Nidhan
ఐపీఎల్-2024లో ఈ మధ్య జరిగిన పలు మ్యాచులపై వివాదం రేగిన సంగతి తెలిసిందే. టాస్ విషయంలో ఫిక్సింగ్ జరుగుతోందంటూ ఆరోపణలు వస్తున్నాయి. దీనికి బీసీసీఐ గట్టి కౌంటర్ ఇచ్చింది.
ఐపీఎల్-2024లో ఈ మధ్య జరిగిన పలు మ్యాచులపై వివాదం రేగిన సంగతి తెలిసిందే. టాస్ విషయంలో ఫిక్సింగ్ జరుగుతోందంటూ ఆరోపణలు వస్తున్నాయి. దీనికి బీసీసీఐ గట్టి కౌంటర్ ఇచ్చింది.
Nidhan
ఐపీఎల్-2024లో ఓ విషయం బాగా వివాదాస్పదం అవుతోంది. దీని వల్ల క్యాష్ రిచ్ లీగ్ నిర్వాహకులతో పాటు భారత క్రికెట్ బోర్డు కూడా అపవాదును ఎదుర్కొంటోంది. ప్రతిష్టాత్మక టోర్నమెంట్ నిర్వహించేది ఇలాగేనా? అంటూ విమర్శలు వస్తున్నాయి. ఇదంతా ఐపీఎల్ మ్యాచుల్లో టాస్ విషయంలో జరుగుతోంది. మరీ ముఖ్యంగా ముంబై ఇండియన్స్ మ్యాచ్ల్లో కావాలనే టాస్ను ఫిక్సింగ్ చేస్తున్నారు? అవతలి టీమ్ టాస్ నెగ్గినా ఎంఐ గెలిచిందంటూ కాయిన్ను తిప్పడం లాంటివి చేస్తున్నారంటూ సోషల్ మీడియాలోనూ ట్రోల్స్ బాగా వస్తున్నాయి. దీని గురించి ఆర్సీబీ కెప్టెన్ ఫాఫ్ డుప్లెసిస్, సన్రైజర్స్ సారథి ప్యాట్ కమిన్స్ గ్రౌండ్లోనే డిస్కస్ చేసుకోవడం ఇటీవల వైరల్గా మారింది. ఈ నేపథ్యంలో తమపై వస్తున్న ఆరోపణలకు బీసీసీఐ స్ట్రాంగ్ కౌంటర్ ఇచ్చింది.
లక్నో సూపర్ జియాంట్స్-చెన్నై సూపర్ కింగ్స్ మధ్య జరుగుతున్న మ్యాచ్లో ఎన్నడూ లేని విధంగా టాస్ను మరింత జూమ్ చేసి చూపించారు. ఏ టీమ్ టాస్ నెగ్గిందో కూడా టెలికాస్ట్ చేశారు. సాధారణంగా టాస్ విషయంలో అంత పర్టిక్యులర్గా ఉండరు. టాస్ వేసేటప్పుడు, ఆ తర్వాత ఎవరు నెగ్గారో ప్రెజెంటర్, మ్యాచ్ రిఫరీలు చెబుతుంటారు. కానీ టాస్ విషయంలో ఫిక్సింగ్ జరుగుతోందంటూ వస్తున్న ఆరోపణలను సీరియస్గా తీసుకున్న బీసీసీఐ.. దీని గురించి బ్రాడ్కాస్టర్స్ జియో సినిమా, హాట్ స్టార్తో కలసి చర్చించిందని తెలుస్తోంది. దీని ఫలితంగానే లక్నో, చెన్నై మ్యాచ్లో టాస్ను మరింత జూమ్ చేసి స్పష్టంగా చూపించారని సమాచారం. ఏదేమైనా ఇప్పుడీ టాస్ వీడియో మాత్రం సోషల్ మీడియాలో వైరల్ అవుతోంది.
ఎల్ఎస్జీ-సీఎస్కే మ్యాచ్ టాస్ వీడియోపై నెటిజన్స్ రియాక్ట్ అవుతున్నారు. టాస్ విషయంలో వస్తున్న విమర్శలకు ఈ ఒక్క పనితో బోర్డు గట్టి కౌంటర్ ఇచ్చిందని అంటున్నారు. ఇక మీదట ఫిక్సింగ్ అంటూ విమర్శలు చేయడానికి కూడా భయపడేలా తిట్టిన నోళ్లను మూయించిందని చెబుతున్నారు. బీసీసీఐ చేసిన పనికి మెచ్చకోవాల్సిందేనని.. ఈ పనితో గేమ్లో మరింత పారదర్శకత వస్తుందని కామెంట్స్ చేస్తున్నారు. టాస్ విషయంలో బోర్డు చేసిన పనికి తాము మద్దుతు ఇస్తామని నెటిజన్స్ అంటున్నారు. ఇలాంటి మరిన్ని చర్యలతో ఐపీఎల్పై ఎలాంటి మచ్చ పడకుండా చూడాలని సూచిస్తున్నారు. మరి.. టాస్ను జూమ్ చేసి టెలికాస్ట్ చేయాలనే బీసీసీఐ నిర్ణయంపై మీ అభిప్రాయాలను కామెంట్ల రూపంలో తెలియజేయండి.
TOSS RESULTS GETTING ZOOMED. 🧐
– Great initiative from the IPL production team. pic.twitter.com/9bw3UP2a5L
— Mufaddal Vohra (@mufaddal_vohra) April 19, 2024
