్పోయిన టైమ్లో ట్రంప్ కార్డ్ అయిన ఆడమ్ జంపాను బౌలింగ్కు దింపలేదు.
భారత్తో మ్యాచ్లో కేఎల్ రాహుల్, విరాట్ కోహ్లీ క్రీజులో కుదురుకొని, ఈజీగా రన్స్ వస్తున్న టైమ్లో జంపాతో బౌలింగ్ వేయించాడు కమిన్స్. జంపా ఫస్ట్ ఓవర్లోనే రాహుల్ మూడు బౌండరీలు బాదాడు. దీంతో జంపా కోలుకోలేకపోయాడు. ఆ తర్వాత ఎంత ప్రయత్నించినా వికెట్లు రాకపోగా.. పరుగులు కూడా సమర్పించుకున్నాడు. సౌతాఫ్రికాతో మ్యాచ్లోనూ మిడిల్ ఓవర్లలో రన్స్ను ఆపడంలో, బౌలింగ్ ఛేంజెస్ చేయడంలో కమిన్స్ ఫెయిల్ అయ్యాడు. వన్డేల్లో కెప్టెన్సీ చేసిన ఎక్స్పీరియెన్స్ ఉన్న స్టీవ్ స్మిత్ లాంటి సీనియర్ ప్లేయర్ టీమ్లో ఉన్నా కమిన్స్కు సారథ్య బాధ్యతలు అప్పగించాలనే ఆసీస్ మేనేజ్మెంట్ నిర్ణయం ఆ జట్టును దెబ్బతీస్తోందని క్రికెట్ అనలిస్టులు అంటున్నారు.
దూకుడుగా నిర్ణయాలు తీసుకోవడం, ప్రత్యర్థులను కన్ఫ్యూజ్ చేస్తూ బౌలింగ్ మార్పులు చేయడం, బ్యాటింగ్లో అటాకింగ్ గేమ్తో భయపెట్టడం స్మిత్ కెప్టెన్సీలో చూశాం. ఇప్పుడు కూడా అతడికే పగ్గాలు అప్పజెప్పి ఉంటే మొదటి రెండు మ్యాచుల్లో రిజల్ట్ వేరేలా ఉండేదని సోషల్ మీడియాలో నెటిజన్స్ చెబుతున్నారు. ఇప్పటికైనా మించిపోయిందేమీ లేదు.. స్మిత్కు ఛాన్స్ ఇస్తే ఆసీస్ రాత మారుతుందని సూచిస్తున్నారు. కాగా, 54 వన్డేల్లో ఆసీస్కు కెప్టెన్గా వ్యవహరించాడు స్మిత్. ఇందులో 27 మ్యాచుల్లో గెలిచిన కంగారూ టీమ్.. 24 మ్యాచుల్లో ఓటమి పాలైంది. మరో 3 మ్యాచుల్లో రిజల్ట్ రాలేదు. అతడి విజయాల శాతం 50గా ఉంది. మరి.. కమిన్స్ కెప్టెన్సీ ఫెయిల్యూర్ వల్లే ఆసీస్కు ఓటములు తప్పట్లేదని వస్తున్న వ్యాఖ్యలపై మీ అభిప్రాయాన్ని కామెంట్స్ రూపంలో తెలియజేయండి.
ఇదీ చదవండి: World Cup: పాక్‌తో మ్యాచ్‌కు డెంగ్యూతోనే గిల్‌! అండగా యువరాజ్‌
