బాలీవుడ్ హీరోల టైమ్ ఈ మధ్య అస్సలు బాలేదు. పెద్ద హీరోల సినిమాలు సైతం బాక్సీఫీసు వద్ద బెడిసి కొడుతున్నాయి. ఇందుకు వరుస విజయాల సూపర్ స్టార్ కూడా అతీతం కాదని ఋజువైంది.
అక్షయ్ కుమార్ – మానుషి ఛిల్లర్ నటించిన చిత్రం ‘పృథ్వీరాజ్’ జూన్ 3న విడుదలైంది. దిల్లీని రాజ్యంగా చేసుకొని పరిపాలన చేసిన పృథ్వీరాజ్ చౌహాన్ జీవిత చరిత్ర ఆధారంగా ఈ చిత్రం రూపొందింది. అయితే ఈ సినమాకు ప్రేక్షుకులే కరువయ్యారు. థియేటర్ల వద్ద ప్రేక్షకులు లేక ఈ సినిమా ప్రదర్శనను ఆపేసినట్లు బాలీవుడ్ మీడియా చెప్తోంది.
ఈ చిత్రాన్ని 300 కోట్ల భారీ బడ్జెట్ తో యశ్ రాజ్ ఫిల్మ్స్ ప్రతిష్టాత్మకంగా నిర్మించింది. హిందీ, తమిళంతో పాటు తెలుగులోనూ విడుదల చేయడంతో ఈ చిత్రంపై అంచనాలు భారీగా ఉన్నా, ప్రేక్షకులను ఆకట్టుకోలేకపోయింది. దేశవ్యాప్తంగా కూడా పెద్ద టాక్ లేక థియేటర్లు బోసిపోయాయి. కొన్ని థియేటర్లలో అధిక భాగం సీట్లు ఖాళీగా ఉన్నాయి. దీంతో ఒక థియేటర్లో ఏకంగా షోనే రద్దు చేశారట.
